Ağstafada Ulu Öndərin anadan olmasının 101-ci ildönümü münasibəti ilə tədbirlər davam etdirilir

Bakı:

27 °C

43 %

4 m/s

AZ RU EN

Ana səhifə / YAP xəbərləri / Ağstafada Ulu Öndərin anadan olmasının 101-ci ildönümü münasibəti ilə tədbirlər davam etdirilir

Ağstafada Ulu Öndərin anadan olmasının 101-ci ildönümü münasibəti ilə tədbirlər davam etdirilir

06.05.2024 [12:49]

06 may 2024-cü il tarixdə Yeni Azərbaycan Partiyası Ağstafa rayon təşkilatının “Ağstafaçay HQİİ” və “Sukanal Sahəsi” Ərazi Partiya Təşkilatlarının iştirakı ilə Ulu Öndər Heydər Əliyevin anadan olmasının 101-ci ildönümü münasibətilə tədbir keçirilib.

Əvvəlcə Ulu Öndərin mənalı ömür yolu, Azərbaycan xalqı və dövləti qarşısındakı misilisiz tarixi xidmətlərindən bəhs edən kitab sərgisinə baxılıb.

Sonra Ümummilli Lider Heydər Əliyevin və Azərbaycanın ərazi bütövlüyü uğrunda canlarını qurban vermiş şəhidlərimizin əziz xatirəsi bir dəqiqəlik sükutla yad edilib.

Tədbiri giriş sözü ilə açan “Ağstafaçay HQİİ” Ərazi Partiya Təşkilatının sədri Sənan Quliyev bildirib ki, müasir müstəqil Azərbaycan Dövlətinin memarı və qurucusu Ulu Öndər Heydər Əliyevin Azərbaycanın tarixində yeri və rolu tarixçilər, politoqlar tərəfindən uzun illər araşdırılacaq, öyrəniləcək, dəyərləndiriləcəkdir. Heydər Əliyev xalqını ən ağır dövrlərdə fəlakətlərdən qurtararaq xilaskarlıq missiyasını ləyaqətlə yerinə yetirmişdir. Bu gün biz dəqiqliklə deyə bilərik ki, əgər Heydər Əliyev olmasaydı, bugünkü Azərbaycan dövləti də olmayacaqdı, nəinki müstəqil qüdrətli dövlət yaratmaq bizə nəsib olacaqdı, hətta ola bilərdi ki, indiki müstəqilliyimiz və ərazimiz çərçivəsində yaşamağımız da böyük sual altında olacaqdı. Heydər Əliyev böyük dövlət xadimi, xarizmatik şəxsiyyət idi. Onun ən böyük arzusu canından artıq sevdiyi doğma xalqına müstəqil, güclü dövlət yaratmaq, bu xalqı xoşbəxt görmək idi. O sanki Azərbaycana xilaskar olaraq göndərilmişdi və xalqını ən ağır dövrlərdə fəlakətlərdən qurtarmışdır. Heydər Əliyev dünyaya sübut etdi ki, vəzifəsindən, zamanından, yaşından asılı olmayaraq, harada işləməsinə baxmayaraq hər bir insan öz xalqına ləyaqətlə xidmət edə bilər.

Daha sonra çıxış edən natiqlər – “Ağstafa Sukanal Sahəsi” Ərazi Partiya Təşkilatının sədr müavini Uday Mustafazadə, “Ağstafaçay HQİİ” Ərazi Partiya Təşkilatının fəal üzvü Tamam İsayeva və YAP Ağstafa rayon təşkilatının əməkdaşı Aytən Məmmədli geniş məruzə ilə çıxış edərək qeyd ediblər ki, Ulu Öndər hakimiyyəti dövründə ölkəmizi geridə qalmış respublikadan çiçəklənən bir diyara çevirmişdi. Ulu öndər Heydər Əliyevin təkcə sovet hakimiyyəti illərindəki fəaliyyəti böyük dövlət idarəçiliyi akademiyasıdır. Ulu Öndər Heydər Əliyev tarixi prosesə təsir göstərməyə qadir şəxsiyyət kimi Azərbaycan xalqı və dövlətçiliyi üçün misilsiz işlər görmüşdür. Bilidirilib ki, ölkəmiz Heydər Əliyev siyasəti ilə irəliləyir və yaşayır. Ulu Öndər Heydər Əliyev irsi davamlı inkişafın təminatıdır. Heydər Əliyevin siyasi kursu dövlət müstəqilliyimizin qorunub saxlanılması və möhkəmləndirilməsi, Azərbaycanın beynəlxalq imicinin yüksəldilməsi, habelə sosial-iqtisadi tərəqqiyə nail olunması kimi taleyüklü məsələlərdə uğurla sınaqdan çıxmışdır.

Paylaş:

Baxılıb: 547 dəfə