Gələcək inkişaf üçün böyük perspektivlər

Bakı:

26 °C

53 %

5 m/s

Əlaqə

AZ RU EN

Ana səhifə / YAP xəbərləri / Gələcək inkişaf üçün böyük perspektivlər

Gələcək inkişaf üçün böyük perspektivlər

01.05.2024 [12:10]

Azərbaycan Respublikasının Prezidenti İlham Əliyev Almaniya Federativ Respublikasının Federal Kansleri Olaf Şoltsun dəvəti ilə “15-ci Petersberq İqlim Dialoqu”nun Yüksək Səviyyəli Seqmentində iştirak etmək üçün aprelin 25-də Füzuli şəhərindən Almaniyaya işgüzar səfərə etmiş, səfər çərçivəsində ölkə başçısı bir sıra böyük əhəmiyyət kəsb edən məhsuldar görüşlər keçirmişdir.

Aprelin 26-da hər iki ölkənin dövlət başçıları birgə mətbuat konfransı keçirmiş, bəyanatlarla çıxış etmişlər.

Ölkə başçısı çıxış edərək Almaniya-Azərbaycan əlaqələrinin inkişafının həm ölkələrimiz üçün, həm də bütövlükdə Cənubi Qafqazın inkişafı və sabitliyi üçün çox böyük əhəmiyyət kəsb etdiyini bildirib.

“Petersberq İqlim Dialoqu” forumunun işində iştirak edərkən bir daha öz niyyətimizi ifadə etdik”- deyən Prezident İlham Əliyev Almaniyanın COP29-la bağlı Azərbaycana göstərdiyi dəstəyə görə təşəkkürünü bildirib. Bu olduqca əhəmiyyətli tədbirə ev sahibliyi etmək Azərbaycan üçün həm böyük şərəf, həm də məsuliyyət olduğunu vurğulayıb.

Dövlətimizin başçısı 2027-ci ilin sonuna qədər 9 Günəş və külək elektrik stansiyalarının istismara veriləcəyini, onların enerji potensialı 2 qiqavata bərabər olacağını, 2030-cu ilə qədər isə əlavə 10 külək və Günəş elektrik stansiyası tikiləcək ki, onun da potensialı 5 qiqavata qədər olacağını diqqətə çatdırıb. “Azərbaycan indi Avropaya yaşıl enerjini ixrac etmək üçün fəal çalışır və hesab edirəm ki, təbii qaz təchizatçısı olan ölkəmiz Avropa üçün yaşıl enerji təchizatçısı da olacaqdır”- deyə ölkə başçısı əlavə edib.

Prezident İlham Əliyev çıxışında ölkəmizin Avropaya qaz təchizatı strateji tərəfdaşlıq əsasında həyata keçirildiyini, 2022-ci ildə Avropa İttifaqı ilə Azərbaycanın müvafiq memorandum qəbul etdiyini diqqətə çatdırıb. 2027-ci ilə qədər Azərbaycanın Avropaya ixrac edəcəyi qazın həcmini 20 milyard kubmetrə çatdırmaq əzmində olduğunu bildirib.

Ölkə başçısı regional təhlükəsizlik məsələsinə toxunaraq Azərbaycanın sülh danışıqlarını yüksək qiymətləndirdiyini söyləyib. Ölkəmizin 2020-ci ildə öz suveren ərazisinin böyük hissəsini işğaldan azad etdiyini, keçən ilin sentyabr ayında isə suverenliyini tam bərpa etdiyini xatırladıb. Ölkə başçısı əlavə edib ki, Azərbaycan beynəlxalq hüququn norma və prinsiplərini əsas tutaraq, BMT Nizamnaməsinin 51-ci maddəsinə söykənərək öz ərazi bütövlüyünü hərbi-siyasi yollarla təmin edib.

Cənab Prezident artıq Azərbaycanla Ermənistan arasında gedən proses nəticəsində sərhədlərin delimitasiyası və hətta demarkasiyası prosesinə də başlanıldığını, 1990-cı və 1992-ci illərdə işğal edilmiş 4 kəndin bizə qaytarılırdığını qeyd edib.

Daha sonra Prezidentlər jurnalistlərin suallarını cavablandırıblar. Dövlətimizin başçısı Azərbaycan haqqında verilən qərəzli, həqiqətə uyğun olmayan suallara tutarlı cavablar verərək ölkəmiz haqqındakı həqiqətləri, reallıqları diqqətə çatdırıb.

Beləliklə, Prezident cənab İlham Əliyevin Almaniya Federativ Respublikasına baş tutmuş səfəri iki, ölkə arasında mövcud münasibətlərin daha yüksək səviyyəyə qaldırılmasına əhəmiyyətli töhfə verəcək, gələcək inkişaf üçün böyük perspektivlər açacaq.

Sahib Şükürov

YAP Göyçay rayon təşkilatının sədri

Paylaş:

Baxılıb: 662 dəfə