Əlaqələrin müsbət dinamikası

Bakı:

26 °C

52 %

3 m/s

Əlaqə

AZ RU EN

Ana səhifə / YAP xəbərləri / Əlaqələrin müsbət dinamikası

Əlaqələrin müsbət dinamikası

29.04.2024 [13:18]

Azərbaycanın xarici siyasətində türk dövlətləri ilə əməkdaşlıq prioritet istiqamətlərdən birini təşkil edir, Azərbaycan Türk Dövlətləri Təşkilatının fəaliyyətinin daha da güclənməsi üçün davamlı addımlar atır. Bu baxımdan Qırğızıstanla da Azərbaycan arasında qarşılıqlı anlaşma mühiti mövcuddur. Qırğızıstan və Azərbaycan bütün beynəlxalq təşkilatlarda bir-birinin mövqeyini dəstəkləyir.

Azərbaycan və qırğız xalqları arasında tarixən ənənəvi dostluq və qardaşlıq əlaqələri mövcud olub. İki ölkənin möhkəm təməllər üzərində qurulan münasibətləri yüksələn xətlə inkişaf edir.

Qırğız Respublikasında 20 minə yaxın azərbaycanlı yaşayır ki, onların da əksəriyyəti Mərkəzi Asiyaya sürgün edilən repressiya qurbanlarının ailə üzvləridir. Azərbaycanla Qırğızıstan arasındakı uğurlu dövlətçilik münasibətlərinin əsası məhz Ümummilli Lider Heydər Əliyev tərəfindən qoyulub və bu gün cənab Prezident İlham Əliyev tərəfindən uğurla davam etdirilir.

Hər iki dövlətin prezidentlərinin rəsmi səfərləri və səfər çərivəsində müxtəlif sahələri əhatə edən mühüm sənədlərin imzalanması əlaqələrin müsbət dinamika ilə inkişafına təkandır. Azərbaycan və Qırğızıstan arasında "Dövlətlərarası Şuranın yaradılması haqqında Memorandum", "Strateji Tərəfdaşlıq haqqında Bəyannamə" və s. daxil olmaqla, müxtəlif sahələri əhadə edən sənədlər imzalanıb. İmzalanan sənədlərdən sırasında olan Strateji Tərəfdaşlıq haqqında Bəyannamə əlaqələrin təməlini möhkəmlənməsində müstəsnadır.

Aprelin 24-də ölkəmizə səfərə gələn Qırğız Respublikasının Prezidenti Sadır Japarovla keçirilən görüşdən sonra hər iki prezident mətbuata bəyanatlarla çıxış ediblər.

Ölkəmizin başçısı cənab İlham Əliyev bildirib ki, Azərbaycan və Qırğızıstan Dövlətlərarası Şurasınınnın ikinci iclasının uğurla keçdiyini bildirərək qeyd etmişdir ki, imzalanmış sənədlər qarşılıqlı fəaliyyətimizin möhkəmləndirilməsi, ticarət dövriyyəsinin artması və bütün istiqamətlər üzrə əməkdaşlığa dair praktiki müstəvidə özünü aydın şəkildə göstərəcək.

Qarşılıqlı fəaliyyətimizin gündəliyinin kifayət qədər geniş olduğunu vurğulayan ölkə başçısı əminliklə bildirib ki, bu səfər və onun nəticələri qarşılıqlı fəaliyyətimizin möhkəmləndirilməsi, ticarət dövriyyəsinin artması və bütün istiqamətlər üzrə əməkdaşlığa dair praktiki müstəvidə özünü aydın şəkildə göstərəcək.

Azərbaycanla Mərkəzi Asiya ölkələrinin çoxəsrlik əməkdaşlıq, dostluq, qarşılıqlı fəaliyyət bağlarının olduğunu qeyd edən cənab İlham Əliyev bildirib ki, “Bu gün Mərkəzi Asiya və Xəzər regionları, Xəzər və Cənubi Qafqaz regionlarının bir hissəsi olan Azərbaycan enerji resursları, nəqliyyat yolları, ticarət baxımından böyük əhəmiyyət kəsb edir. Burada böyük potensial görürük. Ən başlıcası, qardaş ölkələrdən olan ənənəvi tərəfdaşlarımızla qarşılıqlı fəaliyyəti möhkəmləndiririk. Onların arasında Qırğızıstanla əməkdaşlıq xüsusi əhəmiyyətə malikdir.”

Azərbaycan-Qırğız İnkişaf Fondunun Nizamnamə fondununun 4 dəfə - 25 milyon dollardan 100 milyon dollara qədər artırılmasının son hədd olmadığını bildirən dövlət başçısı müvafiq hökumət strukturlarına birgə investisiya fondu çərçivəsində layihələrin həyata keçirilməsi mexanizmini daha tez reallaşdırmaq üçün hər iki dövlət başçısının birlikdə tapşırıq verdiyini bildirən cənab İlham Əliyev bundan sonra Azərbaycan- Qırğızıstan əlaqələrinin daha da inkişaf edəcəyini, hər iki qardaş ölkənin müxtəlif sahələr üzrə əməkdaşlığının milli maraqlarımıza və dövlətçiliyimizə töhfə verəcəyini bildirmişdir.

Rüstəm Nağıyev,

YAP Gədəbəy rayon təşkilatının sədri

Paylaş:

Baxılıb: 478 dəfə