"Yay məktəbi" Lerikdə öz işini davam etdirir

Bakı:

10 °C

93 %

2 m/s

Əlaqə

AZ RU EN

Ana səhifə / YAP xəbərləri / "Yay məktəbi" Lerikdə öz işini davam etdirir

"Yay məktəbi" Lerikdə öz işini davam etdirir

11.07.2012 [23:43]

Yeni Azərbaycan Partiyasının təşkil etdiyi “Liderliyə gedən yol” “Yay məktəbi”nin ikinci mərhələsi öz işini Lerik rayonunda davam etdirir. SİA-nın verdiyi məlumata görə, “Yay məktəbi”nin üçüncü günündə ilk olaraq, qrup rəhbəri, millət vəkili Sahibə Qafarovanın iştirakı ilə “Siyasət haqqında nəzəri biliklər, siyasətin tərkib hissələri” mövzusunda müzakirələr keçirilib.
Moderator Vüsalə Niftəliyeva tədbiri giriş sözü ilə açaraq YAP fəallarına siyasət haqda qısa məlumat verib. Müasir dünyamızda siyasətin üç vasitə ilə həyata keçirildiyini deyən mühazirəçi qeyd edib ki, bunlar siyasi münasibətlər, siyasi institutlar və siyasi ideologiyadır.
Sadalanan vasitələr təhlil ediləndən sonra gənc fəallar və millət vəkili Sahibə Qafarova məsələ ilə bağlı öz fikirlərini bildiriblər. Millət vəkili deyib ki, siyasət geniş məfhum olmaqla bərabər eyni zamanda dar mənada da başa düşülür: “Siyasət, əslində, düzgün, təmiz olmalıdır. Amma bəzi ölkələr buna çirkinlik qatıb. Buna ən bariz nümünə kimi işğalçı Ermənistanı göstərə bilərik. Yəni, siyasət yalanlarla həyata keçirilir və bu da məqsədli şəkildədir”.
V.Niftəliyeva daha sonra YAP fəallarına daxili və xarici siyasətdə canlı və cansız siyasi vasitələr (SV) haqda məlumat verib. O, qeyd edib ki, canlı SV-lər dövlət rəhbəri, nazir və nazirliyin idarə və şöbə rəhbərləri, dövlət katibi, departament əməkdaşları, səfir, konsul, attaşe, elçi və sairlərdir. Cansız SV-lərə isə müqavilələr, referendumlar, sənədlər, protokollar, aktlar və digər belə sənədlər daxildir.
Daha sonra Azərbaycanın daxili siyasəti və onun şərtləri barədə məlumat verilib, dövlət strategiyasından danışılıb. YAP Samux rayon Gənclər Birliyinin üzvü Ceyhun Həsənov bildirib ki, dövlətçilik strategiyası təminedici, hərəkətləyici, idarəedici, qoruyucu funksiyasını yerinə yetirir: “Haqqında danışılan strategiya baza strategiyası olaraq adətən dəyişməyən xüsusiyyətlərə malik olur. Onun tərkibinə daxil olan elementlərin, hissələrin bəzilərinin tərkibində şəraitə, zamana, reallığa və tələbata uyğun olaraq dəyişiklik etmək olur. Məsələn, konstitusiya islahatları zamana uyğun aparıla bilər. Lakin dövlətçilik strategiyasının ümumiyyətlə, tərkib elementlərini dəyişmək olmaz. Buna misal olaraq isə deyə bilərəm ki, konstitusiyasız, rəsmi dilsiz, dövlət quruluşsuz, milli valyutasız, xalqsız, vətəndaşsız, ərazisiz və s. vəziyyətlərdə dövlətin mövcudluğundan söhbət gedə bilməz. Biz dövlətçilik nəzəriyyəsində strateji fəaliyyət planını unuda bilmərik. Bu amilin çox təsiredici əhəmiyyəti var. Burada ən əsas iqtisadi strategiyadır. ümummilli liderimiz Heydər Əliyev əbəs yerə deməmişdir ki, “iqtisadiyyadı güclü olan dövlət hər şeyə qadirdir”. İqtisadiyyat sahəsində nəzərdə tutulan 10 illik fəaliyyət planı böyük və təsiredici nəticələr əldə olunmazsa, sosial sahə strategiyasını hazırlamaq yersizdir. Eləcə də bir sahədə nəzərdə tutulan siyasi strategiya vaxtında yerinə yetirilməsə bu amil bütün sahələrə təsir edir. Mən bir gənc olaraq inanıram ki, bizim 2020-ci il strategiyamız çox uğurla həyata keçiriləcək. çünki bizim güclü iqtisadiyyatı olan dövlətimiz var. Bu dövlətin başında çox bacarıqlı, mükəmməl keyfiyyətlərə malik olan Prezidentimiz durur. Biz gənclər Prezidentimizlə çox zirvələri fəth edəcəyik”.
Daha sonra dünyanın tanınmış səxslərinin siyasət haqda dedikləri maraqlı aforizmlər dinlənilib, müzakirə və təhlil edilib, liderlik keyfiyyətlərindən söhbət açılıb.
Təqdimatların qiymətləndirilməsinə münasibət bildirən Yasamal rayon Gənclər Birliyinin sədr müavini Elməddin Əmirov qeyd edib ki, YAP-ın həyata keçirdiyi “Yay məktəbləri” gənclərdə liderlik keyfiyyətlərinin formalaşmasına böyük imkanlar yaradır: “Bu kimi seminar və müzakirələr gənclərin həm siyasi biliklərini artırır, həm də azad müzakirələrdə fəal iştirakını təmin edir. Mən inanıram ki, burada əldə etdiyimiz biliklər biz gənc siyasi fəalların gələcək siyasi fəaliyyətində böyük rol oynayacaq. Düşünürəm ki, bu kimi mövzuları nəinki belə “yay məktəbləri”ndə hətta rayon təşkilatlarının gənclər birliklərində də müzakirə etmək lazımdır. Burada “Yay məktəbi”ndə iştirak etməyən gənc fəallar da müzakirələrdən yararlana bilər”.
Bundan sonra “Yay məkdəbi”nin iştirakçıları arasında “2 fəxr+ 1 təəssüf” intellektual oyunu keçirilib.

Paylaş:

Baxılıb: 1353 dəfə