Heydər Əliyev
yeni azerbaycan logo

Ana səhifə / Sosial / Taksi sürücüsünün “xoşniyyətli” çay təklif etdiyi xanımı hamı tanıyır

Taksi sürücüsünün “xoşniyyətli” çay təklif etdiyi xanımı hamı tanıyır

08.12.2021 [11:52]

Cəmiyyətin ən əhəmiyyətli peşələrindən biri də taksi fəaliyyətidir. Beş-on min düzəldib, ya da kreditlə özünə avtomobil almağa imkanı çatan, digər işlərdə uğursuz olanların bu sahəyə sürətli axını heç də ürəkaçan deyil. Çünki bu kimi insanlar onsuz da uğursuzluq sindromunu yaşayan, heç bir sahədə inkişafa, mütərəqqiyə nail ola bilməyən şəxslərdir. Belə olduğuna görə də indi küçədə daş atırsan, gedib şahmata dəyir. Yox, şahmat taxtasına yox, taksi yazısı olan şahmata. Elə yeri gəlmişkən, bu şahmatlar və fərqləndirmə nişanları qanuni taksi fəaliyyəti göstərən şəxslərə verilir. Və ya verilirDİ... İndi verilmir. Artıq hamı bu və ya digər taksi proqramını mobil telefonuna yükləyərək taksi sürücüsü kimi qeydiyyatdan keçə bilər. Yox, qeydiyyatın bu qədər asanlaşması təbii ki, pis bir şey deyil, hətta bir çoxları üçün işdən sonra əlavə gəlir yeri kimi çox da yaxşıdır. Əfsuslar olsun ki, bu peşədən də çörək yox, başqa “mənfəətlər” qazanmaq üçün istifadə edənlər də var.

Bu günlərdə taksidə yol gedən bir xanım sərnişin taksi sürücüsü ilə aralarında olan dialoqu çəkib sosial şəbəkələrdə yaymışdı. Video təxminən bundan ibarət idi ki, sürücü sərnişininə çay içmək təklifi edir, dəfələrlə “çay içək, gözəl xanımsınız, ona görə deyirəm” kimi ifadələrlə xanımı çay içməyə “dəvət” edir. Xanım isə israrla ona öz işini görməsini, yəni xanımı ünvan başına çatdırmağı deyir. Təbii ki, bu, xanımın lentə aldığı kadrda öz əksini tapır. Hələ hadisənin videoya çəkilməmiş hissəsi də var, kadrarxası. Görün nə həddə çatıb ki, xanım kameranı çıxarıb başlayıb çəkməyə... Əlbəttə, bu, bütün xanımlara aid deyil.

Amma normal, əxlaqı yerində olan bir xanıma qarşı bu cür hərəkətlər yolverilməzdir. Məncə, elə əsl xanımlardan biri də bu hərəkəti götürüb çəkib videoya.

 Niyə çəkib, bilirsinizmi? Bizə ar olsun deyə. Bəli, bizə - sənə, mənə, ona - elə hamımıza. Çünki hamımız aysberqin görünməyən tərəfini yaxşı bilirik. Elə bu qədər israrla, səmimi-qəlbdən edilən “çay təklif”inin arxasında nə məqsədlər yatdığını da.

O xanım kimdir, bilirsinizmi? Mən bilirəm. Və onu da bilirəm ki, həmin xanımı siz də tanıyırsınız. O, bu gün videodakı xanımdırsa, sabah sənin, mənim bacım, anam və ya həyat yoldaşım ola bilər. Elə o taksi sürücüsünün də!

 

 

 

Paylaş
Baxılıb: 212 dəfə

Xəbər lenti

Hamısına bax

Xəbər lenti

Xəbər lenti

Xəbər lenti

Müsahibə

Xəbər lenti

Siyasət

İqtisadiyyat

Xəbər lenti

Xəbər lenti

Arxiv
B Be Ça Ç Ca C Ş
1
2 3 4 5 6 7 8
9 10 11 12 13 14 15
16 17 18 19 20 21 22
23 24 25 26 27 28 29
30 31