Peyvənd olunmayanlar və qaydalara əməl etməyənlər COVİD-19-a yoluxanların sayının artmasına səbəb olurlar

Bakı:

26 °C

52 %

3 m/s

AZ RU EN

Ana səhifə / Sosial / Peyvənd olunmayanlar və qaydalara əməl etməyənlər COVİD-19-a yoluxanların sayının artmasına səbəb olurlar

Peyvənd olunmayanlar və qaydalara əməl etməyənlər COVİD-19-a yoluxanların sayının artmasına səbəb olurlar

25.08.2021 [10:49]

Son vaxtlar qonşu respublikalarda olduğu kimi, ölkəmizdə də yeni növ koronavirus (COVİD-19) infeksiyasına yoluxma sayında kəskin artım qeydə alınır. Bu isə bizi narahat etməyə bilməz.

Məsələ ilə bağlı Azərbaycan Tibb Universitetinin yoluxucu xəstəliklər kafedrasının dosenti, tibb elmləri doktoru, professor Sədrəddin Atakişizadə bildirib ki, mövcud vəziyyət bizi kədərləndirir və təhlükənin geniş xarakter almaması üçün qabaqlayıcı tədbirlər görməyə vadar edir: “Doğrudur, ölkəmizdə də vaksinasiya prosesi aparılır. Amma məhz peyvənd olunmayanlar və qaydalara əməl etməyənlər yoluxanların sayının artmasına səbəb olurlar. Əgər biz hava-damcı infeksiyasının yayılmasının qarşısını almaq üçün lazımi sosial məsafəni gözləyəriksə, infeksiyanın xəstədən sağlam insana keçmə ehtimalı kəskin şəkildə azalar. Xəstə tibbi maska taxırsa, onun ətraf mühitə virus yayma ehtimalı aşağı olur. Eyni zamanda, qarşı tərəf də tibbi maskadan istifadə edirsə, onun yoluxma ehtimalı sıfra bərabərdir”.

“İnsanlar bəzən deyirlər ki, vaksinasiya olundum, amma xəstələndim. Peyvənd insanları yüz faiz xəstəlikdən qorumur. Amma peyvənd olunanlar arasında ölüm faizi yox dərəcəsindədir, ağırlaşma hallarına da çox az rast gəlinir. Bu gün koronavirusdan reanimasiyaya düşən xəstələrin əksəriyyəti vaksinasiyadan keçməyən insanlardır. Peyvənd olunmayanlardan fərqli olaraq, vaksin vurduranlar virusa yoluxsalar belə, xəstəliyi ayaqüstü keçirirlər. Fərq bundan ibarətdir”, - deyə mütəxəssis söyləyib.

Onun sözlərinə görə, xəstəlik keçirdikdə və peyvənd olunduqda - hər iki halda orqanizmdə immunitet yaranır: “Birincisi, təbii immunitetdir ki, xəstəlikdən sonra yaranır. Orqanizmdə antigenlər, anticisimlər və s. əmələ gəlir. İkincisi isə süni yaranan immunitetdir ki, o da vaksinasiyanın hesabına əmələ gəlir. Süni yaranan immunitetin davamlılıq müddəti 6 ay, bəzən isə 1 ilədək çəkir. Bu müddət ərzində vaksin olunan şəxsin immunitetində zəifləmə prosesi gedir. Əlavə dozanın qəbuluna ehtiyac yaranır. Elə koronavirusda olduğu kimi. Ona görə də pandemiya davam edərsə, yoluxmaların sayında azalmalar olmazsa, iki doza qəbul edənlər 6 aydan sonra üçüncü dozanı da qəbul etməyə məcburdurlar”.

“Koronavirus mutasiyaya uğrayan bir virus olduğundan bir formadan digər formaya keçir. Hazırda istifadə etdiyimiz vaksinlər ciddi ağırlaşmalar yaratmadığına görə onları istənilən ştama qarşı tətbiq etmək məsləhətdir. Pandemiyanın qarşısını almaq istəyiriksə vaksin olunmaq mütləqdir”, - deyə professor vurğulayıb.

MÜŞFiQƏ

Paylaş:

Baxılıb: 715 dəfə