Qubadlı Rayon İcra Hakimiyyətinin təşəbbüsü, YAP Qubadlı rayon təşkilatının və rayon Gənclər və İdman İdarəsinin birgə təşkilatçılığı ilə xatirə turniri keçirilib

Bakı:

25 °C

71 %

11 m/s

AZ RU EN

Ana səhifə / Sosial / Qubadlı Rayon İcra Hakimiyyətinin təşəbbüsü, YAP Qubadlı rayon təşkilatının və rayon Gənclər və İdman İdarəsinin birgə təşkilatçılığı ilə xatirə turniri keçirilib

Qubadlı Rayon İcra Hakimiyyətinin təşəbbüsü, YAP Qubadlı rayon təşkilatının və rayon Gənclər və İdman İdarəsinin birgə təşkilatçılığı ilə xatirə turniri keçirilib

02.10.2019 [09:18]

Qubadlı Rayon İcra Hakimiyyətinin təşəbbüsü, Yeni Azərbaycan Partiyası (YAP) Qubadlı rayon təşkilatının və rayon Gənclər və İdman İdarəsinin birgə təşkilatçılığı ilə Milli Qəhrəmanlar və şəhidlərin xatirəsinə həsr olunmuş yeniyetmələr arasında yunan-Roma güləşi üzrə turnir keçirilib. Tədbirdə Qubadlı Rayon İcra Hakimiyyəti başçısının müavini, YAP Qubadlı rayon təşkilatının sədri Allahverdi Haxverdiyev, rayon Gənclər və İdman İdarəsinin rəisi Natiq Abbasov, əməkdar məşqçi Bahadur Həziyev, ictimaiyyət nümayəndələri, gənclər və idmançılar iştirak ediblər.
Tədbiri giriş sözü ilə açan YAP Qubadlı rayon təşkilatının sədri Allahverdi Haxverdiyev ölkəmizdə uğurla həyata keçirilən ordu quruculuğu prosesindən danışıb. Bildirilib ki, Ümummilli Lider Heydər Əliyevin ordu quruculuğu ilə bağlı həyata keçirdiyi tədbirlər bu gün Prezident İlham Əliyev tərəfindən inamla, uğurla davam etdirilir. Qeyd edilib ki, hazırda Azərbaycan Ordusu Cənubi Qafqazda ən güclü və hazırlıqlı ordudur. Qarabağ döyüşlərində düşmənlə mübarizədə 238 nəfər Qubadlı sakininin şəhid olduğunu, 200 nəfərə yaxın sakinin ağır yaralandığını, 300-dən artıq rayon sakininin əlil olduğunu, 100 nəfərdən çoxunun itkin düşdüyünü qeyd edən A.Haxverdiyev 12 nəfər Qubadlı sakininin Milli Qəhrəman adına layiq görüldüyünü vurğulayıb. Tədbirdə Qubadlı sakinlərinin Prezident İlham Əliyevin yürütdüyü siyasəti dəstəklədiyi və bu uğurlu siyasi fəaliyyət sayəsində torpaqlarımızın yaxın zamanda işğaldan azad olunacağına əminlik ifadə olunub.
Tədbirdə çıxış edən rayon Gənclər və İdman İdarəsinin rəisi Natiq Abbasov torpaqlarımızın ərazi bütövlüyü uğrunda gedən döyüşlərdə canlarından keçmiş və Milli Qəhrəman və Şəhidlik zirvəsinə yüksəlmiş, idmanın müxtəlif növlərində nailiyyətlər qazanmış idmançılar haqqında məlumat verib. Qeyd olunub ki, qüdrətli Azərbaycan Ordusu istənilən vaxt işğal altında olan torpaqlarımızı azad etməyə qadirdir.
Vurğulayaq ki, turnirdə Sumqayıt, Abşeron, Qubadlı, Zəngilan və digər rayonlardan olmaqla 98 nəfər idmançı öz qüvvələrini sınayıblar. Yarışda qalib gəlmiş idmançılar diplom, medal və YAP Qubadlı rayon təşkilatının fəxri fərmanları ilə mükafatlandırılıblar.

Paylaş:

Baxılıb: 463 dəfə