Odlar Yurdu Universitetində Türk Dünyası Araşdırmaları Mərkəzinin açılışı olub

Bakı:

26 °C

61 %

3 m/s

Əlaqə

AZ RU EN

Ana səhifə / Sosial / Odlar Yurdu Universitetində Türk Dünyası Araşdırmaları Mərkəzinin açılışı olub

Odlar Yurdu Universitetində Türk Dünyası Araşdırmaları Mərkəzinin açılışı olub

17.12.2018 [16:50]

Dekabrın 17-də Odlar Yurdu Universitetində Türk Dünyası Araşdırmaları Mərkəzinin açılışı olub.
Açılış mərasimində Türkiyənin Azərbaycandakı səfirliyinin təhsil müşaviri Mahmut Ağırman, Azərbaycan Respublikası Milli Məclisinin deputatı, Azərbaycan Atatürk Mərkəzinin sədri, akademik Nizami Cəfərov, “525-ci qəzet”in baş redaktoru, Azərbaycan Yazıçılar Birliyinin katibi Rəşad Məcid, millət vəkilləri Sona Əliyeva, Dilarə Cəbrayılova və digər qonaqlar iştirak etmişdir.
Odlar Yurdu Universitetinin rektoru prof. Əhməd Vəliyev və Türkiyənin Azərbaycandakı səfirliyinin təhsil müşaviri Mahmut Ağırman mərkəzin rəmzi açılışını bildirən lenti kəsdilər. Daha sonra çıxış edən Odlar Yurdu Universitetinin rektoru prof. Əhməd Vəliyev bildirdi ki, qədim tarixi, zəngin mədəniyyəti olan türk xalqları bəşəri sivilizasiyanın inkişafında, dünya ictimai-siyasi modelinin, ədəbi-bədii fikrinin formalaşmasında əhəmiyyətli rol oynamış, tarixin siyasi və mədəni səhnəsində özlərinin öncül yerlərini daim qoruyub saxlamışlar. Qeyd etməliyəm ki, çoxminillik tarixi olan türk xalqlarının mənəvi dəyərlərinin öyrənilməsi Sovetlər Birliyinin hakimiyyəti dövründə ideoloji basqılara məruz qalmış və bu birlik daxilində yaşayan türk xalqları basqıların təsiri nəticəsində öz həqiqi tarixlərini öyrənməkdən, milli dəyərlərə sahib çıxmaqdan məhrum edilmişlər. O, əminliyini bildirmişdir ki, bu mərkəz türk dünyası xalqlarının tarixi köklərinə dair tədqiqatların öyrənilməsi, inkişaf etdirilməsi və dünyaya tanıdılması istiqamətində olduqca mühüm işlər görəcəkdir. Tədbirdə çıxış edən Türkiyənin Azərbaycandakı səfirliyinin təhsil müşaviri Mahmut Ağırman Türk Dünyası Araşdırmaları Mərkəzinin yaradılmasının ölkələrimiz arasında təşəkkül tapmış yüksək mədəni və humanitar əlaqələrin təzahürü olduğunu və bunun əlaqələrimizin daha da inkişafına xidmət edəcəyini bildirdi.
O, vurğuladı ki, birgə səylər nəticəsində Azərbaycan və türk xalqları arasında olan dostluq əlaqələri, eyni zamanda ikitərəfli və çoxtərəfli qaydada əməkdaşlıq sahələri daha da möhkəmlənib inkişaf edəcək və bu dostluq münasibətləri ölkələrə təhsil və elmi tədqiqatlar sahəsində əməkdaşlıq perspektivləri, tələbələrə müxtəlif ölkələrin universitet və elmi-tədqiqat mərkəzlərində təhsil almaq və təcrübə keçmək imkanı verəcəkdir.
Tədbirdə eyni zamanda qeyd olundu ki, Ankara Universiteti TÖMER nümayəndəliyi Azərbaycanda Odlar Yurdu Universitetinə verilmişdir. Millət vəkili Sona Əliyevanın rərbərliyi fəaliyyət göstərəcək TÖMER Mərkəzində Türkiyənin müxtəlif universitetlərində bakalavr, magistratura və doktorantura pilləsi üzrə türk dilində təhsil almağa qərar verən gənclər üçün Türkçe Yeterlik Sınavı (TYS-TÖMER) imtahanı təşkil olunacaq.
Mərkəzlə tanış olan qonaqlar Türk Dünyası Araşdırmaları Mərkəzinin fəaliyyətinə uğurlar arzuladılar.

Paylaş:

Baxılıb: 721 dəfə