Qaçqın və məcburi köçkünlərin məşkunlaşdığı binada dezinfeksiya işləri aparılıb

Bakı:

27 °C

47 %

6 m/s

Əlaqə

AZ RU EN

Ana səhifə / Sosial / Qaçqın və məcburi köçkünlərin məşkunlaşdığı binada dezinfeksiya işləri aparılıb

Qaçqın və məcburi köçkünlərin məşkunlaşdığı binada dezinfeksiya işləri aparılıb

07.12.2018 [10:07]

Məlum olduğu kimi, sosial dövlət olan Azərbaycanda ölkə vətəndaşlarının problemlərinin həlli, onların sosial-rifah halının daha da yaxşılaşdırılması istiqamətində davamlı addımlar atılır. Eyni zamanda, ölkəmizdə qaçqın və məcburi köçkünlərin sosial problemlərinin həlli, mənzil-məişət şəraitinin yaxşılaşdırılması istiqamətində işlər də ardıcıllıqla davam etdirilir. Bununla yanaşı, qaçqın və məcburi köçkünlərin müvəqqəti məskunlaşdıqları ərazilərdə meydana çıxan hansısa problemlərin həlli istiqamətində müvafiq tədbirlər görülür. O cümlədən bu kateqoriyadan olan insanların müvəqqəti məskunlaşdıqları binalarda yoluxucu xəstəliklərə və gəmiricilərə qarşı müntəzəm olaraq dezinfeksiya işləri aparılır.
Bu məqamda vurğulamaq yerinə düşər ki, M.Qəmbərov adına 5 saylı uşaq poliklinikasının pediatrı Könül Əliyevanın “Yeni Azərbaycan” qəzetinin redaksiyasına müraciəti əsasında Bakı şəhəri Tbilisi prospektində 3/66 ünvanında yerləşən qaçqın və məcburi köçkünlərin məşkunlaşdığı binaya aidiyyəti qurumlar tərəfindən baxış keçirilib və zəruri tədbirlər görülüb. Səhiyyə Nazirliyi Respublika Gigiyena və Epidemiologiya Mərkəzinin baş direktoru vəzifəsini icra edən İmran Abdullayevin qəzetimizə verdiyi məlumata görə, sözügedən 8 mərtəbəli binada zirzəmi də daxil olmaqla, yoluxucu xəstəliklərə və gəmiricilərə qarşı dezinfeksiya işləri aparılıb. Proses “Bakı şəhər Dezinfeksiya stansiyasının Səbail rayonlararası bölməsi” MMC tərəfindən həyata keçirilib.
Bu isə istər həmin binada məskunlaşan qaçqın və məcburi köçkünlər, istərsə də məsələ ilə bağlı qəzetimizə müraciət edən Könül Əliyeva tərəfindən razılıqla qarşılanıb. Həmin razılıq hissi ilə yenə də qəzetimizə üz tutan K.Əliyeva “M.Qəmbərov adına 5 saylı uşaq poliklinikasında pediatr kimi fəaliyyət göstərirəm. Qaçqınların və məcburi köçkünlərin məskunlaşdığı həmin binadan çoxsaylı pasiyentlərim tərəfindən müraciətlər daxil olurdu. Bir pediatr kimi buna biganə qala bilmədim. Bu məqsədlə də “Yeni Azərbaycan” qəzetinə müraciət etdim. Hər zaman biz gənclərin uğurlarını işıqlandıran doğma qəzetimiz sayəsində aidiyyəti qurumlar məsələni diqqətə götürdü. Bir gün içində briqada təşkil edildi və həmin yaşayış binasında zəruri tədbirlər görüldü, dezinfeksiya işləri aparıldı. Göstərilən diqqətə görə sakinlər və öz adımdan minnətdarlığımı bildirirəm”, - deyib.
MÜŞFİQƏ

Paylaş:

Baxılıb: 652 dəfə