Dövlət Taxıl Fondu üçün yüksək keyfiyyətli buğdanın tədarükü elan edilib

Bakı:

27 °C

44 %

4 m/s

Əlaqə

AZ RU EN

Ana səhifə / Sosial / Dövlət Taxıl Fondu üçün yüksək keyfiyyətli buğdanın tədarükü elan edilib

Dövlət Taxıl Fondu üçün yüksək keyfiyyətli buğdanın tədarükü elan edilib

08.06.2018 [08:52]

Fövqəladə Hallar Nazirliyinin (FHN) Dövlət Material Ehtiyatları Agentliyi Dövlət Taxıl Fondu üçün 2018-ci ildə ölkədə istehsal olunmuş yüksək keyfiyyətli buğdanın tədarükünü elan edir.
FHN-in mətbuat xidmətindən AZƏRTAC-a bildiriblər ki, Dövlət Taxıl Fondu üçün “Səngəçal Taxıl Elevatoru”, “Gəncə Taxıl Elevatoru”, “Abşeron Taxıl” MMC, “Dəvəçi-Dəyirman” MMC, “Karat-Holdinq” MMC, “Karmen” MMC, “Gəncə-Dəyirman” MMC, “N.Quliyev adına Bakı-Taxıl” ASC, “Aveta” MMC, “Neon” firması, “EL-Babatürk” MMC, “Pak-Nur” firması, “Xırman” MMC, “Rəşad” firması,”Səma”FF firması, “Avropa” firması, “Sarı sünbül” firması, “Azəri-Arapoğlu” US, T.Ltd BM və “Svinks” MMC müəssisələri vasitəsilə iyunun 7-dən sentyabrın 1-dək yerli buğda istehsalçılarından qiyməti bir ton üçün 300 manat olmaqla Azərbaycan Respublikası Nazirlər Kabinetinin 2009-cu il 7 iyul tarixli 105 nömrəli Qərarı ilə təsdiq edilmiş “Dövlət Taxıl Fondunun saxlanması və istifadəsi Qaydaları”nın 1 nömrəli əlavəsi ilə müəyyən edilmiş Dövlət Taxıl Fonduna tədarük olunan taxıl üçün qəbul edilmiş aşağıdakı keyfiyyət göstəricilərinə cavab verən buğda qəbul ediləcək.
Taxıl bazarının konyunkturuna müvafiq olaraq qiymət dəyişə bilər:
I. Dənin naturası (bir litrlik purkalarda qramla): buğda üçün 750 q/l-dən az olmamalıdır.
II. Alaq otları (zibil) qarışığı (faizlə): buğda üçün 2 faizdən çox olmamalıdır.
III. Dən qarışığı (faizlə): buğda üçün 5 faizdən çox olmamalıdır.
IV. Nəmlik (faizlə) - bütün bitkilər üçün 13 faizdən çox olmamalıdır.
V. Yapışqanlıq: 3-cü sinif buğda üçün 23 faizdən az olmamalıdır. Yapışqanlığın keyfiyyəti (göstərici: 65-75).
VI. Şüşəvarilik: 3-cü sinif buğda üçün 40 faizdən az olmamalıdır.
VII. İyi və dad: bütün bitkilər üfunət, səməni, acıyovşan və ya dənli bitkilərə xas olmayan və onların emalı məhsullarına keçən (kerosin, benzin, sarımsaq və buna oxşar maddələr) digər iy və dad verməməlidir.
VIII. Sürmə ilə sirayətlənmiş dənlər qəbul edilmir.
IX. Anbar ziyanvericiləri ilə sirayətlənmə olmamalıdır.
X. Digər əlamətlər: bütün bitkilər üçün karantin və iqtisadi cəhətdən təhlükəli xəstəlik, zərərverici və alaq otlarının toxumları olan dən (heyvanların yoluxucu və ya tarlada qışlayan xəstəliklərlə sirayətlənmiş, tərkibi toksiki elementlər, radionukleidlər, pestisidlərlə çirklənmiş dənlər, həmçinin ekoloji baxımdan əlverişsiz təsərrüfatlarda becərilmiş məhsul) qəbul olunmur.
Bu keyfiyyət göstəricilərinin tələblərinə cavab verməyən və məhsulun keyfiyyət göstəriciləri barədə akkreditə olunmuş laboratoriyadan sertifikatı olmayan buğda məhsulu qəbul edilməyəcək. Taxılın özüboşaldan yük maşınları ilə gətirilməsi tövsiyə edilir.
Əlaqə telefonları və qəbul məntəqələrinin ünvanları (09:00-dan 18:00-a kimi):
“Gəncə Taxıl Elevatoru”: Gəncə şəhəri, Azərbaycan əsgəri küçəsi-20, tel: 050-660-39-03;
“Səngəçal Taxıl Elevatoru”: Qaradağ rayonu, Səngəçal qəsəbəsi, Bakı-Səlyan şosesinin 51-ci kilometrliyi, tel: 050-218-30-06;
“Abşeron Taxıl” MMC: Abşeron rayonu, Xırdalan şəhəri, Şamaxı şosesi, tel: 012-342-90-04; 050-352-50-01;
“Dəvəçi-Dəyirman” MMC: Şabran şəhəri, Nizami küçəsi-1, tel: 050-314-39-21;
“Karat-Holdinq”: Xırdalan şəhəri, Şamaxı şossesi-23, tel.: 050-222-38-36;
“Karmen” MMC: Abşeron rayonu, Yeni Şamaxı şossesi-23, tel.: 050-223-18-93;
“Gəncə-Dəyirman” MMC: Gəncə şəhəri, Kimyaçılar küçəsi-1, tel.: 050-265-80-75;
“N.Quliyev adına Bakı-Taxıl” ASC: Dərnəgül qəsəbəsi, 2096-cı məhəllə. Tel. 012-566-00-44; 050-214-72-81;
“Aveta” MMC: Kürdəmir şəhəri, Bakı prospekti 6, tel: 0-50-200-11-87;
“Neon” firması: Gəncə şəhəri, Ə.Əliyev küç. 3, tel: 0-50-220-30-27;
“EL-Babatürk” MMC: Sulutəpə qəsəbəsi, R.Allahverdiyev 300, tel.: 012-346-08-08, 055-271-73-73;
“Pak-Nur” firması: Xaçmaz şəhəri, tel: 050-590-18-36;
“Xırman” MMC: Biləcəri qəsəbəsi, tel: 077-270-97-20;
“Rəşad” firması: Bərdə şəhəri, tel: 050-215-99-00;
“Svinks” MMC: Xırdalan şəhəri, tel: 050-630-65-92;
“Azəri-Arapoğlu” US, T.Ltd BM: Gəncə şəhəri, tel: 050-222-65-22;
“Səma” FF: Bakı şəhəri, tel: 050-311-52-51;
“Avropa” firması: Bakı şəhəri, tel: 050-255-48-88;
“Sarı sünbül” firması: Giləzi, tel: 050-212-29-66;
Daxili malgöndərənlərdən tədarük edilən taxılın qəbulu üçün tələb edilən sənədlər: 2018-ci il iyulun 1-dək Kənd Təsərrüfatı Nazirliyi tərəfindən, 1 iyul tarixindən etibarən isə Qida Təhlükəsizliyi Agentliyi tərəfindən verilmiş daxili karantin sertifikatı;
Dənin keyfiyyət göstəricilərinə görə verilmiş uyğunluq sertifikatının surəti. Uyğunluq sertifikatı könüllülük prinsipi əsasında təqdim edilə bilər. İyulun 1-dən buğda məhsulu istehsalçılarının qeydiyyata alınmaları üçün Qida Təhlükəsizliyi Agentliyinə müraciət etmələri tövsiyə edilir.
Əlavə məlumat almaq üçün Fövqəladə Hallar Nazirliyinin 012-512-50-25 və 070-271-71-33 telefon nömrələrinə, habelə “112 - qaynar xətti”nə müraciət etmək olar.