AHİK-in dövlət təltiflərinə layiq görülən fəallarına mükafatlar təqdim olunub

Bakı:

25 °C

49 %

3 m/s

Əlaqə

AZ RU EN

Ana səhifə / Sosial / AHİK-in dövlət təltiflərinə layiq görülən fəallarına mükafatlar təqdim olunub

AHİK-in dövlət təltiflərinə layiq görülən fəallarına mükafatlar təqdim olunub

17.02.2018 [10:01]

Dövlət təltiflərinə layiq görülən həmkarlar ittifaqları fəallarına fevralın 16-da Azərbaycan Həmkarlar İttifaqları Konfederasiyasında (AHİK) mükafatlar təqdim edilib.
AZƏRTAC xəbər verir ki, tədbiri AHİK-in sədri, Beynəlxalq Həmkarlar İttifaqları Konfederasiyasının və Pan Avropa Regional Şuranın vitse-prezidenti, Milli Məclisin deputatı Səttar Möhbalıyev açıb. O bildirib ki, həmkarlar təşkilatları da dövlətimizin onlara yaratdığı şəraitə adekvat olaraq ölkədə aparılan sosialyönümlü siyasətə dəstək verir, əmək kollektivlərində öz işinin gücləndirilməsinə və tərəfdaşlarla səmərəli əməkdaşlığın dərinləşdirilməsinə diqqəti artırırlar.
Konfederasiya sədri hazırda 1,5 milyona yaxın üzvü birləşdirən və Azərbaycanda ən böyük ictimai təşkilat olan AHİK-in fəaliyyət göstərdiyi 25 il ərzində qurumun inkişafında xidmətləri olan insanlara minnətdarlığını ifadə edib. Bildirib ki, belə insanlar arasında, ilk növbədə, Ulu öndərimiz Heydər Əliyevin adını xüsusi qeyd etmək lazımdır. Ulu öndər Heydər Əliyev vətəndaşların qanuni mənafelərinin, əmək hüquqlarının qorunmasında, sosial problemlərinin həllində mühüm rol oynayan həmkarlar ittifaqı təşkilatlarının fəaliyyətini həmişə yüksək qiymətləndirib.
Səttar Möhbalıyev məlumat verib ki, AHİK-in V qurultayı və Konfederasiyanın 25 illik yubileyi ərəfəsində həmkarlar ittifaqları təşkilatlarının 114 üzvü fəxri adlarla təltif olunub. Onlardan 4 nəfər 3-cü dərəcəli “Vətənə xidmətə görə” ordeninə, 4 nəfər “Əməkdar Həkim”, 4 nəfər “Əməkdar Mədəniyyət İşçisi”, 3 nəfər “Əməkdar Müəllim”, 1 nəfər “Əməkdar Bədən Tərbiyəsi və İdman Xadimi” fəxri adlarına, 98 nəfər isə “Tərəqqi” medalına layiq görülüb.
AHİK sədri deyib ki, bundan əvvəl də belə sərəncamlar imzalanıb. Təltif olunanların sayı ümumilikdə 344-ə çatıb. Onlardan 213-ü ötən hesabat dövrünə aid olub. Bu yüksək diqqətə görə AHİK-in üzvləri adından dərin minnətdarlığını bildirən S.Möhbalıyev Konfederasiyanın bu etimadı layiqincə doğruldaraq mühüm uğurlar qazandığını və bundan sonra da qazanacağını bildirib.
Sonra dövlət təltiflərinə layiq görülənlərə mükafatlar təqdim olunub.
Təltif olunanlar adından çıxış edənlər dövlətimizin diqqət və qayğısını hər zaman hiss etdiklərini bildirib, fəxri adlara layiq görülmələrinin onlar üçün böyük mənəvi dəstək olduğunu deyiblər.

Paylaş:

Baxılıb: 598 dəfə