Nərimanov rayonunda 2 fevral - Azərbaycan Gəncləri Günü münasibəti ilə tədbir keçirilib

Bakı:

25 °C

59 %

8 m/s

Əlaqə

AZ RU EN

Ana səhifə / Sosial / Nərimanov rayonunda 2 fevral - Azərbaycan Gəncləri Günü münasibəti ilə tədbir keçirilib

Nərimanov rayonunda 2 fevral - Azərbaycan Gəncləri Günü münasibəti ilə tədbir keçirilib

03.02.2018 [01:06]

Nərimanov rayon İcra Hakimiyyətinin, Yeni Azərbaycan Partiyası (YAP) Nərimanov rayon təşkilatının və rayon Gənclər və İdman İdarəsinin birgə təşkilatçılığı ilə 2 fevral - Azərbaycan Gəncləri Günü münasibəti ilə tədbir keçirilib.
Tədbiri giriş sözü ilə açan Nərimanov rayon Gənclər və İdman İdarəsinin rəisi, YAP Nərimanov rayon təşkilatının sədr müavini Nəcəf Novruzov müstəqil Azərbaycan gənclərini bu bayram günü münasibətilə təbrik edib. O qeyd edib ki, Azərbaycanın dövlət quruculuğu sahəsində gənclərin müstəsna rolunu və 1996-cı il fevralın 2-də müstəqil Azərbaycan Respublikası gənclərinin birinci forumunun keçirildiyini nəzərə alaraq Ümummilli liderimiz Heydər Əliyev 1 fevral 1997-ci ildə “2 fevral - Azərbaycan Gəncləri Günü elan edilməsi haqqında” Sərəncam imzalayıb. N.Novruzov deyib ki, gənclər hər bir dövlətin gələcəyini, inkişafını istiqamətləndirən aparıcı qüvvədir. Azərbaycan gənclərinin günümüzün müasir, inkişaf etmiş, yüksək intellektli aparıcı qüvvəsi kimi formalaşmasında, birmənalı olaraq, dövlətimizin apardığı gənclər siyasətinin mühüm rolu olub. Bu siyasətin banisi isə xalqımızın Ümummilli lideri Heydər Əliyevdir. Hazırda bu siyasət Prezident İlham Əliyev tərəfindən uğurla davam etdirilir.
Sonra çıxış edən Nərimanov rayon İcra Hakimiyyəti başçısının müavinləri İradə Mahmudova və İlqar Mirzəyev qeyd ediblər ki, Ulu öndərimiz Heydər Əliyev həmişə gənclərə böyük inam göstərirdi, onların qüvvəsinə güvənərək vurğulayırdı: “Gənclər cəmiyyətimizin əksəriyyətini təşkil edir, onlar bizim bu günümüz, həm də gələcəyimizdir. Azərbaycan dövləti, xalqımız gənclərə böyük ümidlə baxır”.
Ümummilli liderimizin siyasi kursunun layiqli davamçısı, Azərbaycan Respublikasının Prezidenti İlham Əliyev bu gün bütün sahələrdə olduğu kimi, gənclər siyasətinin uğurla davam etdirilməsinə xüsusi diqqət göstərir. Dövlətin gənclər siyasəti cənab İlham Əliyevin rəhbərliyi ilə yeni mərhələdə daha da inkişaf edir.
Bu gün Azərbaycanda gəncliyin potensialına böyük önəm verilməsi, onların qayğı və problemlərinin həll olunması, istək və arzularının reallaşması üçün hər cür əlverişli şərait vardır.
Daha sonra tədbirdə YAP Nərimanov rayon təşkilatının sədri Təmraz Tağıyev, Bakı şəhər Gənclər və İdman Baş İdarəsinin rəis müavini Aydın Yusifov, YAP Nərimanov rayon Gənclər Birliyinin sədri Yusif Babanlı, Azərbaycan Dövlət İqtisad Universitetinin Tələbə-Gənclər Təşkilatının sədri Rəsul Həşimov, Azərbaycan Kooperasiya Universitetinin Tələbə-Gənclər Təşkilatının sədri Tamerlan Əkbərov, Azərbaycan Dövlət Bədən Tərbiyəsi və İdman Akademiyasının Tələbə-Gənclər Təşkilatının sədri İlkin Həsənov və digər çıxış edənlər qeyd ediblər ki, Azərbaycanda müasir gənclər hərəkatının inkişafı üçün dövlət səviyyəsində kifayət qədər işlər görülüb, gənclərin qeyri-hökumət təşkilatlarının yaradılması, fəaliyyətlərinin təşkili üçün sağlam mühit yaradılıb və hüquqi baza təkmilləşdirilib. Gəncliyə göstərilən dövlət qayğısı sabaha və uğurlara hesablanan bir siyasətdir və bu siyasət sağlam və intellektual nəslin formalaşmasına xidmət edir. Bütün bunlar isə Azərbaycan gəncliyinin sabahına daha böyük inamla baxmağa əsas verir. Dövlətimizin bütün sahələrdə həyata keçirdiyi uğurlu və məqsədyönlü siyasət nəticəsində Azərbaycan gəncliyi xoşbəxt və firavan gələcəyə doğru addımlamaqdadır.
Tədbirin sonunda dövlət gənclər siyasətinin uğurla həyata keçirilməsi istiqamətindəki fəaliyyətinə, təhsildə fərqləndiyinə, Nərimanov rayonunun mədəni-kütləvi tədbirlərində fəal iştirakına görə və 2 fevral - Azərbaycan Gəncləri Günü münasibətilə bir qrup rayon gənci mükafatlandırılıb.
N.BAYRAMLI

Paylaş:

Baxılıb: 624 dəfə