Qubadlı ictimaiyyəti 20 Yanvar faciəsinin 28-ci ildönümü ilə bağlı tədbir keçirib

Bakı:

27 °C

48 %

2 m/s

Əlaqə

AZ RU EN

Ana səhifə / Sosial / Qubadlı ictimaiyyəti 20 Yanvar faciəsinin 28-ci ildönümü ilə bağlı tədbir keçirib

Qubadlı ictimaiyyəti 20 Yanvar faciəsinin 28-ci ildönümü ilə bağlı tədbir keçirib

20.01.2018 [01:17]

20 Yanvar faciəsinin 28-ci ildönümü ilə bağlı Qubadlı rayon ictimaiyyəti tərəfindən silsilə anım tədbirləri keçirilir. Bu istiqamətdə növbəti tədbir Qubadlı rayon İcra Hakimiyyətinin təşəbbüsü ilə dünən Hafiz Quliyev adına Qubadlı rayon Çaytumas kənd məktəb-liseyində keçirilib. Tədbirdə rayon İcra Hakimiyyəti Aparatının işçiləri, rayonun idarə, müəssisə, təşkilat rəhbərləri və ictimaiyyət nümayəndələri, məktəbin şagird və müəllim kollektivi iştirak edib. Anım mərasimində xalqımızın azadlığı və torpaqlarımızın müdafiəsi uğrunda canlarından keçmiş şəhidlərin xatirəsi bir dəqiqəlik sükutla yad edilib, 20 Yanvar faciəsinə həsr olunmuş videoçarx nümayiş olunub.
Tədbirdə çıxış edən Qubadlı rayon İcra Hakimiyyəti başçısının müavini, YAP Qubadlı rayon təşkilatının sədri Allahverdi Haxverdiyev 20 Yanvar hadisələrinə ilk siyasi qiymətin məhz Ümummilli lider Heydər Əliyev tərəfindən verildiyini vurğulayaraq qeyd edib ki, 20 Yanvar milli matəm, hüzn günü olmaqla yanaşı həm də xalqımızın qəhrəmanlıq salnaməsidir. A.Haxverdiyev bildirib ki, 1990-cı il yanvarın 19-dan 20-nə keçən gecə Azərbaycan xalqına qarşı törədilmiş cinayət, tökülmüş nahaq qanlar, insanların vəhşicəsinə qətlə yetirilməsi Azərbaycan xalqının müstəqillik uğrunda mübarizə əzmini qıra bilmədi: “SSRİ rəhbərliyinin Azərbaycan xalqına qarşı törətdiyi bu qanlı cinayət xalq kütlələrini daha da birləşdirdi, onların mübarizliyini daha da artırdı. Həmin gecə Azərbaycan xalqı özünün yenilməzliyini, qəhrəmanlığını, Vətənə, torpağa sədaqətini, azadlıq uğrunda mübarizə əzmini bütün dünyaya bəyan etdi. Məhz bu əzmin, iradənin sayəsində xalqımız müqəddəs arzusuna çatdı, milli azadlığına qovuşdu. Azərbaycan müstəqil dövlət kimi dünya birliyinə daxil oldu. Hal-hazırda əsası Ulu öndər tərəfindən qoyulan bu siyasətin layiqli davamçısı olan Azərbaycan Respublikasının Prezidenti cənab İlham Əliyevin qətiyyətli fəaliyyətinin nəticəsində dünya ölkələri içərisində ölkəmiz inkişafına, nüfuzuna görə xüsusilə seçilir”.
Tədbirdə çıxış edən Qubadlı rayon İcra Hakimiyyəti başçısının müavini Xoşqədəm Alıyeva, Çaytumas kənd məktəb-liseyinin direktoru Şamama Həsənova, məktəbin tarix müəllimi Elşad Süleymanov 20 Yanvar faciəsini müstəqillik tariximizin şanlı səhifəsi adlandırıblar.
Tədbirin sonunda məktəblilərin ifalarında 20 Yanvar şəhidlərinə həsr olunmuş hərbi vətənpərvərlik mövzusunda şeirlər səsləndirilib, ədəbi-bədii kompozisiya nümayiş olunub.
Pərviz SADAYOĞLU

Paylaş:

Baxılıb: 534 dəfə