Ulu öndər hakimiyyətə qayıtdıqdan sonra Azərbaycanda qadın hərəkatına qayğı və dəstək gücləndi

Bakı:

27 °C

61 %

10 m/s

Əlaqə

AZ RU EN

Ana səhifə / Sosial / Ulu öndər hakimiyyətə qayıtdıqdan sonra Azərbaycanda qadın hərəkatına qayğı və dəstək gücləndi

Ulu öndər hakimiyyətə qayıtdıqdan sonra Azərbaycanda qadın hərəkatına qayğı və dəstək gücləndi

09.12.2017 [00:46]

Nəsimi rayon İcra Hakimiyyətinin və rayon Ağbirçəklər Şurasının birgə təşkilatçılığı ilə Ulu öndər Heydər Əliyevin xatirəsinə həsr edilmiş “Ümummilli lider Heydər Əliyev və qadın siyasəti” mövzusunda tədbir keçirilib.
AZƏRTAC xəbər verir ki, tədbirdə Nəsimi rayonunun təhsil, səhiyyə, mədəniyyət müəssisələrində, idarə və təşkilatlarında çalışan qadınlar, şəhid anaları, veteran ailələri, əmək veteranları, həmçinin rayonun ictimai həyatında fəal iştirak edən qadınlar iştirak ediblər.
Ağbirçəklər Şurasının sədri Zərifə Quliyeva çıxış edərək bildirib ki, Ulu öndər Heydər Əliyevin hakimiyyətə qayıdışından sonra dövlət tərəfindən qadın hərəkatına qayğı və dəstək gücləndi: “Ümummilli liderin rəhbərliyi ilə ölkəmizdə aparılan qadın siyasəti nəticəsində bu gün beynəlxalq aləmin ictimai-siyasi, iqtisadi, mədəni həyatının fəal iştirakçısı olan Azərbaycan qadınının cəmiyyətdə rolu xeyli artıb. Bu gün respublikamızda əsası Ulu öndər Heydər Əliyev tərəfindən qoyulan dövlət-qadın siyasəti Prezident İlham Əliyev tərəfindən layiqincə həyata keçirilir”.
Nəsimi rayon İcra Hakimiyyəti başçısının birinci müavini Gülarə Verdiyeva bildirib ki, Azərbaycan cəmiyyətində tarixən ağbirçəklərə, analara xüsusi hörmət olub. Xalqımızın hüquq və azadlığını daim qorumuş, onun milli şüurunun formalaşmasında, maariflənməsində böyük xidmətlər göstərmiş Ümummilli lider Heydər Əliyev qadın hərəkatını, qadınlarla bağlı məsələləri daim diqqət mərkəzində saxlayıb. O, 1969-cu ildə - respublikamıza ilk dəfə rəhbər təyin olunduqdan sonra qadınlara diqqət və qayğı göstərərək onları bilik və bacarıqlarına, istedad və intellektinə görə irəli çəkməyə, yüksək vəzifələrə təyin etməyə başlayıb. Ulu öndər Heydər Əliyevin respublikamıza rəhbərlik etdiyi bütün dövrlərdə qadın hüquqlarının müdafiəsinə yönəlmiş bir sıra fərman və sərəncamlar imzalanıb. Bu gün bu siyasət Prezident İlham Əliyev tərəfindən uğurla davam etdirilir.
G.Verdiyeva vurğulayıb ki, Azərbaycan Respublikasının Birinci vitse-prezidenti Mehriban xanım Əliyevanın ölkəmizin bu günü, gələcəyi üçün gördüyü işlər hər bir Azərbaycan qadını üçün nümunədir.
Tədbirdə Milli Məclis Aparatının sosial qanunvericilik şöbəsinin müdiri Adilə Abbasova, əmək veteranı Səriyyə Əbülhəsənova və digərləri çıxış edərək Ümummilli lider Heydər Əliyevin fəaliyyətindən söhbət açıblar.

Paylaş:

Baxılıb: 542 dəfə