Qaradağda “2017-2021-ci illər üçün Azərbaycan Gəncliyi Dövlət Proqramı”nın qəbul olunmasına həsr olunmuş tədbir keçirilib

Bakı:

21 °C

78 %

9 m/s

AZ RU EN

Ana səhifə / Sosial / Qaradağda “2017-2021-ci illər üçün Azərbaycan Gəncliyi Dövlət Proqramı”nın qəbul olunmasına həsr olunmuş tədbir keçirilib

Qaradağda “2017-2021-ci illər üçün Azərbaycan Gəncliyi Dövlət Proqramı”nın qəbul olunmasına həsr olunmuş tədbir keçirilib

24.10.2017 [10:08]

Dünən Yeni Azərbaycan Partiyasının (YAP) Qaradağ rayon təşkilatının Gənclər Birliyi və Qaradağ rayon Gənclər və İdman İdarəsinin “2017-2021-ci illər üçün Azərbaycan Gəncliyi Dövlət Proqramı”nın qəbul olunmasına həsr olunmuş birgə tədbiri keçirilib. Tədbirdə çıxış edən YAP Qaradağ rayon təşkilatının sədri, partiyanın Siyasi Şurasının üzvü, Milli Məclisin deputatı Aydın Hüseynov deyib ki, Azərbaycan gəncliyi ictimai həyatın bütün sferalarında aktiv fəaliyyəti ilə seçilir və siyasi, iqtisadi, humanitar, sosial tədbirlərin həyata keçirilməsində mühüm rol oynayır. Onun sözlərinə görə, Azərbaycanın gənclərlə bağlı dövlət siyasətinin müəyyənləşdirilməsi Ümummilli lider Heydər Əliyevin adı ilə birbaşa bağlıdır. Millət vəkili bildirib ki, əsası Ümummilli lider tərəfindən qoyulan gənclər siyasəti bu gün Prezident İlham Əliyev tərəfindən uğurla davam etdirilir. Dövlət tərəfindən gənclərə göstərilən diqqət və qayğı ildən-ilə daha da artaraq onların fəaliyyətinin ən aktual istiqamətlərini əhatə edir. İstedadlı gənclərin təhsilinin stimullaşdırılması, gənc ailələrə dəstək, gənclərin məşğulluğu, sağlamlığı və fiziki inkişafı və bir sıra mühüm məsələləri özündə əks etdirən qanunların və dövlət proqramlarının qəbulu dövlət gənclər siyasətinin mütəmadi xarakter daşıdığını sübut edir.
Qaradağ rayon Gənclər və İdman İdarəsinin rəisi Elçin Abbasov isə vurğulayıb ki, Ümummilli liderimiz Heydər Əliyev Öz siyasətində daima gənclərə qayğı göstərib, onların bir fərd kimi yetişməsinə xüsusi önəm verib. Ulu öndər respublika rəhbərliyinə gəldiyi ilk dövrlərdən gənclərin himayədarı kimi çıxış edərək sağlam düşüncəli yeni nəslin yetişdirilməsi sahəsində misilsiz işlər görüb. Hakimiyyətə gəldiyi ilk günlərdən başlayaraq gənclər siyasəti ilə bağlı bir çox Fərman və sərəncamlar imzalayan Ulu öndər gənclərin milli və vətənpərvər ruhda tərbiyəsinə həmişə önəm verib. Bu gün ölkəmizdə Heydər Əliyev siyasətinin Prezident İlham Əliyev tərəfindən uğurla davam etdirildiyini söyləyən idarə rəisi əlavə edib ki, Azərbaycanda intellektual gənclik yetişib və bu gənclər dövlətçiliyimizin keşiyində ayıq-sayıq dayanıblar.
Sonda çıxış edən gənclər Azərbaycanda gənclərin sağlam nəsil kimi yetişməsi, onların inkişafı üçün həyata keçirilən dövlət siyasətindən razılıqlarını bildiriblər.

Paylaş:

Baxılıb: 439 dəfə