Qubadlı rayon İcra Hakimiyyətində bu ilin birinci rübünün sosial-iqtisadi yekunlarına dair hesabat yığıncağı keçirilib

Bakı:

26 °C

48 %

3 m/s

AZ RU EN

Ana səhifə / Sosial / Qubadlı rayon İcra Hakimiyyətində bu ilin birinci rübünün sosial-iqtisadi yekunlarına dair hesabat yığıncağı keçirilib

Qubadlı rayon İcra Hakimiyyətində bu ilin birinci rübünün sosial-iqtisadi yekunlarına dair hesabat yığıncağı keçirilib

19.04.2017 [09:58]

Sumqayıt şəhərində yerləşən Qubadlı rayon İcra Hakimiyyətində bu ilin birinci rübünün sosial-iqtisadi yekunlarına dair hesabat yığıncağı keçirilib. Tədbirdə rayon İcra Hakimiyyətinin başçısı Malik İsaqov, rayonun idarə, müəssisə və təşkilat rəhbərləri, ictimaiyyət nümayəndələri iştirak ediblər.
Tədbirdə çıxış edən rayon İcra Hakimiyyətinin başçısı M.İsaqov ölkəmizdə bu ilin birinci rübündə qeyri-neft sektorunun 2,4 faiz, qeyri-neft sənayesinin 2 faiz, kənd təsərrüfatının 3,5 faiz, ticarət dövriyyəsinin 15 faiz, ixracın 50 faiz artdığını və bu nailiyyətlərin Prezident İlham Əliyevin apardığı düzgün və şaxələndirilmiş siyasətinin nəticəsində əldə olunduğunu vurğulayıb. Qeyd edilib ki, əsası Ulu öndərimiz Heydər Əliyev tərəfindən qoyulan və bu gün Prezident İlham Əliyev tərəfindən uğurla inkişaf etdirilən dövlət siyasəti vətəndaşların sosial rifahının yüksəlişini təmin edir.
Hesabat yığıncağında Qubadlı rayonundan olan məcburi köçkünlərin mənzil-məişət şəraitlərinin yaxşılaşması və sosial rifah halının yüksəlməsi istiqamətində görülmüş işlərdən də bəhs olunub. Hesabat məruzəsini tədbir iştirakçılarının diqqətinə çatdıran Qubadlı rayon İcra Hakimiyyətinin məsul işçisi, YAP Qubadlı rayon təşkilatının sədri Allahverdi Haxverdiyev bildirib ki, rüb ərzində dövlətin həyata keçirdiyi tədbirlər nəticəsində 8 ailə yeni mənzillə təmin olunub, bir sıra yerlərdə əhaliyə kommunal xidmətlər göstərilib. Xüsusi olaraq vurğulanıb ki, Prezident İlham Əliyevin Nazirlər Kabinetinin sonuncu iclasındakı çıxışında Bakı və Sumqayıt şəhərlərində qəzalı binalarda məskunlaşan 4 min məcburi köçkün ailəsinin yeni binalara köçürülməsinin nəzərdə tutulması, hazırda böyük qəsəbənin tikilməsinin davam etdirilməsi ilə bağlı fikirlər dövlətin məcburi köçkünlərə göstərdiyi diqqət və qayğının bariz nümunəsidir. Hesabat yığıncağında sosial sahədə aparılan işlərdən danışılarkən qeyd olunub ki, rüb ərzində 66 yeni iş yeri yaradılıb, daxili imkanlar hesabına aztəminatlı ailələrə 19 min 200 manat pul köməkliyi edilib, ahıllara və əlil uşaqlara bayram sovqatı paylanıb.
Hesabat yığıncağında Prezident İlham Əliyevin dövlət strukturlarının qarşısına qoyduğu vəzifələrdən də bəhs olunaraq bildirilib ki, bu vəzifələrin yerinə yetirilməsi üçün rayonun bütün idarə, müəssisə və təşkilatları qüvvələri səfərbər edərək səylə çalışmalıdırlar.
Cari ilin birinci rübünün yekunlarına həsr olunmuş hesabat yığıncağında çıxış edən natiqlər fəaliyyət sahələri üzrə rayon ictimaiyyətinə məlumat verərək görülmüş işlərə görə rayon İcra Hakimiyyətinin fəaliyyətini qənaətbəxş sayıblar.
Sonda birinci rübün yekunlarına həsr edilmiş hesabat yığıncağının qərarı qəbul edilib.
Pərviz SADAYOĞLU

Paylaş:

Baxılıb: 503 dəfə