“Azərsu” ASC tərəfindən istehlakçılar üçün daha bir elektron xidmətin göstərilməsinə başlanılıb

Bakı:

27 °C

64 %

1 m/s

Əlaqə

AZ RU EN

Ana səhifə / Sosial / “Azərsu” ASC tərəfindən istehlakçılar üçün daha bir elektron xidmətin göstərilməsinə başlanılıb

“Azərsu” ASC tərəfindən istehlakçılar üçün daha bir elektron xidmətin göstərilməsinə başlanılıb

21.10.2016 [09:55]

“Azərsu” Açıq Səhmdar Cəmiyyəti istehlakçılara göstərilən müştəri xidmətlərinin asanlaşdırılması, bu sahədə şəffaflığın və operativliyin təmin edilməsi məqsədilə müasir informasiya texnologiyalarının tətbiqini davam etdirir. “Elektron hökumət” portalı haqqında Əsasnamə”nin təsdiq edilməsi və elektron xidmətlərin genişləndirilməsi ilə bağlı tədbirlər barədə” Azərbaycan Respublikası Prezidentinin 5 fevral 2013-cü il tarixli 813 nömrəli Fərmanından, həmçinin “Elektron hökumət” portalına qoşulmalı olan informasiya sistemlərinin və ehtiyatlarının Siyahısı”nın və “İnformasiya sistemlərinin və ehtiyatlarının, elektron xidmətlərin “Elektron hökumət” portalına qoşulması üçün Texniki Tələblər”in təsdiq edilməsi haqqında Azərbaycan Respublikası Nazirlər Kabinetinin 1 may 2014-cü il tarixli 118 nömrəli Qərarından irəli gələn məsələlərin həlli məqsədilə “Azərsu” ASC tərəfindən zəruri işlər aparılaraq sayca 7-ci - “Su sayğaclarının təmiri və yaxud nasaz sayğacların dəyişdirilməsi müraciəti” elektron xidmətinin göstərilməsinə başlanılıb.
Artıq istehlakçılar su sayğacının təmiri və yaxud nasaz sayğacların dəyişdirilməsi üçün www.e-gov.az portalı və www.azersu.az saytı üzərindən rəsmi formada elektron qaydada müraciət edə biləcəklər. Xidmət qeydiyyatlı olduğu üçün abonentlər ilk növbədə “Elektron hökumət” portalında təqdim edilən autentifikasiya vasitələrindən biri ilə qeydiyyatdan keçməlidirlər. Növbəti mərhələdə “Azərsu” ASC-nin təqdim etdiyi xidmətlər arasında “Su sayğaclarının təmiri və yaxud nasaz sayğacların dəyişdirilməsi müraciəti” adlı xidmət seçilməli, təqdim edilən pəncərədə abonent kodu daxil edilməlidir. Kod yoxlanıldıqdan sonra abonent məlumatları ekranda göstərilir. Kod bazada mövcud olmadıqda “Daxil edilən kod düzgün deyil” xəbərdarlığı verilir.
Müraciətin qeydiyyata alınması üçün vətəndaş açılan pəncərədə müraciətin səbəbi, əlaqə yaratmaq üçün telefon və e-mail ünvanı və s. daxil etməlidir. Bundan sonra “Müraciət et” düyməsi seçilir və ekranda “Müraciətiniz qeydiyyata alındı. Xidmətimizdən istifadə etdiyiniz üçün sizə təşəkkür edirik” məlumatı qeyd edilir. (Müraciət qaydası barədə ətraflı məlumat www.e-gov.az portalında yerləşdirilib).
Müraciət qeydiyyata alındıqdan sonra abonentin ünvanında Sukanal İdarəsinin nümayəndəsi tərəfindən sayğaca baxış keçirilərək zəruri tədbirlər görülür.
Hazırda “Azərsu” ASC tərəfindən bir sıra xidmətlər elektron qaydada göstərilir. İstehlakçılar internet vasitəsi ilə borcları haqda məlumat ala, abonent məlumatlarını dəyişdirə bilərlər. Bununla yanaşı, borcların internet və ödəmə terminalları vasitəsilə ödənilməsi, borcun olmaması barədə arayışın alınması, I qrup istehlakçıların su təchizatı və tullantı sularının axıdılması sisteminə qoşulması üçün texniki şərtlərin alınması, istehlakçılara abonent məlumatlarının verilməsi elektron xidmətlər vasitəsilə həyata keçirilir.
Qeyd edək ki, “Azərsu” ASC hazırda əhali və qeyri-əhali qrupları daxil olmaqla 1402436 abonentə su təchizatı və kanalizasiya xidmətləri göstərir. Abunəçilərin 903719-u və ya 64,4 faizi sayğacla təmin olunub.

Paylaş:

Baxılıb: 699 dəfə