Vergilər Nazirliyi məlumat azadlığına və məlumat mübadiləsinin səmərəliliyinin artırılmasına xüsusi önəm verir

Bakı:

29 °C

43 %

3 m/s

AZ RU EN

Ana səhifə / Sosial / Vergilər Nazirliyi məlumat azadlığına və məlumat mübadiləsinin səmərəliliyinin artırılmasına xüsusi önəm verir

Vergilər Nazirliyi məlumat azadlığına və məlumat mübadiləsinin səmərəliliyinin artırılmasına xüsusi önəm verir

09.09.2016 [10:10]

Zaur Fətizadə: “Vergi sahəsində şəffaflıq və məlumat mübadiləsi üzrə Qlobal Forum”da Azərbaycanın nailiyyətləri yüksək qiymətləndirilir
“Ölkə başçısının “2016-cı ildə vergi sahəsində aparılacaq islahatların istiqamətləri”nin təsdiqi və vergi inzibatçılığının təkmilləşdirilməsi haqqında” 4 avqust 2016-cı il tarixli Sərəncamı vergi orqanları qarşısında mühüm vəzifələr müəyyən etmişdir. Hazırda Vergilər Nazirliyi Sərəncamın icrası ilə bağlı genişmiqyaslı işlər aparır”. Bunu Vergilər Nazirliyinin Beynəlxalq əməkdaşlıq və maliyyə institutlarında vergi monitorinqi Baş İdarəsinin rəisi, 3-cü dərəcəli dövlət vergi xidməti müşaviri Zaur Fətizadə deyib.
Onun sözlərinə görə, Vergilər Nazirliyi məlumat azadlığına və məlumat mübadiləsinin səmərəliliyinin artırılmasına xüsusi önəm verir. Bu məqsədlə qabaqcıl beynəlxalq təcrübə və standartların öyrənilməsi və tətbiqi üçün vergi inzibatçılığı sahəsində baş verən qlobal proseslər yaxından izlənilir, aidiyyəti beynəlxalq və regional təşkilatlarla, inkişaf etmiş dövlətlərin müvafiq orqanları ilə əməkdaşlıq genişləndirilir. Məhz bu istiqamətdə İqtisadi Əməkdaşlıq və İnkişaf Təşkilatı (OECD) OECD-nin Vergi Siyasəti və İnzibatçılığı Mərkəzi nəzdində yaradılmış “Vergi sahəsində şəffaflıq və məlumat mübadiləsi üzrə Qlobal Forum” ilə əməkdaşlıq, bu quruma üzv qəbul olunmaq mühüm əhəmiyyət kəsb edir.
Z.Fətizadə bildirib ki, Qlobal Forumun qaydalarına əsasən, hər bir üzv ölkə iki mərhələdən ibarət qiymətləndirmə prosesinə cəlb olunur. Birinci mərhələdə qanunvericiliyin beynəlxalq standartlara uyğunluğu, ikinci mərhələdə isə həmin qanunvericiliyin praktikada tətbiqi səviyyəsi qiymətləndirilir. Hər iki mərhələnin nəticələri əsasında ölkənin beynəlxalq standartlara uyğunluq səviyyəsi müəyyənləşdirilir. Azərbaycan Respublikası Qlobal Foruma 2013-cü il fevralın 26-da üzv olub və bununla da məlumat mübadiləsi və şəffaflıq sahəsində beynəlxalq razılaşdırılmış standartın tətbiqi öhdəliyini qəbul edib. Azərbaycan üzrə qiymətləndirmənin birinci mərhələsinə 2014-cü ilin dekabr ayında başlanılıb, hazırlanan hesabat layihəsi Qlobal Forumun 21-24 sentyabr 2015-ci il tarixli 21-ci iclasında müzakirə olunub. Nəticədə Azərbaycanda vergi məqsədləri üçün məlumat mübadiləsinin tətbiqi mexanizmi üzrə qanunvericiliyin tələblərinə müsbət rəy verilərək, ölkəmizin qiymətləndirmənin birinci mərhələsini uğurla keçdiyi barədə qərar qəbul edilib. Eyni zamanda, qiymətləndirmənin ikinci mərhələsinin hesabat layihəsində də Azərbaycanın vergi sahəsində şəffaflıq və məlumat mübadiləsi üzrə qanunvericilik və inzibatçılıq sistemlərinə müsbət rəy verilib. Ölkə hesabatının cari ilin sentyabr ayında Qiymətləndirmə Qrupunun 24-cü iclası zamanı geniş müzakirəsi nəzərdə tutulur.

Paylaş:

Baxılıb: 619 dəfə