Dövlət Dəniz Administrasiyasında 20 Yanvar faciəsinin ildönümü ilə bağlı anım mərasimi keçirilib

Bakı:

22 °C

53 %

2 m/s

Əlaqə

AZ RU EN

Ana səhifə / Sosial / Dövlət Dəniz Administrasiyasında 20 Yanvar faciəsinin ildönümü ilə bağlı anım mərasimi keçirilib

Dövlət Dəniz Administrasiyasında 20 Yanvar faciəsinin ildönümü ilə bağlı anım mərasimi keçirilib

19.01.2016 [10:07]

Azərbaycan Respublikası Dövlət Dəniz Administrasiyasında 20 Yanvar faciəsinin 26-cı ildönümü ilə bağlı anım mərasimi keçirilib.
Dəniz Administrasiyasının mətbuat xidmətindən bildirilib ki, şəhidlərin xatirəsi bir dəqiqəlik sükutla yad olunub. Dövlət Dəniz Administrasiyasının rəisi Qüdrət Qurbanov çıxış edərək bildirib ki, 1990-cı ilin 20 Yanvar hadisələri 20-ci əsr tarixinə ən amansız cinayətlərdən biri kimi düşüb: “Bu hadisələr müstəqillik tariximizdə xalqımızın cəsarətli addımlarını əks etdirən səhifələrdəndir. 20 Yanvar günü həm də Milli Qürur günümüzdür. Azərbaycanın suverenliyi uğrunda ayağa qalxmış əliyalın xalq silahlı imperiya qoşunlarının qarşısında böyük şücaət göstərdi. Şərəfli zirvəyə - şəhidliyə yüksələrək həm özlərinə, həm də Vətənə qəhrəmanlıq salnaməsi yaratdılar. Bakıya yeridilən qoşunlar paytaxt və rayonlarda 147 nəfəri qətlə yetirdi, 638 nəfər yaralandı. Bu olaylar Azərbaycan xalqının azadlıq eşqini boğmağa hesablansa da Vətən sevgisi ilə coşan insanların böyük müqaviməti ilə qarşılaşdı. Azərbaycan vətəndaşı üstünə şığıyan tanklara, avtomat və pulemyot güllələrinə qarşı sinəsini sipər etdi. Onlar qanları bahasına müstəqilliyin şirinliyini dadan ilk insanlar oldu”.
Administrasiyanın rəisi Qüdrət Qurbanov o ağır günlərdə məhz Ümummilli lider Heydər Əliyevin xalqın səsinə səs verdiyini xüsusilə vurğulayıb: “Yalnız Heydər Əliyev Özünün və ailə üzvlərinin həyatını təhlükədə qoyaraq yanvarın 21-də Azərbaycanın Moskvadakı daimi nümayəndəliyinə gəlmiş və terror aktını qətiyyətlə pisləmişdir. Ulu öndərin siyasi hakimiyyətə yenidən qayıdışından sonra 1993-cü ildə 20 Yanvar faciəsinin səbəblərinin araşdırılması və onu törədənlərin məsuliyyətə cəlb olunması istiqamətində mühüm addımlar atılıb. Bu faciəyə dövlət səviyyəsində hüquqi-siyasi qiymət verilib. Ümummilli lider Heydər Əliyevin siyasi kursunu uğurla davam etdirən Prezident İlham Əliyev bütün şəhid ailələrinin problemlərini daim diqqətdə saxlayır və bunun üçün məqsədyönlü tədbirlər həyata keçirilir. Məhz dövlət başçısının yorulmaz fəaliyyətinin nəticəsidir ki, Azərbaycan bu gün regionun ən qüdrətli, nüfuzlu dövlətinə çevrilib və hər an düşmənə layiqli cavab vermək gücünə malikdir”.
Anım mərasimində Dövlət Dəniz Administrasiyanın rəis müavini Ehtiram Rəhimov, administrasiyanın dəniz nəqliyyatı siyasəti şöbəsinin müdiri Nigar Bağırova, hüquq, kadr və beynəlxalq əlaqələr şöbəsinin hüquq sektorunun baş məsləhətçisi Seymur Əsgərli, gəmi heyəti şöbəsinin təhsil-tədris və metodiki təminat sektorunun aparıcı məsləhətçisi Seyidilyas Qədirov, Dəniz Üzgüçülüyünün Təhlükəsizliyi Mərkəzinin liman nəzarəti müfəttişliyi bölməsinin liman nəzarəti müfəttişi Emin Aşurov, Nəqliyyat və Texniki-Təminat İdarəsinin hüquqşünası Çərkəz Babayev çıxış edərək o zaman Mixail Qorbaçov başda olmaqla imperiya rəhbərlərinin Azərbaycan xalqına qarşı törətdiyi qanlı hadisələri qətiyyətlə pisləyiblər. 20 Yanvar hadisəsinin Ümummilli Hüzn Günü olması ilə yanaşı, həm də tariximizin şərəfli, qəhrəmanlıq səhifəsi olduğunu vurğulayıblar.
Arif ƏSƏDOV

Paylaş:

Baxılıb: 838 dəfə