Səbail rayon İcra Hakimiyyətində media nümayəndələri ilə görüş keçirilib

Bakı:

17 °C

67 %

8 m/s

Əlaqə

AZ RU EN

Ana səhifə / Sosial / Səbail rayon İcra Hakimiyyətində media nümayəndələri ilə görüş keçirilib

Səbail rayon İcra Hakimiyyətində media nümayəndələri ilə görüş keçirilib

16.07.2015 [09:53]

Azərbaycan milli mətbuatının yaranmasının 140 illik yubileyi münasibətilə iyulun 15-də Səbail rayon İcra Hakimiyyətində media təmsilçiləri ilə ənənəvi görüş keçirilib.
AZƏRTAC xəbər verir ki, rayon icra hakimiyyətinin başçısı Asif Əsgərov görüşdə çıxış edərək mətbuatın cəmiyyətin həyatındakı rolundan danışıb.
Bildirib ki, bu il 140 illiyini qeyd edən milli mətbuatımız böyük və şərəfli yol keçərək bütün dövrlərdə qabaqcıl ideyaların carçısı olub. Mətbuat mütərəqqi ənənələri formalaşdıraraq cəmiyyət qarşısında üzərinə götürdüyü missiyanı layiqincə yerinə yetirib. Ölkəmizdə medianın inkişafı üçün hər cür şərait yaradılıb.
A.Əsgərov kütləvi informasiya vasitələri ilə Səbail Rayon İcra Hakimiyyəti arasındakı sıx əlaqələrdən də danışıb.
Kütləvi İnformasiya Vasitələrinin İnkişafına Dövlət Dəstəyi Fondunun icraçı direktoru Vüqar Səfərli Azərbaycan mətbuatının 140 illiyi çərçivəsində rayonlarda keçirilən tədbirlərdən söz açıb. V.Səfərli iyulun 22-də Bakıda, Gülüstan sarayında yubiley tədbirinin keçiriləcəyini diqqətə çatdırıb.
O xatırladıb ki, 2000-ci ildə Ulu öndər Heydər Əliyevin Sərəncamı ilə Milli Mətbuat Gününə həsr olunan yubiley tədbiri keçirilib və həmin tədbirdə Ümummilli lider Heydər Əliyev də iştirak edib. O vaxtdan milli mətbuatımızın yubileyləri qeyd edilməyə başlayıb. 2009-cu ildə isə Kütləvi İnformasiya Vasitələrinin İnkişafına Dövlət Dəstəyi Fondu yaradılıb. Fond redaksiyaların maddi-texniki bazasının möhkəmləndirilməsinə dəstək verib, jurnalistlərin peşəkarlığını artırmaq üçün yazı müsabiqələri təşkil edib. Bütün bunlar dövlətin mediaya qayğısıdır. Azərbaycan dövləti jurnalistlərin mənzil-məişət şəraitinin yaxşılaşdırılması istiqamətində də mühüm işlər görür. 2013-cü ildə jurnalistlər üçün ilk binanın istifadəyə verildiyini xatırladan icraçı direktor gələn il 17 mərtəbəli, 255 mənzildən ibarət binanın jurnalistlərin istifadəsinə veriləcəyini deyib: “Dünyanın heç bir yerində dövlət tərəfindən jurnalistlərə pulsuz ev verilməsi halı yoxdur. Jurnalistlərə 2013-cü ildə verilən mənzillər tam təmirli olub, gələn il də veriləcək mənzillər tam təmirli olacaq”.
Səbail rayon İcra Hakimiyyətinin informasiya təminatı və təhlil sektorunun müdiri İsrafil Kərimov son bir il ərzində icra hakimiyyəti tərəfindən mətbuatla bağlı görülən işlərə dair hesabatı diqqətə çatdırıb.
Daha sonra Milli Mətbuat Günü münasibətilə 80-dək KİV nümayəndəsinə Səbail rayon İcra Hakimiyyəti tərəfindən hədiyyələr təqdim olunub.

Paylaş:

Baxılıb: 753 dəfə