Babək Məmmədzadə: İlk Avropa Oyunlarına ev sahibliyi etmək Azərbaycanın güvənli tərəfdaş və etibarlı ölkə olduğuna bariz nümunədir

Bakı:

21 °C

52 %

4 m/s

AZ RU EN

Ana səhifə / Sosial / Babək Məmmədzadə: İlk Avropa Oyunlarına ev sahibliyi etmək Azərbaycanın güvənli tərəfdaş və etibarlı ölkə olduğuna bariz nümunədir

Babək Məmmədzadə: İlk Avropa Oyunlarına ev sahibliyi etmək Azərbaycanın güvənli tərəfdaş və etibarlı ölkə olduğuna bariz nümunədir

16.05.2015 [11:55]

“Bu gün Azərbaycan dünya birliyinin tamhüquqlu üzvü olması ilə bərabər, həm regionda, həm də dünyada tanınan və iqtisadi, siyasi, mədəni, eləcə də, idman sahəsində önəmli iz qoya bilən ölkəyə çevrilməkdədir. Son iki onillikdə Cənubi Qafqaz regionuna və ümumilikdə Avropaya birbaşa təsir edən həlledici siyasi və iqtisadi qərarların verilməsi və bir vaxtlar yalnız arzu edilən böyük investisiya tutumlu layihələrin həyata keçirilməsi Azərbaycanın nüfuzuna müsbət töhfə versə də, Qərb tərəfindən bu işlər yetərincə dəyərləndirilməmiş və Dağlıq Qarabağ münaqişəsinin həlli üzrə 20 ildən çox aparılan vasitəçilik hər hansı ciddi nəticə verməyib”. Bu fikirləri yap.org.az saytına açıqlamasında Azərbaycan Respublikası Prezidenti yanında Gənclər Fondunun Layihələr və regionlarla iş sektorunun baş məsləhətçisi, Yeni Azərbaycan Partiyası Gənclər Birliyinin fəal üzvü Babək Məmmədzadə deyib.
B.Məmmədzadə bildirib ki, tarix boyu Azərbaycanın özünü Qərb və Şərqin vəhdətində görməsi və qərbin ideyası ilə şərqin mənəvi dəyərlərini sintez etməsi yetərincə vurğulanmır.
“Ölkədə müxtəlif milli azlıqların sülh şəraitində birgə yaşaması Azərbaycan rəhbərliyinin onlara isti münasibətinin bariz nümunəsi kimi dəyərləndirilə bilər. Mədəniyyət və idman sahəsində Azərbaycan xüsusilə böyük işlər görmüşdür. Müxtəlif idman sahələri üzrə dünya çempionatlarının paytaxtda və regionlarda təşkili artıq ənənəyə çevrilib. Heydər Əliyev Fondunun həyata keçirdiyi nəhəng layihələr nəinki Azərbaycan mədəniyyətinə, o cümlədən dünya mədəniyyətinə verilən böyük töhfədir. Bu mənada İlk Avropa Oyunlarının məhz Bakıda keçirilməsi bir çoxlarını qıcıqlandırsa da, belə möhtəşəm Oyunlara qısa müddətdə hazırlıq Azərbaycan rəhbərliyinin iradəsini göstərir. İştirakçı sayına və təşkilati göstəricilərə əsasən bu önəmli tədbir Avropa ilə ayaqlaşa bilən möhtəbər idman hadisəsi və uğurlu təşkilatçılığın simvoludur. Belə möhtəşəm tədbirin təşəbbüskarı kimi çıxış etmək və ona ev sahibliyi etmək Azərbaycanın güvənli tərəfdaş və etibarlı ölkə olduğuna bariz nümunədir və Avropa dəyərlərinin təbliğatında Azərbaycanın önəmli rolunu göstərir”, - deyə B.Məmmədzadə vurğulayıb.

Paylaş:

Baxılıb: 868 dəfə