Daşkəsən rayonunda Novruz bayramı münasibətilə möhtəşəm ümumrayon şənliyi keçirilib

Bakı:

24 °C

63 %

1 m/s

Əlaqə

AZ RU EN

Ana səhifə / Sosial / Daşkəsən rayonunda Novruz bayramı münasibətilə möhtəşəm ümumrayon şənliyi keçirilib

Daşkəsən rayonunda Novruz bayramı münasibətilə möhtəşəm ümumrayon şənliyi keçirilib

18.03.2015 [10:05]

Daşkəsən rayonunda Novruz bayramı təntənə ilə qeyd olunub. Belə ki, Daşkəsən rayon İcra Hakimiyyətinin başçısı Əhəd Abıyevin imzaladığı sərəncama uyğun olaraq tədbirlər planı hazırlanıb. Təhsil, səhiyyə və mədəniyyət sahəsində, bütün yaşayış məntəqələrində, idarə, müəssisə və təşkilatlarda Novruz bayramı tədbirləri keçirilib. Martın 17-də isə Daşkəsən şəhərinin mərkəzində, Heydər Əliyev abidəsinin qarşısındakı meydanda Novruz bayramı münasibətilə Daşkəsən rayon İcra Hakimiyyətinin və Yeni Azərbaycan Partiyası (YAP) Daşkəsən rayon təşkilatının birgə təşkil etdiyi ümumrayon şənliyi keçirilib. Mərasimdə Daşkəsən rayon İcra Hakimiyyətinin başçısı Əhəd Abıyev çıxış edərək daşkəsənliləri Novruz bayramı münasibətilə təbrik edib. O deyib ki, Ulu öndər Heydər Əliyevin əsasını qoyduğu və bu gün də Prezident İlham Əliyev tərəfindən davam və inkişaf etdirilən siyasi kurs nəticəsində ölkəmizdə bütün sahələrdə uğurlar əldə edilib. Ona görə də bu bayram əmin-amanlığın, ictimai-siyasi sabitliyin, ölkəmizdə gedən hüquqi, demokratik, dünyəvi, sivil dövlət quruculuğunun rəmzidir. “Novruz Azərbaycan xalqının ən qədim el bayramı, milli birliyimizin təcəssümüdür. Bu bayram insanlarda ruh yüksəkliyi, əmək coşğunluğu, torpağa məhəbbət hissi oyadır. Xalqımız Novruz bayramını qeyd etməklə, həm də öz tarixi keçmişinə, milli dəyərlərinə bağlılığını nümayiş etdirir. Hər il Daşkəsən rayonunda Novruz bayramı sizin iştirakınızla geniş qeyd edilir, xalq yaradıcılığı günləri keçirilir, rəngarəng bayram tədbirləri təşkil olunur”, - deyə Ə.Abıyev qeyd edib.
Əhəd Abıyev torpaqlarımızın azadlığı və bütövlüyü uğrunda mübarizələrdə canlarından keçən şəhidlərimizin əziz xatirəsini ehtiramla yad edib. Çıxışında sabitliyimizin və sərhədlərimizin keşiyində dayananların bayramını təbrik edən İcra Hakimiyyətinin başçısı deyib ki, Ulu öndərimiz Heydər Əliyevin Azərbaycana rəhbərliyinin bütün dövrlərində bu milli dəyərlər üstün tutulub, onlar qorunub saxlanılmaqla yanaşı, həm də inkişaf etdirilib.
Onun sözlərinə görə, bu gün Ulu öndərimizin milli-mənəvi dəyərlərimizin yaşadılması ilə bağlı siyasəti Prezidentimiz İlham Əliyev tərəfindən uğurla davam etdirilir. Prezident İlham Əliyevin məqsədyönlü fəaliyyəti sayəsində müstəqil Azərbaycan beynəlxalq aləmdə tanınır və qəbul edilir. UNESCO-nun Novruz bayramını dünya xalqlarının qorunan qeyri-maddi mədəni irsi siyahısına daxil etməsi, BMT Baş Məclisinin isə martın 21-ni Beynəlxalq Novruz Günü elan etməsi milli dəyərlərimizin dünya miqyasında təsdiqinin ən gözəl nümunəsidir. Bu işlərdə milli-mədəni irsimizin ən böyük qayğıkeşi Azərbaycanın birinci xanımı, Heydər Əliyev Fondunun prezidenti Mehriban Əliyevanın xidmətləri əvəzedilməzdir.
Daşkəsən rayon İcra Hakimiyyətinin başçısı Əhəd Abıyev rayon əhalisini bir daha Novruz bayramı münasibətilə təbrik edib, sonra Novruzun simvolu olan bayram tonqalını yandırıb.
Ümumrayon şənliyində Daşkəsən rayon mədəniyyət evinin mahnı və rəqs ansamblı rəqs nömrələri təqdim edib, el ağsaqqalları xeyir-dua verərək Novruz bayramının xalqımıza ruzi-bərəkət gətirməsini arzulayıblar. Bayram şənliyində xalq çalğı alətləri ansamblının ifasında kompozisiya təqdim edilib, muğam üçlüyünün və rəqs qrupunun çıxışları alqışlarla qarşılanıb.
Rayon mərkəzində bayram şənliyi başa çatdıqdan sonra Daşkəsən rayon İcra Hakimiyyətinin kollektivi və rayon ictimaiyyətinin nümayəndələri rayonun cəbhə xəttində yerləşən “N” saylı hərbi hissədə əsgərlərlə görüşüblər. Daşkəsən rayon İcra Hakimiyyətinin başçısı Əhəd Abıyev və Respublika Hərbi Prokurorluğunun məsul vəzifəli işçisi, polkovnik Mahir Əhmədovla birgə bayram hədiyyələrini əsgərlərə və zabitlərə təqdim ediblər.

Paylaş:

Baxılıb: 959 dəfə