Azərbaycan qadınları ölkəmizin ictimai-siyasi, elmi-mədəni həyatında yaxından iştirak edirlər

Bakı:

23 °C

81 %

16 m/s

Əlaqə

AZ RU EN

Ana səhifə / Sosial / Azərbaycan qadınları ölkəmizin ictimai-siyasi, elmi-mədəni həyatında yaxından iştirak edirlər

Azərbaycan qadınları ölkəmizin ictimai-siyasi, elmi-mədəni həyatında yaxından iştirak edirlər

11.03.2015 [09:31]

Binəqədi rayonunda 8 mart-Beynəlxalq Qadınlar Günü qeyd olunub
8 mart-Beynəlxalq Qadınlar Günü münasibəti ilə Binəqədi rayonunda bayram mərasimi təşkil olunub. Yeni Azərbaycan Partiyası (YAP) Binəqədi rayon təşkilatının qərargahında gerçəkləşən tədbirdə Binəqədi rayon İcra Hakimiyyətinin rəhbərliyi ilə yanaşı, Ailə, Qadın və Uşaq Problemləri üzrə Dövlət Komitəsinin sədr müavini Aynur Sofiyeva, millət vəkili Məlahət İbrahimqızı, Binəqədi RİH başçısı Aparatının məsul əməkdaşları, YAP Binəqədi rayon təşkilatının sədri Ramiz Göyüşov və rayonun ictimai-siyasi və mədəni həyatında fəallığı ilə seçilən qadınlar iştirak ediblər.
Bayram tədbirində bu əlamətdar gün münasibəti ilə rayon qadınlarını təbrik edən Ailə, Qadın və Uşaq Problemləri üzrə Dövlət Komitəsinin sədr müavini Aynur Sofiyeva, millət vəkili Məlahət İbrahimqızı, həmçinin, cəmiyyətdə və ailədə xalqımızın milli-mənəvi dəyərlərinin formalaşması, inkişafı və qorunmasında qadınların müstəsna rolundan danışıblar. Beynəlxalq Qadınlar Gününün yaranma tarixinə nəzər salınıb və bu bayramın dünyanın əksər ölkələrində qeyd olunduğu bildirilib. Çıxışlarda müasir dövrdə də qadınların ölkəmizin ictimai-siyasi, elmi-mədəni həyatında yaxından iştirak etdiyi vurğulanıb.
Öz növbəsində, Binəqədi rayon İcra Hakimiyyəti başçısının müavini Vüsar İsmayılov və YAP Binəqədi rayon təşkilatının sədri Ramiz Göyüşov Ümummilli lider Heydər Əliyev tərəfindən qadınların cəmiyyətdə rolunun artırılması istiqamətində böyük işlər görüldüyünü və bu məsələnin hər zaman diqqətdə saxlanıldığını vurğulayıblar. Bildirilib ki, Ulu öndərin siyasi kursunun layiqli davamçısı, Prezident İlham Əliyev qadınların ictimai-siyasi fəallığının artırılmasına xüsusi önəm verir. Onun rəhbərliyi ilə gender siyasəti, ailə və uşaqlara dövlət qayğısı istiqamətində geniş tədbirlər həyata keçirilir. Ölkəmizdə mühüm nailiyyətlərin əldə edilməsində qadınların böyük əməyinin olduğu bildirilib. Tədbirdə qadınların üzərlərinə düşən vəzifələri layiqincə yerinə yetirməsi və cəmiyyətdə fəal mövqe tutması yüksək qiymətləndirilib. Bayram tədbirində rayonun ictimai-siyasi və mədəni həyatında səmərəli fəaliyyətinə görə fərqlənən bir qrup qadın Binəqədi rayon İcra Hakimiyyətinin fəxri fərmanı ilə təltif olunub.
Bədii hissə ilə davam edən tədbirdə bayram tortu kəsilib və qadınlar üçün ziyafət verilib. Mərasimdə tanınmış estrada ulduzlarının ifasında konsert proqramı da təqdim olunub.

Paylaş:

Baxılıb: 893 dəfə