Azərbaycanlılara qarşı törədilmiş soyqırımları sistemli şəkildə araşdırılır

Bakı:

14 °C

88 %

7 m/s

Əlaqə

AZ RU EN

Ana səhifə / Sosial / Azərbaycanlılara qarşı törədilmiş soyqırımları sistemli şəkildə araşdırılır

Azərbaycanlılara qarşı törədilmiş soyqırımları sistemli şəkildə araşdırılır

11.02.2015 [10:04]

Azərbaycan Milli Elmlər Akademiyasının (AMEA) rəyasət heyətində “Azərbaycanlılara qarşı soyqırımlarının tədqiqi” Komissiyasının növbəti iclası keçirilib.
AMEA-dan AzərTAc-a bildiriblər ki, iclasda komissiyanın sədri, AMEA-nın prezidenti, akademik Akif Əlizadə işçi qruplarında fəaliyyət göstərən tədqiqatçı alimlərin qarşısında duran vəzifələrdən danışıb.
Akademik A.Əlizadə bu sahədə nəzərdə tutulan planlardan və mövcud problemlərdən söz açaraq qeyd edib ki, azərbaycanlılara qarşı törədilmiş soyqırımı cinayətlərinin dünya ictimaiyyətinə çatdırılması istiqamətində məqsədyönlü tədbirlər həyata keçirilməlidir.
AMEA-nın prezidenti göstərilən istiqamətlər üzrə kitab və xəritələrin nəşri, tarixi mövzuda zəngin faktlarla əhatə edilən elmi məqalələrin xarici dillərə çevrilərək yayılmasının ermənilərin uydurma “faktlar”a uyğun yaydıqları informasiyalara tutarlı cavab olduğunu vurğulayıb. Akademik soyqırımı tədqiqatlarının, o cümlədən Qarabağ həqiqətlərinin dünya ictimaiyyətinə çatdırılmasında alimlərin qarşısında duran vəzifələrdən danışıb, bu tədqiqatların böyük əhəmiyyətini qeyd edib.
Komissiya sədrinin müavini, AMEA-nın vitse-prezidenti, Milli Məclisin deputatı, akademik İsa Həbibbəyli soyqırımı tədqiqatları ilə bağlı görülən işlər barədə məlumat verib. Azərbaycan Respublikasının Prezidenti Administrasiyasının rəhbəri, akademik Ramiz Mehdiyevin imzaladığı “Erməni diasporuna qarşı effektiv mübarizə tədbirlərinin və koordinasiya işinin gücləndirilməsinə dair Fəaliyyət Planı”nda AMEA-nın qarşısında da konkret vəzifələrin qoyulduğunu xatırladan akademik İ.Həbibbəyli elmi-tədqiqat müəssisələrində keçiriləcək beynəlxalq konfransların böyük əhəmiyyət daşıdığını bildirib.
Akademik İ.Həbibbəyli AMEA-da azərbaycanlılara qarşı soyqırımları muzeyinin yaradılması, “Azərbaycan tarixi - hər bir ölkəyə” kitab mübadiləsi layihəsinin həyata keçirilməsi, azərbaycanlılara qarşı soyqırımlarını əks etdirən tarixi xəritələrin və elektron variantlarının hazırlanması, işğal olunmuş ərazilərdəki Azərbaycan toponimlərinin ingilis, rus, fransız və ərəb dillərində düzgün orfoqrafik yazılış kataloqunun hazırlanması, azərbaycanlılara qarşı soyqırımlarına həsr edilmiş elmi konfransların keçirilməsi, bu mövzuda yazılmış kitabların təqdimatı və müzakirəsi, kütləvi informasiya vasitələrində azərbaycanlılara qarşı soyqırımlarına həsr edilmiş məqalələrin çap edilməsi, soyqırımlarına dair rəsm sərgilərinin təşkili və s. məsələlərdən ətraflı danışıb. Hər bir məsələ üzrə məsul şəxslərin təyin olunduğunu qeyd edən AMEA-nın vitse-prezidenti işçi qruplarında təmsil olunan alimlərin qarşısında qoyulan konkret vəzifələri diqqətə çatdırıb.
Müzakirələrdə akademiklər Nailə Vəlixanlı, Qərib Məmmədov, AMEA-nın müxbir üzvləri Yaqub Mahmudov, Muxtar İmanov, Ərtegin Salamzadə, Mərkəzi Elmi Kitabxananın direktoru Leyla İmanova və başqaları çıxış edərək mülahizə və təkliflərini bildiriblər.

Paylaş:

Baxılıb: 881 dəfə