2 Fevral-Gənclər Günü münasibətilə “Təmiz Binəqədi” Gənclər Forumu keçirilib

Bakı:

21 °C

49 %

6 m/s

Əlaqə

AZ RU EN

Ana səhifə / Sosial / 2 Fevral-Gənclər Günü münasibətilə “Təmiz Binəqədi” Gənclər Forumu keçirilib

2 Fevral-Gənclər Günü münasibətilə “Təmiz Binəqədi” Gənclər Forumu keçirilib

31.01.2015 [11:49]

Yanvarın 29-da Binəqədi rayonunda 2 Fevral - Gənclər Günü münasibətilə “Təmiz Binəqədi” Gənclər Forumu keçirilib. Binəqədi rayon İcra Hakimiyyətinin (RİH) inzibati binasında gerçəkləşən Forumda Binəqədi RİH-in başçısı Xaləddin İsgəndərov, millət vəkilləri Madər Musayev, Rafael Cəbrayılov, Prezident Administrasiyası (PA) İctimai-siyasi məsələlər şöbəsinin gənclər təşkilatları ilə iş sektorunun müdiri Vüsal Quliyev, Prezident yanında Gənclər Fondunun icraçı direktoru Fərhad Hacıyev, Bakı şəhər Gənclər və İdman Baş idarəsinin rəisi Raqif Abbasov, Yeni Azərbaycan Partiyası (YAP) Gənclər Birliyinin sədri Seymur Orucov, “ASAN xidmət” mərkəzinin İnsan Resursları və Təlim şöbəsi müdirinin müavini Cahangir Hacıyev, “İrəli” İctimai Birliyinin sədri Mirhəsən Seyidov, eləcə də, rayonun ictimai-mədəni həyatında fəal olan gənclər iştirak ediblər.
Tədbirdən öncə qonaqlar və forum iştirakçıları Ulu öndər Heydər Əliyevin YAP Binəqədi rayon təşkilatının qarşısındakı abidəsinin önünə gül dəstələri düzüb, dahi şəxsiyyətin ruhuna öz ehtiramlarını bildiriblər.
Tədbirdə çıxış edən Prezident Administrasiyası İctimai-siyasi məsələlər şöbəsinin gənclər təşkilatları ilə iş sektorunun müdiri Vüsal Quliyev müstəqil dövlət kimi gənclərlə iş sahəsində Azərbaycanın əldə etdiyi uğurlardan danışıb.
Forum Bakı şəhər Gənclər və İdman Baş idarəsinin rəisi Raqif Abbasov, YAP Gənclər Birliyinin sədri Seymur Orucov, “ASAN xidmət” mərkəzinin İnsan Resursları və Təlim şöbəsi müdirinin müavini Cahangir Hacıyev, “ASAN könüllüləri” Gənclər Təşkilatının sədri Fərid Sadıxlı, “İrəli” İctimai Birliyinin sədri Mirhəsən Seyidov və başqalarının çıxışları ilə davam edib.
Binəqədi gənclərinin ötən il qazandıqları uğurlardan bəhs edən videoçarxın nümayişindən sonra Binəqədi rayon İcra Hakimiyyətinin başçısı Xaləddin İsgəndərov çıxış edib. RİH başçısı gənclər sahəsindəki səmərəli dövlət siyasəti, əsası Ulu öndər tərəfindən qoyulmuş gənclərə diqqət və qayğının hazırda Prezident İlham Əliyev tərəfindən uğurla və böyük əzmkarlıqla davam etdirildiyini vurğulayıb. X.İsgəndərov Azərbaycan dövlətinin və ölkə rəhbərinin yaratdığı münbit şəraitdə və qayğı mühitinin əhatəsində hər bir Azərbaycan gəncinin dövlət və cəmiyyət olaraq ölkəmizin mənafeləri naminə öz bilik və bacarıqlarını, yaradıcı potensiallarını nümayiş etdirmələrinin vacibliyini qeyd edib.
Tədbirin sonunda Gənclərin “Təmiz Binəqədi” Təşəbbüs Qrupu yaradılıb və Forum iştirakçıları adından Azərbaycan Prezidenti İlham Əliyevə müraciət ünvanlanıb.

Paylaş:

Baxılıb: 965 dəfə