“Total” şirkətinin Azərbaycan üzrə icraçı direktoru Denis Lemarşal Bakı Ali Neft Məktəbində olub

Bakı:

15 °C

63 %

5 m/s

Əlaqə

AZ RU EN

Ana səhifə / Sosial / “Total” şirkətinin Azərbaycan üzrə icraçı direktoru Denis Lemarşal Bakı Ali Neft Məktəbində olub

“Total” şirkətinin Azərbaycan üzrə icraçı direktoru Denis Lemarşal Bakı Ali Neft Məktəbində olub

08.01.2015 [09:54]

Fransanın “Total” şirkətinin Azərbaycan üzrə yeni təyin olunmuş icraçı direktoru və Azərbaycan üzrə təmsilçisi Denis Lemarşal Bakı Ali Neft Məktəbində (BANM) olub. Bakı Ali Neft Məktəbinin rektoru Elmar Qasımov qonağı salamlayaraq, rəhbərlik etdiyi ali təhsil ocağı haqda məlumat verib. O, ali məktəbin yaranma tarixindən danışaraq, BANM-in Azərbaycan Respublikasının Prezidenti İlham Əliyevin Sərəncamı ilə 2011-ci ildə yaradıldığını bildirib.
Rektor E.Qasımov Azərbaycan Respublikası Dövlət Neft Şirkətinin (ARDNŞ) nəzdində açılan bu ali məktəbin yarandığı qısa zaman ərzində dünya şöhrətli, bir çox tanınmış neft-qaz şirkətləri ilə əməkdaşlığa imza atdığını qonağın diqqətinə çatdırıb. E.Qasımov deyib ki, bu il ali məktəbə qəbul olan abituriyentlərdən 17 nəfəri Prezident təqaüdçüsü adını qazanıblar. BANM-in Azərbaycanda fəaliyyət göstərən xarici neft-qaz şirkətləri, həmçinin, ARDNŞ üçün kadr hazırlığı həyata keçirdiyini və tələbələrin bu şirkətlərdə mütəmadi olaraq təcrübə keçdiklərini bildirib, “Total” şirkətinin Bakı Ali Neft Məktəbinin ilk əməkdaşlıq etdiyi şirkətlərdən birincisi olduğunu deyib. Rektor qarşılıqlı-faydalı əməkdaşlığın davam etdirilməsində maraqlı olduğunu vurğulayıb. O, Denis Lemarşalı və şirkətin əməkdaşlarını BANM tələbələri üçün mühazirə-seminarlar keçirməyə dəvət edib və bunun tələbələr üçün faydalı olacağını bildirib.
Öz növbəsində, “Total” şirkətinin Azərbaycan üzrə icraçı direktoru Denis Lemarşal BANM-də olmasından məmnunluq ifadə edib. O, Fransa ilə Azərbaycan arasında əlaqələrdən söz açaraq ikitərəfli əlaqələrin əsasının Ümummilli lider Heydər Əliyev tərəfindən qoyulduğunu və Azərbycan Respublikasının Prezidenti İlham Əliyev tərəfindən bu gün uğurla davam etdirildiyini deyıb. Əməkdaşlığın davam və inkişaf etdirilməsinin vacibliyindən söz açan Denis Lemarşal BANM tələbələri üçün təmsil etdiyi şirkətin ixtisaslı kadrları tərəfindən mühazirələrin təşkilinin mümkünlüyünü bildirib və razılığını ifadə edib.
Xatırladaq ki, BANM və Fransanın “Total” şirkəti arasında 10 aprel 2013-cü ildə Əməkdaşlıq Protokolu imzalanıb. Sənəddə BANM və Fransanın neft-qaz və kimyayönümlü ali təhsil müəssisələri arasında əməkdaşlığın qurulması, Fransada doktorantura təhsilinin təşkili, tələbələrin bir qisminin “Total” şirkətinin baş ofisində təcrübə keçmələrinin təmin edilməsi, “Professionallar Assosiasiyası”nın üzvlərinin Bakı Ali Neft Məktəbinin tələbələri üçün mühazirələr oxumasının təmin olunması və BANM-in tələbələrinin Fransanın elm və tədris müəssisələrinin kitabxana-informasiya resurslarından istifadə etməsi nəzərdə tutulur.
N.BAYRAMLI

Paylaş:

Baxılıb: 838 dəfə