Səbailli yeniyetmələrin daha bir qrupu cənub bölgəsinə yola düşüb

Bakı:

25 °C

72 %

16 m/s

Əlaqə

AZ RU EN

Ana səhifə / Sosial / Səbailli yeniyetmələrin daha bir qrupu cənub bölgəsinə yola düşüb

Səbailli yeniyetmələrin daha bir qrupu cənub bölgəsinə yola düşüb

15.11.2014 [11:25]

Azərbaycan Prezidenti İlham Əliyevin tapşırığına əsasən, respublikamızın şəhər və rayonlarının yuxarı sinif şagirdləri üçün “Ölkəmizi tanıyaq” devizi altında keçirilən maarifləndirici tur-aksiyanın ikinci mərhələsi çərçivəsində Bakı şəhəri Səbail rayonundan olan daha 45 nəfər məktəblinin Lənkəran, Masallı və Lerik rayonlarına yola salınması mərasimi olub.
Səbail rayon İcra Hakimiyyətindən AzərTAc-a bildiriblər ki, Sahil bağında təşkil olunan mərasimdə rayon rəhbərliyi, aksiya iştirakçısı olan məktəblilər, onların valideynləri və təhsil aldıqları məktəblərin direktorları, ictimaiyyətin nümayəndələri iştirak ediblər.
Rayon icra hakimiyyəti başçısının birinci müavini Xalidə Bayramova turun məqsədi barədə məlumat verib, dövlətimizin başçısının gənclərin tərbiyəsi, onların savadlı, vətənpərvər böyüməsi və fiziki inkişafı istiqamətində gördüyü işlərdən danışıb, bu kimi turların təşkilinin də həmin tədbirlər çərçivəsində olduğunu vurğulayıb. Bildirilib ki, iştirakçılar rayonun orta məktəblərində təhsil alan, öz təhsili və nümunəviliyi, ictimai həyatda fəallığı ilə fərqlənən şagirdlər arasından seçiliblər. Bu tur-aksiya çərçivəsində bir neçə gün əvvəl rayon məktəblilərinin 45 nəfərlik qrupu Lənkəran, Masallı və Lerik rayonlarında olub, bu rayonların görməli yerlərini gəzib, tarixi abidələri ilə tanış olublar. Aksiya qədim tariximizin, bölgələrdə olan maddi-mədəniyyət abidələrimizin, adət-ənənələrimizin öyrənilməsi baxımından məktəblilərin yaddaşında əvəzsiz iz buraxıb. İştirakçıların bir çoxu ölkəmizin cənub bölgəsində ilk dəfə idi ki, olurdular və onlar buradan böyük təəssüratlarla qayıdıblar. Tur müddətində təşkilatçılar tərəfindən yeniyetmələr üçün hər cür şərait yaradılıb.
Qeyd edilib ki, cari ilin yay aylarında Səbail rayon İcra Hakimiyyətinin Müdafiə Nazirliyi və Daxili İşlər Nazirliyinin Daxili Qoşunları ilə birgə layihəsi əsasında 350 yeniyetmənin Quba və Qusar rayonlarında hərbi vətənpərvərlik təmayüllü “Gənc Heydərçilər” və “Şahinlər” yay istirahət düşərgələrində istirahətləri təşkil olunub. Bu zaman həmin yeniyetmələr Quba və Qusar rayonları ilə yaxından tanış olublar. Bu səfərlər yeniyetmə və gənclərin bilik və savadının, dünyagörüşünün artırılması istiqamətində mühüm tədbirlərdir.
Sonra yeniyetmələr cənub bölgəsinə yola salınıblar.
Turun planına uyğun olaraq şagirdlər əvvəlcə UNESCO-nun Dünya Mədəni İrs Siyahısına daxil edilmiş Qobustan Milli Tarix-Bədii Qoruğuna və Şirvan Milli Parkına ekskursiya edəcək, daha sonra Masallı şəhərinə gedəcəklər.

Paylaş:

Baxılıb: 1054 dəfə