Səbailli “Gənc Heydərçilər”in Qusardakı yay düşərgəsində istirahəti başa çatıb

Bakı:

26 °C

64 %

11 m/s

Əlaqə

AZ RU EN

Ana səhifə / Sosial / Səbailli “Gənc Heydərçilər”in Qusardakı yay düşərgəsində istirahəti başa çatıb

Səbailli “Gənc Heydərçilər”in Qusardakı yay düşərgəsində istirahəti başa çatıb

04.09.2014 [09:33]

Gənc nəslin vətənpərvər, xalqına məhəbbət, dövlətçilik ruhunda tərbiyəsi, onların sağlam və bilikli böyüməsi istiqamətindəki işlər çərçivəsində Səbail rayon İcra Hakimiyyəti və Azərbaycan Respublikası Müdafiə Nazirliyi ilə birgə həyata keçirilən yeni layihə dünən başa çatıb.
Qeyd edək ki, bu layihənin Müdafiə Nazirliyinin hərbi hissəsində keçirilməsi məktəblilərə hərbi sahədə daha çox biliklər və təcrübə əldə etməyə imkan verib. Hərbi hissədəki əsgər kazarmalarının birində “Gənc Heydərçilər” üçün hər cür şərait yaradılıb. Burada Azərbaycan Xalqının Ümummilli lideri Heydər Əliyevə, Silahlı Qüvvələrin Ali Baş Komandanı, Azərbaycan Respublikasının Prezidenti İlham Əliyevə, ölkədəki ordu quruculuğuna, Milli qəhrəmanlarımıza həsr olunmuş stendlər, hərbi təlimatlar asılıb. Düşərgədə məşğələlərin hərbi nizamnaməyə uyğun tərzdə keçirilməsi uşaqların istirahətini daha da maraqlı və yaddaqalan edib.
Layihənin bağlanış mərasimindən bir gün əvvəl düşərgədə ənənəvi tonqal ətrafında konsert proqramı təşkil olunub, uşaqlar, eləcə də, hərbi hissənin şəxsi heyəti üçün tanınmış incəsənət xadimlərinin iştirakı ilə bayram konserti və nahar süfrəsi təşkil olunub.
Düşərgənin bağlanışı ilə əlqadar təşkil olunmuş tədbirdə iştirak edən Səbail rayon İcra Hakimiyyətinin başçısı Asif Əsgərov, Azərbaycan Respublikasının İnsan Hüquqları üzrə müvəkkili - Ombudsman Elmira Süleymanova, Qusar rayon İcra Hakimiyyətinin başçısı Şair Alxasov, Müdafiə Nazirliyinin əməkdaşı polkovnik-leytenant Kamran Nəsibov, “N” saylı hərbi hissənin komandir əvəzi, polkovnik-leytenant Şahin Qəhrəmanov, valideynlər və digər qonaqlar uşaqların istirahəti, burada onlar üçün yaradılmış şəraitlə yaxından tanış olub, hərbi təlimlərdə fərqlənmiş, idman yarışlarında qalib gəlmiş bir qrup şagirdə xatirə medalları, uşaqların tərbiyəsi işlərində cavabdeh olan dəstə rəhbərlərinə və hərbçilərə isə qiymətli hədiyyələr təqdim ediblər.
Yeniyetmələr hərbi hissənin orkestrinin müşayiəti ilə qonaqlar qarşısında hərbi keçidlə keçib, düşərgədə öyrəndiklərini nümayiş etdiriblər.
Beləliklə, hərbi-vətənpərvərlik təmayüllü “Gənc Heydərçilər” düşərgəsində 2 həftə ərzində keçən mənalı və yaddaqalan istirahət uşaqların xatirində silinməz izlər buraxıb, onlar burada yeni-yeni dostlar tapıb, bölgənin tarixi və görməli yerləri ilə yaxından tanış olublar. Maraqlı istirahətdən sonra Bakıya qayıdan yeniyetmələr, onların valideynləri bu gözəl və yaddaqalan tədbirə görə ölkə başçısı, Silahlı Qüvvələrin Ali Baş Komandanı İlham Əliyevə öz minnətdarlıqlarını bildiriblər.

Paylaş:

Baxılıb: 1120 dəfə