XXI əsrin ən uğurlu layihəsi

Bakı:

10 °C

93 %

5 m/s

Əlaqə

AZ RU EN

Ana səhifə / Sosial / XXI əsrin ən uğurlu layihəsi

XXI əsrin ən uğurlu layihəsi

02.04.2014 [09:23]

Bu bir həqiqətdir ki, Prezident İlham Əliyevin son 10 ildəki fəaliyyəti, reallaşdırılan layihələr və Ümummilli lider Heydər Əliyev siyasətindən qaynaqlanan yeni-yeni ideyalar ölkənin hərtərəfli inkişafını təmin edir. İqtisadi inkişaf tempinə görə, son 10 ildə Azərbaycan ən çox inkişaf edən ölkələr sırasında ilk cərgələrdə dayanır. Məlum olduğu kimi, Azərbaycan dövləti ötən il əsrin ən mühüm tarixi uğuruna imza atdı. Bu, “Şahdəniz” layihəsinin ikinci mərhələsi üzrə yekun investisiya sazişinin imzalanmasıdır. Məlumat üçün bildirək ki, Azərbaycanın ən böyük təbii qaz mənbəyi olan “Şahdəniz” yatağının ümumi ehtiyatları 1,2 trilyon kubmetr həcmində dəyərləndirilir. Bu, “Əsrin müqaviləsi”ndən sonra ikinci böyük enerji layihəsidir. Prezident İlham Əliyev bu layihənin imzalanmasını müasir Azərbaycanın həyatında tarixi gün adlandırmışdır.
Kimsəyə sirr deyil ki, məhz ölkəmizin enerji siyasəti iqtisadiyyatımızın şaxələndirilməsinə və Azərbaycanda bütün sahələrdə inkişafın əldə edilməsinə imkan yaratmışdır. Məlum olduğu kimi, Azərbaycan müstəqilliyini bərpa etdiyi dövrdə özəl sektordakı ümumi daxili məhsul sıfır faizə bərabər idi. Bu gün isə özəl sektor iqtisadiyyatımızın 85 faizini təşkil edir. Həyata keçirilən uğurlu siyasət nəticəsində ölkəmizdə işsizlik səviyyəsi 4,8 faizə, yoxsulluq səviyyəsi 5,5 faizə endirilib. Xarici borcumuz ümumi daxili məhsulun sadəcə 8 faizini təşkil edir. Bütün bunlar isə deməyə əsas verir ki, ölkəmizin maliyyə vəziyyəti sabitdir və iqtisadiyyatımızın 55 faizini təşkil edən qeyri-neft sektoruna davamlı olaraq yatırımlar edilməkdədir. Azərbaycan yuxarıda bəhs edilən layihə ilə zəngin qaz ehtiyatlarının istismarına başlayacaq ki, bu da regionun parlaq gələcəyinə geniş imkanlar açacaq. Sözügedən layihə Avropanın mühüm enerji təchizatçısına çevrilən və etibarlı tərəfdaş kimi tanınan Azərbaycan Respublikasının bu istiqamətdə mövqeyini daha da gücləndirəcək. “Şahdəniz-2” Xəzər regionunun Avropa bazarları ilə sıx əlaqələrinin yaradılmasına xidmət edəcək. Bu gün Azərbaycanın beynəlxalq aləmdə təşəbbüsləri gerçəkliyə çevirən ölkə kimi tanınmasına, regionda həyata keçirilən layihələrdə liderliyini qoruduğuna görə dövlət başçısı İlham Əliyevin Xəzər Forumu çərçivəsində “İlin Xəzər dövlət adamı” mükafatına layiq görülməsi dövlətimizin artan nüfuzunun növbəti təsdiqidir. Bir sözlə, tarixən neft ölkəsi kimi tanınan Azərbaycan bu gün, eyni zamanda, qaz ixracatçısı kimi nüfuz qazanıb.
Jalə Orucova,
Azərbaycan Respublikasının İlk Ensiklopedik Saytının (azens.az) rəhbəri

Paylaş:

Baxılıb: 1141 dəfə