CASCFEN Yevlaxda ifadə azadlığı ilə bağlı konfrans keçirib

Bakı:

22 °C

78 %

2 m/s

Əlaqə

AZ RU EN

Ana səhifə / Sosial / CASCFEN Yevlaxda ifadə azadlığı ilə bağlı konfrans keçirib

CASCFEN Yevlaxda ifadə azadlığı ilə bağlı konfrans keçirib

06.08.2013 [08:28]

Avqustun 4-də Yevlax şəhərində Orta Asiya və Güney Qafqaz Söz Azadlığı Şəbəkəsinin (CASCFEN) Azərbaycan Respublikasının Prezidenti yanında Qeyri-Hökumət Təşkilatlarına Dövlət Dəstəyi Şurasının maliyyə dəstəyi ilə gerçəkləşdirdiyi “Söz azadlığı mədəniyyətinin təbliği” layihəsi çərçivəsində konfrans keçirilib. Konfransı giriş sözü ilə açan layihənin koordinatoru, CASCFEN sədrinin müavini, “Yeni Azərbaycan” qəzetinin şöbə redaktoru Nadir Azəri bildirib ki, tədbirdə Yevlax şəhər İcra Hakimiyyətinin, müxtəlif dövlət qurumların təmsiçiləri, şəhərin fəal gəncləri və KİV nümayəndələri iştirak edir.
Konfransda çıxış edən CASCFEN sədri, Azərbaycan Mətbuat Şurası İdarə Heyətinin üzvü Azər Həsrət Azərbaycanda söz və ifadə azadlığı ilə bağlı dünya standartlarına cavab verən qanunvericilik bazasının olduğunu bildirib, bu istiqamətdə dövlət tərəfindən görülən işlərdən söz açıb. Azər Həsrət fürsətdən istifadə edərək yaradılmış şəraitə görə, Yevlax şəhər İcra Hakimiyyətinə təşəkkür edib.
Layihə barədə konfrans iştirakçılarına geniş məlumat verən CASCFEN sədri bu istiqamətdə Tərtərdə və Yevlaxda tədbirlərin təşkilini regionlarımızda da KİV-in, söz azadlığının inkişafına böyük diqqətin verilməsinin təzahürü kimi dəyərləndirib.
Yevlax şəhər İcra Hakimiyyətinin İnformasiya təminatı və təhlili sektorunun müdiri Ramin Qələndərov qonaqları salamlayıb, Prezident İlham Əliyevin tapşırıq və tövsiyələri əsasında rayonda görülən quruculuq-abadlıq işlərindən, söz və mətbuat azadlığının vəziyyətindən danışıb. Sonra Azər Həsrət CASCFEN-in Yevlax üzrə təmsilçisi Zülfiyyə Əliqızına qurumun işindəki fəallığına görə, təşkilatın diplomunu təqdim edib. Bundan başqa, CASCFEN-in 100-cü üzvü olduğu üçün təşkilatın fəalı Türkan Fikrət qızına xatirə diplomu təqdim edilib.
Çıxışlardan sonra söz əsas məruzəçilərə verilib. CASCFEN İdarə Heyətinin üzvü, “Kaspi” qəzetinin müxbiri Lalə Musaqızı söz və ifdadə azadlığı, bunun ayrı-ayrı ölkələrdə necə həyata keçirilməsi və ölkəmizdə bununla bağlı atılan addımlar haqqında ətraflı məlumat verib. CASCFEN İdarə Heyətinin üzvü, Bakı Slavyan Universitetinin müəllimi, “SPACE” televiziyasının redaktoru dr. Nüşabə Hüseynli isə sosial şəbəkələrdə cərəyan edən proseslər barədə geniş bəhs edib. Konfransda yerli “Kür” qəzetinin, həmçinin Yevlaxda fəaliyyət göstərən El TV-nin nümayəndələri də iştirak edib.

Paylaş:

Baxılıb: 1775 dəfə