Bakıda “Aqrar iqtisadiyyatın aktual problemləri” mövzusunda beynəlxalq elmi-praktiki konfrans keçirilir

Bakı:

27 °C

52 %

0 m/s

AZ RU EN

Ana səhifə / Sosial / Bakıda “Aqrar iqtisadiyyatın aktual problemləri” mövzusunda beynəlxalq elmi-praktiki konfrans keçirilir

Bakıda “Aqrar iqtisadiyyatın aktual problemləri” mövzusunda beynəlxalq elmi-praktiki konfrans keçirilir

07.12.2012 [03:55]

Dünən Azərbaycan Elmi-Tədqiqat Kənd Təsərrüfatının İqtisadiyyatı və Təşkili İnstitutunun (AzETKTİ və Tİ) yaranmasının 50 illik yubileyi və “Aqrar iqtisadiyyatın aktual problemləri” mövzusunda beynəlxalq elmi-praktiki konfrans işə başlayıb. Bu münasibətlə ölkəmizdə səfərdə olan MDB ölkələrinin kənd təsərrüfatı sahəsində fəaliyyət göstərən elmi mərkəzlərin rəhbərləri və tanınmış alimləri əvvəlcə Fəxri Xiyabana gələrək xalqımızın Ümummilli lideri, müasir müstəqil dövlətimizin memarı və qurucusu Heydər Əliyevin xatirəsini ehtiramla yad edib, məzarı önünə əklil qoyublar.
Görkəmli oftalmoloq-alim, akademik Zərifə xanım Əliyevanın da xatirəsi yad olunub, məzarı üzərinə tər çiçəklər düzülüb. Rusiya Federasiyasının Dağıstan Respublikasından gəlmiş qonaqlar görkəmli dövlət xadimi Əziz Əliyevin məzarını da ziyarət edərək önünə gül dəstələri qoyublar.
Sonra beynəlxalq konfrans institut kollektivinin iştirakı ilə davam etdirilib.
Tədbirdə çıxış edən institutun direktoru, professor Sadıq Salahov rəhbərlik etdiyi təşkilatın ötən 50 ildə keçdiyi şərəfli yoldan söz açıb.
Kənd təsərrüfatı nazirinin müavini Bəhrəm Əliyev respublikamızda aqrar sektorun inkişafı sahəsində əlverişli mühitin olduğunu vurğulayıb. Qeyd edilib ki, bazar iqtisadiyyatına keçiddən sonra ölkəmizdə iqtisadiyyatın bütün sahələrində olduğu kimi, kənd təsərrüfatında da mühüm islahatlar həyata keçirilib, ərzaq təhlükəsizliyi ilə bağlı proqram qəbul edilib. Hazırda bu proqram uğurla icra olunur.
Qazaxıstan Elmi Tədqiqat İnstitutunun baş direktoru, iqtisad elmləri doktoru Altınbek Moldaşev isə “Qazaxıstanın aqrar iqtisadiyyatının aktual problemi” mövzusunda məruzə edib.
Konfransda çıxış edən Milli Məclisin aqrar siyasət komitəsinin sədri Eldar İbrahimov, akademik Asəf Nadirov və digərləri ölkəmizin kənd təsərrüfatının inkişafı sahəsində böyük nailiyyətlər qazanmış institut alimlərinin və mütəxəssislərinin fəaliyyətini təqdir ediblər.
Vurğulanıb ki, Azərbaycanda əhalinin etibarlı ərzaq təminatı daim dövlətin iqtisadi siyasətinin başlıca istiqamətlərindən olub. Ümummilli lider Heydər Əliyev Azərbaycanın daxili imkanları hesabına əsas ərzaq məhsulları ilə təminatına böyük önəm verib və bu istiqamətdə məqsədyönlü tədbirlər görülüb. Ulu öndərin təşəbbüsü ilə ötən əsrin 90-cı illərində MDB məkanında ilk olaraq Azərbaycanda torpaq islahatlarının aparılması, kənd təsərrüfatı istehsalçılarına yardım mexanizmlərinin formalaşdırılması, beynəlxalq təşkilatlarla bu sahədə əhəmiyyətli layihələrin həyata keçirilməsi nəticəsində ölkədə kənd təsərrüfatı və ərzaq məhsullarının artırılmasına nail olunub. Bu siyasət Prezident İlham Əliyev tərəfindən uğurla davam etdirilir. Qlobal iqtisadi sistemə səmərəli inteqrasiya yolunu seçmiş və davamlı sosial-iqtisadi inkişaf mərhələsinə qədəm qoymuş ölkəmizdə ərzaq təhlükəsizliyi probleminə kompleks yanaşma nəticəsində Azərbaycan Respublikası Prezidentinin 2008-ci il 25 avqust tarixli Sərəncamı ilə “2008-2015-ci illərdə Azərbaycan Respublikasında əhalinin ərzaq məhsulları ilə etibarlı təminatına dair Dövlət Proqramı” qəbul olunub.
Qeyd edək ki, Rusiya, Belarus, Ukrayna, Qazaxıstan və digər ölkələrin nümayəndələrinin iştirak etdiyi konfrans dekabrın 7-də başa çatacaq.
Zahid İlhamoğlu

Paylaş:

Baxılıb: 1765 dəfə