Rusiyanın xarici işlər naziri Sergey Lavrov Moskva Dövlət Universitetinin Bakı filialında olub

Bakı:

27 °C

41 %

7 m/s

Əlaqə

AZ RU EN

Ana səhifə / Siyasət / Rusiyanın xarici işlər naziri Sergey Lavrov Moskva Dövlət Universitetinin Bakı filialında olub

Rusiyanın xarici işlər naziri Sergey Lavrov Moskva Dövlət Universitetinin Bakı filialında olub

05.04.2012 [00:18]

Bakıda səfərdə olan Rusiyanın xarici işlər naziri Sergey Lavrov dünən M.V.Lomonosov adına Moskva Dövlət Universitetinin Bakı filialının rektoru, professor Nərgiz Paşayeva ilə görüşüb.
AzərTAc xəbər verir ki, S.Lavrov əvvəlcə MDU-nun Bakı filialının yeni kampusunun tikintisinin gedişini əks etdirən albomlarla tanış olub. Bundan əlavə, görüş iştirakçıları S.Lavrovun universitetə hədiyyə etdiyi ədəbiyyat, rus dili, tarix və başqa sahələrə aid kitabları gözdən keçiriblər. Sonra rusiyalı nazir bu ali məktəbin müəllim və tələbələri ilə görüşüb.
Tədbirdə çıxış edən professor N.Paşayeva tələbələrin məşhur dövlət xadimləri və ictimai xadimlərlə görüşünün əhəmiyyətini vurğulayıb. O qeyd edib ki, Bakıda MDU-nun filialının yaradılması Azərbaycan vətəndaşlarına öz ölkəsinin hüdudlarını tərk etmədən dünyanın ən nüfuzlu ali məktəblərinin birində təhsil almaq imkanı verib. N.Paşayeva deyib: “Sirr deyildir ki, Azərbaycan gənclərinin burada təhsil almaq istəyi əsasən, Rusiya xalqının mədəniyyətinin və tarixinin ən böyük nailiyyətlərindən biri olan Moskva Dövlət Universitetinin ənənəvi yüksək nüfuzu ilə bağlıdır”.
N.Paşayeva Azərbaycanda rus dilinin vəziyyəti barədə söhbət açaraq vurğulayıb ki, respublikamızda rus dilinə, rus mədəniyyətinə həmişə qayğıkeş, səmimi, həssas münasibət və həqiqi məhəbbət hissləri olub və olacaq.
S.Lavrov öz çıxışında qeyd edib ki, MDU-nun Bakı filialının Azərbaycanda ən gənc ali məktəb olduğuna baxmayaraq, o artıq ölkədə ən nüfuzlu ali məktəblərdən birinə çevrilib. Nazir deyib: “Rusiya Federasiyası rus dilinin Azərbaycan və Rusiya xalqlarının dostluğunun mühüm vasitələrindən biri kimi inkişaf etdirilməsi, qorunub saxlanması və tətbiqi işində universitet rəhbərliyinin xidmətlərini çox yüksək qiymətləndirir”.
S.Lavrov vurğulayıb ki, universitetin fəaliyyəti və onun rektoru Nərgiz Paşayevanın Rusiya və Azərbaycanın strateji tərəfdaşlığında humanitar tərkib hissənin möhkəmlənməsinə şəxsi töhfəsi Rusiya Prezidenti tərəfindən yüksək qiymətləndirilib, o, N.Paşayevanın “Dostluq” ordeni ilə təltif olunması haqqında qərar qəbul edib.
Nazirin sözlərinə görə, səfər müddətində keçirilmiş görüşlərdə iki ölkənin mədəniyyətlərinin qarşılıqlı zənginləşməsinin, bir-birini qarşılıqlı tamamlamasının, dostluq ənənələrinin yeni nəsillərə ötürülməsinin vacibliyi bir daha vurğulanıb.
Rusiyalı nazir ölkələrimiz arasında energetika və investisiya sahələrində münasibətlərin, beynəlxalq məsələlərdə, regionda və dünyada təhlükəsizlik məsələlərində səmərəli əməkdaşlığın durmadan inkişaf etməsini qeyd edib.
S.Lavrov vurğulayıb: “Rusiya-Azərbaycan əməkdaşlıq və tərəfdaşlığı Cənubi Qafqazda sabitliyin və təhlükəsizliyin təmin edilməsində mühüm amildir. ümidvaram ki, indiki səfər Rusiya və Azərbaycanın mənafelərinin xalqlarımızın rifahı naminə irəliləməsinə kömək edəcək”.
Sonra Rusiya xarici işlər naziri tələbələrin və müəllimlərin qlobal siyasət, iqtisadiyyat, ölkələrimiz arasında münasibətlər barədə suallarına cavab verib.
Sonda Sergey Lavrov professor Nərgiz Paşayevaya RF Xarici İşlər Nazirliyi yanında “Rossotrudniçestvo” agentliyinin “Dostluq və əməkdaşlığa görə” fəxri nişanını təqdim edib.

Paylaş:

Baxılıb: 1108 dəfə