YAP Gənclər Birliyinin üzvləri Taksim meydanındakı yürüşdə iştirak edəcəklər

Bakı:

17 °C

82 %

3 m/s

Əlaqə

AZ RU EN

Ana səhifə / Siyasət / YAP Gənclər Birliyinin üzvləri Taksim meydanındakı yürüşdə iştirak edəcəklər

YAP Gənclər Birliyinin üzvləri Taksim meydanındakı yürüşdə iştirak edəcəklər

25.02.2012 [01:51]

Yürüşdə təşkilat tərəfindən hazırlanmış broşürlər tədbir iştirakçılarına paylanacaq
Məlum olduğu kimi, Yeni Azərbaycan Partiyası (YAP) bu gün nəinki Azərbaycanın, eləcə də, Cənubi Qafqaz regionunun ən böyük siyasi təşkilatıdır. Partiyanın sıralarında yüksək intellektli gənclər ordusu birləşib. Təsadüfi deyil ki, partiya üzvlərinin 40 faizini gənclər təşkil edir.
YAP-ın ölkəmizin ictimai-siyasi həyatında roluna uyğun olaraq partiyanın Gənclər Birliyi də hər zaman fəallıq nümayiş etdirir, qarşıya qoyulan vəzifələri yerinə yetirir. Bu gün YAP Gənclər Birliyi Azərbaycanın ən böyük, güclü gənclər təşkilatıdır. Təbii ki, məhz bu amil bizim partiyanın gənclər qurumunu digər təşkilatlardan fərqləndirir. Son illər partiyamızın Gənclər Birliyi fəaliyyətində yeniliklər həyata keçirir, yeni layihələrlə çıxış edir, gənclərlə fəal iş aparır. Eyni zamanda, partiya gənclərinin beynəlxalq əlaqələri də genişlənir. İstər ölkə sərhədlərindən kənarda, xarici ölkələrdə fəaliyyət göstərən siyasi partiyaların gənclər qurumları ilə əlaqələrin genişləndirilməsi, istərsə də daxildə bir sıra layihələrin uğurla həyata keçirilməsi YAP Gənclər Birliyinin uğurlu fəaliyyətindən xəbər verir.
Bildiyimiz kimi, bu il XX əsrin faciəsi olan Xocalı soyqırımının 20-ci ildönümü tamam olur. Bununla bağlı, YAP Gənclər Birliyi bir sıra tədbirlər həyata keçirir. Fevralın 1-dən “Xocalı soyqırımını tanı!” kampaniyası həyata keçirilir. Bu kampaniya çərçivəsində dünyanın nüfuzlu siyasətçilərinə, dövlət və hökumət nümayəndələrinə, parlamentarilərin elektron poçtlarına Xocalı faciəsini əks etdirən materiallar göndərilir. Bundan əlavə, “Xocalı soyqırımı-XX əsrin faciəsidir” adlı konfrans keçirilib.
Qeyd edək ki, fevralın 26-da Türkiyənin İstanbul şəhərinin Taksim meydanında Xocalı soyqırımı ilə bağlı böyük yürüş keçiriləcək. Bu yürüşdə YAP Gənclər Birliyinin üzvləri də fəal şəkildə iştirak edəcəklər. Bununla əlaqədar olaraq partiyanın Gənclər Birliyi tərəfindən türk dilində broşürlər hazırlanıb və onların yürüş iştirakçılarına paylanması nəzərdə tutulur. Həmin broşürlərdə erməni vəhşiliyinin göstəricisi olan Xocalı soyqırımını əks etdirən faktlar, fotolar öz əksini tapıb. Şübəhsiz ki, YAP gənclər Birliyinin bu təşəbbüsü də Xocalı soyqırımı ilə bağlı həqiqətlərin dünya ictimaiyyətinə çatdırılması işində növbəti addımdır.
NARDAR

Paylaş:

Baxılıb: 956 dəfə