Yeni Azərbaycan Partiyası ilə Monteneqro Sosialistlərinin Demokratik Partiyası arasında əlaqələr inkişaf edir

Bakı:

16 °C

72 %

11 m/s

AZ RU EN

Ana səhifə / Siyasət / Yeni Azərbaycan Partiyası ilə Monteneqro Sosialistlərinin Demokratik Partiyası arasında əlaqələr inkişaf edir

Yeni Azərbaycan Partiyası ilə Monteneqro Sosialistlərinin Demokratik Partiyası arasında əlaqələr inkişaf edir

23.12.2011 [11:19]

Dünən Yeni Azərbaycan Partiyası (YAP) ilə Monteneqro Sosialistlərinin Demokratik Partiyası arasında Əməkdaşlıq haqqında Anlaşma Memorandumu imzalanıb. Memorandumu Yeni Azərbaycan Partiyası Sədrinin müavini-İcra katibi, Milli Məclisin deputatı Əli Əhmədov və Monteneqro Sosialistlərinin Demokratik Partiyasının sədri, Monteneqronun sabiq prezidenti və baş naziri Milo çukanoviç imzalayıb.
Mərasimdən əvvəl keçirilən görüşdə Əli Əhmədov Milo çukanoviçin Azərbaycana səfərinin ölkələrimiz arasında mövcud olan əlaqələrin inkişafına təkan verəcəyini bildirib. YAP Sədrinin müavini qeyd edib ki, imzalanan sənəd təkcə partiyalar arasında deyil, eləcə də, dövlətlərimiz və xalqlarımız arasında əlaqələrin daha da genişlənməsinə və möhkəmlənməsinə xidmət edəcək. “Yeni Azərbaycan Partiyası olaraq bu əlaqələrə böyük önəm veririk və münasibətlərimizin hərtərəfli inkişafında maraqlıyıq”- deyən Əli Əhmədov Azərbaycanın dinamik inkişafı barədə də qonağa ətraflı məlumat verib. Onun sözlərinə görə, son illər Azərbaycanın iqtisadiyyatı dinamik inkişaf edir. Bu isə digər sahələrin də inkişafına əhəmiyyətli dərəcədə təsir göstərir. YAP Sədrinin müavini xüsusilə sosial sahənin inkişafına diqqət yetirildiyini deyərək bu siyasət nəticəsində əhalinin rifahının yüksəldiyini qeyd edib.
Gələn il Bakıda “Eurovision-2012” mahnı müsabiqəsinin keçiriləcəyini deyən Əli Əhmədov həmin vaxta qədər şəhərin simasının daha da gözəlləşəcəyini qeyd edib.
Monteneqro Sosialistlərinin Demokratik Partiyasının sədri, Monteneqronun sabiq prezidenti və baş naziri Milo çukanoviç isə dəvətə və isti münasibətə görə təşəkkür edib. Azərbaycanın dinamik inkişaf etdiyini deyən Milo çukanoviç bu ölkənin beynəlxalq məqsədlərə doğru inamla irəlilədiyini vurğulayıb. Qonaq səfəri çərçivəsində Azərbaycan Prezidenti İlham Əliyevlə görüşünün onda böyük təəssüratlar yaratdığını qeyd edib. Milo çukanoviç Prezident İlham Əliyevi 50 illik yubileyi münasibəti ilə təbrik edib. Monteneqro Sosialistlərinin Demokratik Partiyasının sədri bildirib ki, ölkəsi Azərbaycanın Avroatlantik məkana inteqrasiyasını dəstəkləyir. Milo çukanoviç partiyalar arasında əlaqələrin inkişafının vacib olduğunu qeyd edib. ölkələr arasında siyasi səviyyədə əlaqələrin çox yüksək olduğunu deyən qonaq digər sahələrdə də əməkdaşlığın genişləndirilməsinin zəruriliyini vurğulayıb.
O həmçinin, səfəri çərçivəsində Bakı ilə tanış olduğunu və şəhərin daha da gözəlləşdiyini bildirib.
Görüşdə, eyni zamanda, hər iki partiyanın gənclər təşkilatları arasında əlaqələrin inkişafının vacibliyi də vurğulanıb. Qeyd edilib ki, gələcək əməkdaşlıq baxımından gənclər arasında əlaqələrin gücləndirilməsi böyük əhəmiyyət kəsb edir.

Paylaş:

Baxılıb: 960 dəfə