Gəncədə müstəqilliyimizin 20 illik yubileyinə həsr olunmuş tədbir keçirilib

Bakı:

10 °C

87 %

7 m/s

Əlaqə

AZ RU EN

Ana səhifə / Siyasət / Gəncədə müstəqilliyimizin 20 illik yubileyinə həsr olunmuş tədbir keçirilib

Gəncədə müstəqilliyimizin 20 illik yubileyinə həsr olunmuş tədbir keçirilib

13.10.2011 [23:16]

Dünən Gəncə Avtomobil Zavodu İstehsalat Birliyində Azərbaycan Respublikasının Müstəqilliyinin elan olunmasının 20 illik yubileyinə həsr olunmuş tədbir keçirilib. Tədbiri Azərbaycan Respublikasının himni səsləndikdən sonra açan Gəncə Avtomobil Zavodu İstehsalat Birliyi Müşahidə Şurasının üzvü Musa Abdullayev müəssisənin təməli qoyulduğu vaxtdan bu günədək inkişaf tarixi barədə danışıb. O, ümummilli liderimiz Heydər Əliyevin hələ sovetlər dönəmində Azərbaycanda iqtisadiyyatın inkişafı üçün vacib olan zavod və fabriklərin ölkəmizdə inşa olunmasında rolunu xüsusi qeyd edib. O, bu gün də müstəqil Azərbaycanın Prezidenti, Ulu öndərin layiqli davamçısı İlham Əliyevin regionların inkişaf etməsi, günü-gündən çiçəklənməsi üçün çalışdığını vurğulayıb.
Sonra çıxış edən Yeni Azərbaycan Partiyasının Gəncə şəhər təşkilatının sədri, professor İsrafil İsmayılov müstəqil dövlətimizin dünəni, bu günü və sabahı haqda geniş nitq söyləyib. Natiq günü-gündən inkişaf edən respublikamızda sabitliyin və sülhün bərqərar olunmasında, onun qorunub saxlanılmasında, davamlı iqtisadı inkişafa nail olunmasında dahi şəxsiyyət Ulu öndər Heydər Əliyevin danılmaz xidmətlərini xüsusi qeyd edib. Bildirib ki, ümummilli lider Heydər Əliyevin siyasi kursu Prezident İlham Əliyev tərəfindən uğurla həyata keçirilir.
çıxış üçün söz millət vəkili, Avtomobil Zavodu İstehsalat Birliyi Müşahidə Şurasının sədri Xanlar Fətiyevə verilib. O, Gəncə Avtomobil Zavodunun yenidən fəaliyyətini bərpa etdiyi günləri xatırlayıb. “Kiçikdən böyüyə addım-addım irəli” devizini əsas tutaraq bu gün böyük yük avtomobilləri və traktorların yığımı ilə məşğul olan bu müəssisənin böyük potensialının olduğunu vurğulayan sədr bu yaxınlarda Bakıda keçirilən sərgidən bir sıra məqamları dinləyicilərin nəzərinə çatdırıb.
X.Fətiyev Azərbaycan Respublikasının Müstəqilliyinin elan olunmasının 20 illik yubileyi ərəfəsində Müşahidə Şurasının qərarı ilə noyabr ayından etibarən işçilərin əmək haqlarının 10% artırılması haqqında da məlumat verib.
Sonra çıxış edən Gəncə şəhər İcra Hakimiyyəti başçısının müavini Rafiq Şəfiyev ölkəmizdə, o cümlədən, Gəncə şəhərində də böyük abadlıq və quruculuq işlərinin aparıldığını bildirib. O, əlavə edib ki, hələ 70-ci illərdə istifadəyə verilməsi nəzərdə tutulan Gəncə Avtomobil Zavodu Azərbaycanın böyük müəssisələrindən biridir və bu gün belə bir zavodun yenilənməsi, müasirləşməsi, yeni-yeni avtomobil və digər texnikaların burada yığılması ölkəmizdə hökm surən sabitlikdən və davamlı inkişafdan xəbər verir.
Yeni Azərbaycan Partiyasının İcra katibinin müavini, millət vəkili Siyavuş Novruzov Gəncə Avtomobil Zavodu İstehsalat Birliyində Azərbaycan Respublikasının Müstəqilliyinin elan olunmasının 20 illik yubileyinə həsr olunmuş yığıncaqda iştirakından məmnunluğunu bildirib. Millət vəkili çıxışında ölkəmizdəki sabitlik və inkişaf üçün hər birimizin ümummilli lider Heydər Əliyevə borclu olduğumuzu, Onun siyasi kursunun davamçısı Prezident İlham Əliyevin ətrafında sıx birləşərək müstəqil Azərbaycanın dövlət quruculuğunda var gücümüzlə çalışmağımızın vacibliyini vurğulayıb: “Mən bu gün sizinlə belə möhtəşəm tədbirdə iştirak etdiyim üçün çox məmnunam. Gəncə Avtomobil Zavodu Azərbaycan iqtisadiyyatının çox vacib bir subyektidir. ölkəmizdə avtomobil sənayesinin inkişafı, həm iqtisadı göstəricilərin artmasında, həm də yeni iş yerlərinin açılmasında vacib önəm daşıyır. Bu gün burada olan şərait bunu deməyə tam əsas verir”.
Tədbirin sonunda yığıncaq iştirakçıları adından dövlət başçısına müraciət qəbul olunub.

Paylaş:

Baxılıb: 986 dəfə