Erməni snayperinin qətlə yetirdiyi Fariz Bədəlovun ölümündən 40 gün keçir

Bakı:

19 °C

94 %

2 m/s

Əlaqə

AZ RU EN

Ana səhifə / Siyasət / Erməni snayperinin qətlə yetirdiyi Fariz Bədəlovun ölümündən 40 gün keçir

Erməni snayperinin qətlə yetirdiyi Fariz Bədəlovun ölümündən 40 gün keçir

19.04.2011 [09:41]

Sona Vəliyeva: Ermənilərin bu hərəkətləri dünyanın bütün yazılmış və yazılmamış qanunlarına ziddir
Azərbaycanın qadın jurnalistləri erməni snayperi tərəfindən qətlə yetirilmiş uşaqla bağlı beynəlxalq təşilatlara bəyanat ünvanlayıblar. Trend-in məlumatına görə, Azərbaycan Qadın Jurnalistlər Assosiasiyası (AQJA) bununla bağlı Fariz Bədəlovun qətlinin 40-cı günündə tədbir keçirib.
öncə erməni snayper tərəfindən qətlə yetirilmiş Fariz Bədəlovun xatirəsi bir dəqiqəlik sükutla yad edilib.
Tədbiri giriş sözü ilə AQJA-nın sədri Sevil Yusifova açaraq qeyd edib ki, öldürülmüş Azərbaycan uşaqlarının faciələrinə dünya göz yumur: “Bu gün dünya mətbuatı Afrikada uşaqların acından ölməsinə can yandırır. Əlbəttə ki, bu yaxşı haldır, lakin azərbaycanlı uşaqların ermənilər tərəfindən öldürülməsinə biganə yanaşırlar. Hərbi forma geyinmiş bir insanın heç bir təhlükə törətməyən uşağa atəş açması ən böyük cinayətdir. Biz beynəlxalq təşkilatların və dünyanın nüfuzlu media qurumlarının diqqətini bu məsələyə cəlb etməliyik”.
“Kaspi” qəzetinin təsisçisi, publisist Sona Vəliyeva çıxışında bildirib ki, ermənilərin bu hərəkətləri dünyanın bütün yazılmış və yazılmamış qanunlarına ziddir: “Bu gün biz dünyanın bu hadisəyə biganə yanaşmasını görürük. Dünyada hər zamankı kimi ikili standartlar müşahidə olunur. Bu ikili standartlar xüsusilə müsəlman ölkələrinə tətbiq edilir və müsəlman ölkələrinə qarşı ədalətsiz davranış müşahidə olunur. Odur ki, ermənilərin bu cür hərəkətlərinə göz yumulur”.
O qeyd edib ki, dünyanın nüfuzlu televiziya kanalları və digər informasiya resursları bir nəfərin ev heyvanının ağacda qalması ilə bağlı günlərlə reportaj hazırlayırlar, lakin bir uşağın taleyi barədə maraqlanan yoxdur.
“Dünya bizim dərdlərimizə biganə yanaşır. Biz öz təbliğatımızı həyata keçirmək üçün digər metodlardan, yeni üsullardan istifadə etməliyik. öz dərdlərimizi dünyanın diqqətinə çatdırmağa çalışmalıyıq” - deyə, o vurğulayıb.
Mili QHT Şurasının sədri Rauf Zeyni bildirib ki, erməni əsgərdən, zabitdən humanist bir addım gözləmək düzgün deyil. Onun sözlərinə görə, heç erməni ziyalıdan da humanist addım gözləmək olmaz: “İndiyə qədər heç bir erməni ziyalısı Azərbaycan torpaqlarının ermənilər tərəfindən işğalına etiraz etməyib. Fariz Bədəlovun qətlindən sonra heç bir erməni ziyalı öz əsgərlərinin bu hərəkətinə etiraz etməyib. çünki onlar “Böyük Ermənistan” qurmaq xülyası ilə yaşayırlar və bu xülyalarının həyata keçirilməsi üçün hər şeyə hazırdırlar. Biz sivil deyil, vəhşi düşmənlə üz-üzəyik”.
Tədbirin sonunda bəyanat ətrafında fikir mübadiləsi aparılıb, müvafiq dəyişikliklər edilərək bəyanat imzalanıb.

Paylaş:

Baxılıb: 1169 dəfə