Əli Əhmədov: Firudin Cəlilovun Ermənistan mənşəli azərbaycanlıların adından danışması tamamilə yersizdir və qərəzli məna daşıyır

Bakı:

11 °C

82 %

8 m/s

AZ RU EN

Ana səhifə / Siyasət / Əli Əhmədov: Firudin Cəlilovun Ermənistan mənşəli azərbaycanlıların adından danışması tamamilə yersizdir və qərəzli məna daşıyır

Əli Əhmədov: Firudin Cəlilovun Ermənistan mənşəli azərbaycanlıların adından danışması tamamilə yersizdir və qərəzli məna daşıyır

09.04.2011 [13:03]

"Əvvəla, mən bölgəçilik təfəkkürünü və onun hər cür təzahürünü qətiyyətlə rədd edirəm. Bu, ziyanlı ideologiya olub, Azərbaycanı istəməyənlərin əlində bir vasitə kimi istifadə edilir. Toplumun kamilliyi, milli birliyi və gücü onun konsolidasiya səviyyəsindən birbaşa asılıdır. Azərbaycan xalqı kifayət qədər möhkəm milli birliyi ilə seçilir və təbii ki, onun əsas birləşdirici amili müstəqil dövlətçiliyimizdir. Ermənistan mənşəli azərbaycanlılar ölkəmizin inkişafına böyük töhfələr vermiş və toplumu təmsil edən bir sıra görkəmli adamlarla, misal üçün M. Topçubaşovla, Əziz Əliyevlə, Zərifə xanım Əliyeva ilə haqlı olaraq fəxr ediblər. Lakin həmişə özlərinin lideri kimi Heydər Əliyevi qəbul ediblər. Bu da təsadüfi deyil". Bunu YAP Sədrinin müavini, partiyanın İcra katibi Əli Əhmədov APA-nın sorğusuna cavab olaraq bu günlərdə sabiq təhsil naziri Firudin Cəlilovun "ermənistanlılar Əli İnsanovu özlərinin ağsaqqalı hesab edirlər" fikirlərinə münasibət bildirərkən deyib.
Lakin Əli Əhmədov bunun belə olmadığını vurğulayıb: "Ermənistan mənşəli Azərbaycan vətəndaşları həmişə dövlətçiliyə qırılmaz tellərlə bağlı olublar. Onlarda dövlətçilik hisslərinin güclü olmasında, yəqin ki, vaxtilə qədim Azərbaycan torpaqları olan Ermənistanda yaşayarkən məruz qaldıqları etnik sıxıntılar, məhrumiyyətlər və nəhayət deportasiya mühüm rol oynayıb. Onlar azərbaycançılığın və dövlətçiliyin ümumiləşmiş ifadəsini hələ ötən əsrin 70-ci illərində Heydər Əliyevdə görürdülər, məhz buna görə də Onun ətrafında sıx birləşmişdilər. Heydər Əliyev Azərbaycanın Prezidenti olanda da Ermənistan mənşəli azərbaycanlılar Heydər Əliyevin ətrafında idilər, Onu müdafiə edir və siyasətinin həyata keçirilməsinə mühüm dəstək verirdilər. Həmin insanlar, o toplumun nümayəndələri bu gün də İlham Əliyevin ətrafında sıx birləşiblər, Onu Heydər Əliyevin azərbaycançılıq və milli dövlətçilik ideyasının ən layiqli varisi hesab edirlər, Onun siyasətini dəstəkləyirlər. Cəmiyyətimizdə siyasi sabitliyin, vətəndaş həmrəyliyinin və milli birliyin möhkəmlənməsinə xidmət edirlər. Bütün xalqımız kimi, onların qəbul etdiyi, dəstəklədiyi və yolunda hər cür fədakarlığa hazır olduğu yeganə lider Prezident İlham Əliyevdir. Onun Azərbaycanın inkişafına aparan siyasəti hər bir vətəndaş kimi, Ermənistan mənşəli azərbaycanlıları da həm ümummilli mənafe, həm də şəxsi maraqlar baxımından tam təmin edir. Belə olan halda, kimlərinsə ortaya atılıb, böyük bir toplumun adından danışması tamamilə yersizdir və qərəzli məna daşıyır".

Paylaş:

Baxılıb: 974 dəfə