Azərbaycanın birinci xanımı, Heydər Əliyev Fondunun prezidenti Mehriban Əliyeva ABŞ prezidentinin elm məsələləri üzrə xüsusi nümayəndəsi Elis Qastın başçılıq etdiyi nümayəndə heyəti ilə görüşüb

Bakı:

20 °C

88 %

3 m/s

AZ RU EN

Ana səhifə / Siyasət / Azərbaycanın birinci xanımı, Heydər Əliyev Fondunun prezidenti Mehriban Əliyeva ABŞ prezidentinin elm məsələləri üzrə xüsusi nümayəndəsi Elis Qastın başçılıq etdiyi nümayəndə heyəti ilə görüşüb

Azərbaycanın birinci xanımı, Heydər Əliyev Fondunun prezidenti Mehriban Əliyeva ABŞ prezidentinin elm məsələləri üzrə xüsusi nümayəndəsi Elis Qastın başçılıq etdiyi nümayəndə heyəti ilə görüşüb

11.03.2011 [00:41]

Dünən Azərbaycanın birinci xanımı, Heydər Əliyev Fondunun prezidenti, YUNESKO-nun və İSESKO-nun xoşməramlı səfiri, Milli Məclisin deputatı Mehriban Əliyeva Azərbaycanda səfərdə olan ABŞ prezidentinin elm məsələləri üzrə xüsusi nümayəndəsi Elis Qastın başçılıq etdiyi nümayəndə heyəti ilə görüşüb.
Mehriban xanım Əliyeva qonaqları Heydər Əliyev Fondunda görməkdən məmnun qaldığını deyib, səfərin uğurlu olacağından əminliyini bildirib. Azərbaycanın birinci xanımı ölkəmizin gündən-günə artan potensialı barədə məlumat verib, onun regionda ən sürətlə inkişaf edən dövlət olduğunu diqqətə çatdırıb. Respublikada elmin, təhsilin, texnologiyaların inkişafına xüsusi önəm verildiyini deyən Fondun prezidenti son illərdə bu sahələrdə böyük işlərin görüldüyünü söyləyib. Qeyd olunub ki, təhsilin maddi-texniki bazası yaxşılaşdırılıb, müasir texnologiyalardan istifadə olunaraq yeni tədris müəssisələri yaradılıb. Hazırda əsas diqqət təhsilin keyfiyyətinin artırılmasına yönəldilib. Bu gün azərbaycanlı gənclər dünyanın ən mötəbər ali təhsil ocaqlarında biliklərə yiyələnirlər.
Mehriban xanım Əliyeva dövlətin azərbaycanlı uşaqların və gənclərin xaricdə təhsil almaları prosesinin genişləndirilməsində maraqlı olduğunu bildirib. Azərbaycanın birinci xanımı ABŞ-ın təhsil sahəsindəki təcrübəsindən faydalanmağın ölkəmiz üçün böyük əhəmiyyət daşıdığını da diqqətə çatdırıb. Mehriban xanım Əliyeva Heydər Əliyev Fondunun bütün sahələrdə olduğu kimi, elm və təhsil sahəsində də əməkdaşlığa hər zaman hazır olduğunu vurğulayıb.
ABŞ prezidentinin elm məsələləri üzrə xüsusi nümayəndəsi Elis Qast səmimi qarşılanmaya görə Mehriban xanım Əliyevaya təşəkkürünü bildirib. Qonaq Heydər Əliyev Fondunun nəinki, Azərbaycanda, habelə xaricdə də həyata keçirdiyi layihələrin vacibliyini vurğulayıb, görülən işlərin böyük heyrət doğurduğunu deyib.
Görüşdə həm orta məktəbdə fərqlənən şagirdlərin, həm də tələbələrin ABŞ-da təhsil almaları, gənclərin təhsilə marağının artırılması istiqamətində həyata keçirilən tədbirlər barədə müzakirələr aparılıb.

Paylaş:

Baxılıb: 1183 dəfə