Jurnalistlər üçün seminar keçirilib

Bakı:

20 °C

88 %

3 m/s

Əlaqə

AZ RU EN

Ana səhifə / Siyasət / Jurnalistlər üçün seminar keçirilib

Jurnalistlər üçün seminar keçirilib

29.12.2010 [09:30]

Dünən Vergilər Nazirliyinin Tədris Mərkəzində KİV nümayəndələri üçün seminar keçirilib. Seminar “Azərbaycan Respublikasının 2011-ci il dövlət büdcəsi haqqında” Azərbaycan Respublikası Qanununun tətbiq edilməsi barədə Azərbaycan Respublikası Prezidentinin 24 noyabr 2010-cu il tarixli Fərmanı ilə bağlı Vergilər Nazirliyinin üzərinə düşən vəzifələrin icrasına həsr olunub.
Tədbirin açılış mərasimindən sonra Tədris Mərkəzinin rəisi Yaşar Kəlbiyev iştirakçılara sözügedən Fərman haqqında ümumi məlumat verib. Sonra Vergi siyasəti və strateji araşdırmalar Baş idarəsinin bölmə rəisi Vüsal Şıxəliyev Fərmanın icrası ilə bağlı Vergilər Nazirliyinin üzərinə düşən vəzifələri tədbir iştirakçılarının diqqətinə çatdırıb.
Onun sözlərinə görə, bu vəzifələr çərçivəsində Vergilər Nazirliyi hər rüb başa çatdıqdan sonra səhmlərinin (paylarının) 50 faizindən çoxu dövlətə məxsus olan hüquqi şəxslərin vergi hesablamalarını və ödəmələrini müvafiq dövlət qurumları ilə birlikdə təhlil etməli, vergilərin dövlət büdcəsinə ödənilməsini təmin edən tədbirlər görməli və görülmüş işlər barədə ildə bir dəfə Azərbaycan Respublikasının Prezidentinə məlumat verməlidir. Fərmanda regionların sosial-iqtisadi inkişafının stimullaşdırılmasına istiqamətlənmiş tədbirlər də nəzərdə tutulub. Maliyyə Nazirliyi ilə birlikdə şəhər və rayonların ərazilərində fəaliyyət göstərən hüquqi və fiziki şəxslərin dövlət büdcəsinə ödədikləri vergi və digər ödənişlərin tam, yaxud da qismən yerli gəlirlərə aid edilməsinə dair təkliflər hazırlanaraq Azərbaycan Respublikasının Prezidentinə təqdim olunmalıdır. Fərmana əsasən Vergilər Nazirliyi Mərkəzi Bankla birlikdə dövlətə vergi, rüsum, icarə haqqı və digər ödənişlərin dövlət qurumlarına birbaşa ödənilməsi yolu ilə bankdankənar nağd qaydada aparılmasının aradan qaldırılması və bütövlükdə nağdsız ödənişlərin stimullaşdırılması məqsədilə normativ hüquqi bazanın təkmilləşdirilməsi barədə təkliflər hazırlamalı və Azərbaycan Respublikasının Prezidentinə təqdim etməlidir. Bundan başqa, ölkənin regionları üzrə müəyyən olunmuş vergi daxilolmaları proqnozunun tam icra edilməsi, habelə hesablanmış vergilərin və vergi borclarının dövlət büdcəsinə ödənilməsi üçün zəruri tədbirlər görülməli, görülmüş işlər barədə hər rübdən sonrakı ayın 20-dək Azərbaycan Respublikasının Prezidentinə və Nazirlər Kabinetinə məlumat təqdim edilməlidir.
Növbəti ildə vergi orqanları qarşısında qoyulmuş vəzifələrin icrası ilə əlaqədar müasir dövrün tələblərinə uyğun olaraq funksional sahələr üzrə məqsədyönlü siyasətin həyata keçirilməsi, vergi qanunvericiliyi və inzibatçılığının daha da təkmilləşdirilməsi, vergi nəzarətinin səmərəliliyinin artırılması, vergi ödəyicilərinə xidmətin səviyyəsinin yüksəldilməsi və bütövlükdə vergi sisteminin daim inkişaf etdirilməsi mühüm əhəmiyyət kəsb edir. Bu baxımdan qeyd olunan və Fərmanla müəyyənləşdirilmiş digər vəzifələrin icrası məqsədilə 2011-ci il üzrə Vergilər Nazirliyinin qarşısında duran vəzifələrin yerinə yetirilməsi sahəsində görüləcək işlər barədə vergilər nazirinin əmri imzalanıb, həmin vəzifələrin icrasını təmin edən Tədbirlər Planı təsdiq olunub, həmçinin, işçi qrupları yaradılıb.
Nadir AZƏRİ

Paylaş:

Baxılıb: 1184 dəfə