Ermənistanda boğulan demokratiya...

Bakı:

21 °C

61 %

1 m/s

Əlaqə

AZ RU EN

Ana səhifə / Siyasət / Ermənistanda boğulan demokratiya...

Ermənistanda boğulan demokratiya...

30.06.2022 [10:22]

KİV-lər Paşinyanı boykot edir

Nicat PAŞA

Ermənistanda istər sosial, istərsə də iqtisadi vəziyyətin ağırlaşması fonunda müşahidə olunan proseslərdən biri də bu ölkədə insan hüquqlarının, söz və fikir azadlığının boğulması, bu sahədə vəziyyətinin daha da pisləşməsi, ümumilikdə isə demokratik dəyərlərin məhv olması, yaxud məhv edilməsidir. Özü də dövlətin birinci şəxsi - Paşinyan tərəfindən. Görünən budur ki, Paşinyan artıq erməni xalqına hesabat vermək vaxtının yetişdiyini bildiyi üçün indi də məsələni kökündən həll etmək istəyir. Əgər Ermənistanın Baş naziri əvvəllər hansısa əlaqəsiz sözlər və sistemsiz danışığı ilə vəziyyətdən çıxmağa, keçirdiyi hiss və həyəcandan əlindəki qələmi qıra-qıra özünü sakitləşdirməyə çalışırdısa, indi onu da etmək istəmir. Çünki indi Paşinyanın bir yolu (ya da yerinə yetirməli olduğu tapşırığı) var - susmaq...

Xeyli vaxtdır ki, Ermənistanın mətbuatı bu barədə geniş şəkildə informasiyalar tirajlayır. Məqsəd isə sadə erməniləri ölkədə gedən ictimai-siyasi vəziyyət ilə tanış etmək, Paşinyanı “düz yola” gətirməkdir. Nəyin düz, nəyin isə səhv olduğunu dövlətlərinin başında dayanan şəxsə başa salmaqdan təngə gələn erməni jurnalistlər indi də çıxış yolunu Baş naziri boykot etməkdə görürlər.

Baş nazir srağagün sayca dördüncü mətbuat konfransını keçirib. Jurnalistlər üçün nəzərdə tutulan bu konfransın hansı şərtlər altında keçirildiyinə nəzər yetirdikdə konfransın mətbuatla yaxından-uzaqdan heç bir əlaqəsinin olmadığı aydın olur. Belə ki, ötən gün Ermənistanda 30-dan artıq tanınmış kütləvi informasiya vasitəsi Baş nazir Nikol Paşinyanın onlayn mətbuat konfranslarını pisləyən bəyanatla çıxış edib.

“Baş nazirin ofisi mediadan və qeyri-hökumət təşkilatlarından suallarını əvvəlcədən göndərmələrini xahiş edir, bundan sonra suallar qruplaşdırılır, bəzən redaktə edilir və şərhçi onları canlı oxuyur. Bu formatda olan media nəinki birbaşa sual vermək, həm də cavablara reaksiya vermək imkanından məhrumdur. Çox vaxt sualın məzmunu əslində təhrif olunur və ya sualın bəzi nüansları azaldılır, bəzən isə göndərilən suallar ümumiyyətlə səslənmir. Nəticədə, ictimaiyyətin düzgün məlumat almaq imkanları mahiyyətcə məhdudlaşır. Hesab edirik ki, dövlət başçısının media ilə bu formatda ünsiyyəti ayrı-seçkilik xarakteri daşıyır, səmərəsizdir və demokratiyanın əsas prinsipləri - şəffaflıq və hesabatlılığa ziddir. Buna görə də biz baş nazir Paşinyanı media ilə sərbəst ünsiyyət praktikasına qayıtmağa çağırırıq, xüsusən də koronavirus pandemiyasının səbəb olduğu əvvəllər mövcud məhdudiyyətlər artıq aktual deyil”, - media qurumlarının bəyanatında deyilir.

İrəvan Mətbuat Klubunun prezidenti Boris Navasardyanın fikrincə, üzbəüz mətbuat konfransından yayınmağın səbəblərindən biri digər məsələlərlə yanaşı, medianın hər şeyi siyasi aksiyaya çevirmək cəhdləridir. Buna baxmayaraq, o, Paşinyanın tətbiq etdiyi bu praktikanı problemli hesab edir və daha demokratik formata qayıtmağa çağırır: “Əsasən, deyəsən, baş nazir daha çox ehtiyac duyduğu mövzulara diqqət yetirib. Mətbuat konfransı təklif edir ki, ictimaiyyətin media vasitəsilə səsləndirdiyi məsələlərdə müzakirə, aydınlıq və şərh obyekti olmalıdır”.

Qeyd edilən məqamlardan bir çox ciddi məsələ öz təsdiqini tapır. Onlardan birincisi budur ki, Ermənistan və demokratiya sözləri bir-birindən çox-çox uzaqlarda dayanıb. Bundan başqa, dünya ölkələrinin günbəgün inkişaf etdiyi vaxtda Ermənistan hər gün geriyə doğru daha bir addım atır.

Paylaş:

Baxılıb: 588 dəfə