Mübariz Qurbanlı: Zirvə Görüşü Xəzərin statusu ilə bağlı aparılan danışıqlarda ən əhəmiyyətli mərhələlərdən birini təşkil edir

Bakı:

12 °C

76 %

3 m/s

AZ RU EN

Ana səhifə / Siyasət / Mübariz Qurbanlı: Zirvə Görüşü Xəzərin statusu ilə bağlı aparılan danışıqlarda ən əhəmiyyətli mərhələlərdən birini təşkil edir

Mübariz Qurbanlı: Zirvə Görüşü Xəzərin statusu ilə bağlı aparılan danışıqlarda ən əhəmiyyətli mərhələlərdən birini təşkil edir

20.11.2010 [10:48]

“Xəzəryanı ölkələrin dövlət başçılarının Bakıda keçirilən Zirvə Görüşü və bu görüş çərçivəsində imzalanmış sənədlər böyük əhəmiyyət kəsb edir”. Bu fikirləri yap.org.az saytına açıqlamasında Yeni Azərbaycan Partiyasının İcra katibinin müavini Mübariz Qurbanlı deyib.
M.Qurbanlı xatırladıb ki, hələ keçmiş SSRİ mövcud olduğu dövrdə İranla Xəzər dənizinin statusuna dair sənəd imzalanıb. Həmin müqaviləyə görə, Astara-Həsənqulu xətti üzrə Xəzərin cənubda bölgüsü müəyyənləşmişdi. Onun sözlərinə görə, SSRİ dağılandan sonra Xəzərin statusu məsələsi ölkələrin münasibətlərində çox mühüm və əhəmiyyətli yerlərdən birini tutur.
YAP İcra katibinin müavini qeyd edib ki, ilk vaxtlardan dənizin statusu ilə bağlı hər bir dövlətin öz marağı mövcud olub. Onun fikrincə, ümumilli lider Heydər Əliyevin müəyyənləhdirdiyi siyasət nəticəsində Azərbaycan Xəzərin statusu ilə bağlı məsələdə Rusiya və Qazaxıstanla razılaşmalar əldə edib. Lakin Türkmənistan və İran başqa mövqe ilə çıxış edirlər. Bununla belə, məsələ mütəxəsislər tərəfindən müzakirə olunur, statusun müəyyənləşməsi üzərində iş aparılır. M.Qurbanlı hesab edir ki, bu məsələdə Azərbaycanın mövqeyi beynəlxalq norma və prinsiplərə əsaslanır.
“Dövlət başçılarının Bakı sammitində bütün prezidentlərin iştirakı vacibdir. Əvvəlki görüşlərdə prezidentlərin bəziləri iştirak etməsə də, Bakıda keçirilən Zirvə Görüşündə bütün dövlət başçıları iştirak edib. Bu, ilk növbədə, Azərbaycanın önəmi, Prezident İlham Əliyevin nüfuzunun göstəricisidir. Digər tərəfdən, dövlət başçılarının ciddi müzakirə apararaq bu məsələdə yekun qərara gəlməsinin zərurətindən irəli gəlir. Prezidentlərin mövqeyi birdaha göstərir ki, məsələ Xəzəryanı ölkələrin dövlət başçılarının diqqət yetirdiyi ən mühüm məsələlərdən biridir. Xəzərin statusu tam həllini tapmalıdır və bu, ölkələrin maraqlarına uyğundur. Xəzərin statusu məsələsində Azərbaycannın mövqeyi ədalətlidir. Hesab edirəm ki, Zirvə Görüşü Xəzərin statusu ilə bağlı aparılan danışıqlarda ən əhəmiyyətli mərhələlərdən birini təşkil edir. Burada əldə olunmuş razılaşmalar növbəti mərhələdə məsələlərin həll edilməsi üçün əsas rolunu oynayacaq” deyə YAP İcra katibinin müavini vurğulayıb.
M.Qurbanlı prezidentlərin birgə bəyanatının və Xəzərdə təhlükəsizlik sahəsində əməkdaşlığa dair Sazişin imzalanmasının vacibliyini qeyd edib. O, bildirib ki, bu sənədlər regional təhlükəsizlik baxımından əhəmiyyəlidir. “Xəzərdə təhlükəsizliklə bağlı irəli sürülən təkliflər və əldə olunmuş razılaşmalar Xəzəryanı ölkələr üçün böyük əhəmiyyət kəsb edən məsələdir. Regionda sülh və təhlükəsitzliyin qorunub saxlanılması, Xəzərin hərbisizləşdirilmiş su hövzəsinə çevrilməsi Azərbaycanın da, digər ölkələrin də maraqlarına uyğundur. Təhlükəsizlik sahəsində əməkdaşlığa dair saziş Xəzərdə sülh və əmin-amanlıq yaratmaq ideyasına xidmət edir. Azərbaycan öz milli maraqlarından çıxış edərək sazişi imzalayıb” deyə o, qeyd edib.

Paylaş:

Baxılıb: 964 dəfə