Heydər Əliyev Fondu tərəfindən şamaxılılara daha bir hədiyyə

Bakı:

18 °C

94 %

1 m/s

Əlaqə

AZ RU EN

Ana səhifə / Siyasət / Heydər Əliyev Fondu tərəfindən şamaxılılara daha bir hədiyyə

Heydər Əliyev Fondu tərəfindən şamaxılılara daha bir hədiyyə

19.11.2010 [09:40]

Azərbaycanın bütün regionlarında, o cümlədən Şamaxıda irihəcmli infrastruktur layihələri həyata keçirilir və bu layihələr bölgənin sosial-iqtisadi, mədəni həyatında böyük dəyişikliklərə, insanların həyat səviyyəsinin daha da yaxşılaşmasına səbəb olur. Regionların sosial-iqtisadi inkişafı Dövlət proqramı çərçivəsində reallaşdırılan bu layihələr Prezident İlham Əliyevin digər bölgələr kimi, Azərbaycanın qədim tarixinin, zəngin maddi-mədəni dəyərlərinin bariz nümunəsi olan Şamaxıya göstərdiyi diqqət və qayğının parlaq nəticəsidir. Bu sahədə, əlbəttə, Heydər Əliyev Fondu da rayonda çox işlər görür.
AzərTAc xəbər verir ki, bu sözlər Heydər Əliyev Fondunun Şamaxıda keçirilən “Təmiz şəhər, rahat nəqliyyat” layihəsinə verdiyi növbəti dəstəklə əlaqədər təşkil olunmuş təqdimat mərasimində səsləndirilib.
Tədbiri giriş sözü ilə açan rayon İcra hakimiyyətinin başçısı Nazim İsmayılov bildirib ki, son illərdə rayonda təkcə Heydər Əliyev Fondunun təşəbbüsü ilə 780 şagird yerlik 5 yeni məktəb binası tikilib istifadəyə verilib, 480 yerlik texniki, humanitar, təbiət fənləri üzrə liseyin, 200 şagird yerlik Qaleybuğurd kənd orta məktəbinin binaları əsaslı təmir edilib. Keçən il Fondun təşəbbüsü və dəstəyi ilə Şahmat məktəbi yüksək səviyyədə əsaslı təmir edilərək müasir inventar və avadanlıqla təchiz olunub. Hazırda Heydər Əliyev Fondunun təşəbbüsü ilə qədim Şamaxı məscidi əsaslı təmir və bərpa edilərək yenidən qurulur, habelə Uşaq İncəsənət Məktəbi üçün yeni bina tikilir. ötən il Fondun vəsaiti ilə gənc məcburi köçkün ailələri üçün 16 mənzilli yeni yaşayış binası da tiklib istifadəyə verilib.
Keçən ilin dekabrında ictimai nəqliyyatın yaxşılaşdırılması məqsədi ilə Fond tərəfindən rayona xaricdə istehsal edilmiş 4 avtobus hədiyyə olunmuşdu. Müqəddəs Qurban bayramı ərəfəsində isə Heydər Əliyev Fondu rayonda keçirilən “Təmiz şəhər, rahat nəqliyyat” layihəsinə dəstək olaraq müasir tipli 2 avtobus, məişət tullantıları daşıyan 3 avtomobil bağışlayıb. Avtobuslar əhalinin Sabir qəsəbəsinə, yeni istifadəyə verilmiş Diaqnostika Mərkəzinə, avtovağzala, “Az Samand” zavoduna və digər yerlərə asan və rahat gediş-gəlişinə imkan yaradacaq.
Tədbirdə çıxış edən digər natiqlər bütün bunlara görə Heydər Əliyev Fondunun prezidenti, YUNESKO-nun və İSESKO-nun xoşməramlı səfiri Mehriban xanım Əliyevaya dərin minnətdarlıqlarını bildiriblər. Natiqlər Prezident İlham Əliyevin rəhbərliyi ilə ölkəmizdə sosial-iqtisadi sahələrdə qazanılan böyük uğurlardan iftixar duyduqlarını bildirib, Azərbaycanın bütün sahələrdə daha da inkişafı və çiçəklənməsi naminə şamaxılıların bundan sonra dövlətimizin başçısının ətrafında sıx birləşərək var qüvvə ilə çalışacaqlarını söyləyiblər.
Tədbirdə Heydər Əliyev Fondunun nümayəndəsi İlqar Mustafayev çıxış edərək Fondun prezidenti Mehriban xanım Əliyevanın şamaxılılara salamını və bayram təbriklərini çatdırıb.
Sonda Heydər Əliyev Fondu tərəfindən göndərilən avtomaşınların açarları sürücülərə təqdim edilib.

Paylaş:

Baxılıb: 1199 dəfə