Naxçıvan Muxtar Respublikasında seçicilər öz iradəsini sərbəst ifadə etdilər

Bakı:

21 °C

78 %

4 m/s

Əlaqə

AZ RU EN

Ana səhifə / Siyasət / Naxçıvan Muxtar Respublikasında seçicilər öz iradəsini sərbəst ifadə etdilər

Naxçıvan Muxtar Respublikasında seçicilər öz iradəsini sərbəst ifadə etdilər

08.11.2010 [09:46]

Seçki demokratik proseslərin atributlarından biridir. Şəffaf, azad və ədalətli seçki keçirilməsi ölkədə demokratiyanın inkişafına önəm verilməsinin təzahürüdür. Artıq Azərbaycan bu sahədə təcrübə qazanıb və beynəlxalq aləmdə demokratik seçkilər keçirilməsində siyasi iradə nümayiş etdirən ölkə kimi tanınıbdır. Əbəs yerə deyil ki, 2005-ci ildə keçirilmiş parlament seçkilərindən sonra ABŞ Dövlət Departamenti Azərbaycanın demokratiya yolunda daha bir qətiyyətli addım atdığını qeyd etmişdir. Noyabrın 7-də, bazar günü keçirilən parlament seçkilərinin tam demokratik və şəffaf keçirilməsi   isə ölkəmizin beynəlxalq aləmdəki nüfuzunu daha da artırdı. ölkəmizin ictimai-siyasi həyatında mühüm yer tutan parlament seçkiləri günü Naxçıvan Muxtar Respublikasının hər bölgəsində də bir aktivlik var idi. Həmin günü Muxtar Respublika sakinləri axın-axın seçki məntəqələrinə yollanır, növbəti 5 ildə ölkənin və Muxtar Respublikanın qanunverici orqanlarında təmsil etməli olan layiq bildiyi namizidə səs verirdilər. Biz də həmin gün 4 saylı Naxçıvan şəhər dairə seçki komissiyasında olduq.
Qeyd edək ki, həmin dairədə 37 seçki məntəqəsi yaradılıb. Bu məntəqələrdə 42633 nəfər seçicinin səs verəcəyi dəqiqləşdirilib ki, onların 2242-si qadın, 20391-i kişidir, 1133 nəfəri isə ilk dəfə səs verənlərdir. Seçkilərin gedişini izləmək üçün Azərbaycan Respublikasının Milli Məclisinə seçkilər üzrə təşkil olunmuş 4-33 saylı və Naxçıvan Muxtar Respublikası Ali Məclisinə 32-5 saylı məntəqəyə yollandıq. Məntəqədə hər şey Azərbaycan Respublikası Seçki Məcəlləsinin və “Naxçıvan Muxtar Respublikası Ali Məclisinə seçkilər haqqında” Naxçıvan Muxtar Respublikası Qanununun tələblərinə uyğun təşkil edilmişdi. ümumiyyətlə, burada vətəndaşların öz iradələrini azad şəkildə, heç bir maneə olmadan ifadə etmələrinə tam şərait yaradılmışdı. Məntəqədə seçki komissiyası sədri, katib və üzvləri, habelə seçkini izləyən beynəlxalq və yerli müşahidəçilər üçün yerlər müəyyənləşdirilmiş, stol və stullar qoyulmuşdu. Lövhədə seçicilərin yaşadıqları ünvanlar üzrə siyahı vurulub və hər bir seçici öz adının seçki siyahısında olub-olmadığını dəqiqləşdirə bilirdi. Məntəqədə yaranmış növbə seçici fəallığından xəbər verirdi. Hər kəs vətəndaşlıq borcunu yerinə yetirmək, ölkənin, xalqın ən layiqli övladlarına səs vermək istəyirdi.   Səsverməyə gəlmiş 71 yaşlı Faiq Mirişli öz təəssüratlarını bizimlə belə bölüşdü: “Mən heç zaman seçkilərdən qalmamışam. Bu gün də seçkilərdə iştirak etməyə çalışıram. Bu dəfə də ilk dəfə səs verən adamlardan biri mən olmuşam. Yaxşı bilirəm ki, biz hamımız böyük inamla balalarmızın, nəvələrimizin xoşbəxt gələcəyi naminə layiqli namizədlərimizə səs veririk”.
Söhbətimizə qoşulan ziyalı Zəfər İsmayılov isə belə dedi: “Mən hamı kimi öz seçimimi etdim. Heç bir maneəyə rast gəlmədim. Bu dəfə də seçkinin azad və şəffaf keçirildiyinin şahidi oldum. İnanıram ki, ölkəmizin sabahı etibar olunan deputatlar onlara göstərilən etimadı layiqincə doğruldacaqlar”.
Digər həmsöhbətim tarix müəllimi Məlahət Axundova isə belə dedi: “çoxlu seçkilərdə iştirak etmişəm. Bəyəndiyim namizədə səs vermişəm. Bilirəm ki, seçdiyim insan millətimin, dövlətimin xoş sabahı, firavan gələcəyi üçün çalışan, xalqımızı dünyada layiqincə təmsil edən şəxs olmalıdır. Başlıcası isə odur ki, səsvermə zamanı heç kəsə təzyiq yoxdur, hamı sərbəstdir, istədiyi namizəzdə səs verir”.
öz iradələrini sərbəst ifadə etmə
ləri çöhrələrindən bilinən digər seçicilərlə söhbətdə məlum oldu ki, vətəndaşlar onlar üçün yaradılan şəraiti bir həqiqətlə bağlayırlar ki, bu gün ölkəmizdə dövlətçiliyin inkişafı üçün qanunlar qəbul etməyə layiq gələcəyimizə cavabdehlik hissləri daşıyan parlament formalaşdırmaq ən vacib və həyati məsələdir. Ona görə də seçkilərdə ən yüksək obyektiv və düzgün seçim gərəkdir.
İlk dəfə səsverən gənclərin həyacanını da başa düşmək çətin deyildi. Söhbət etdiyim gənclərdən biri-Naxçıvan Dövlət Universitietinin II kurs tələbəsi Şəfəq Salahlı bunu belə ifadə etdi: “Bu gün çox həyacanlıyam. çünki ilk dəfədir seçkilərdə iştirak edirəm. İstədiyim namizədə səs verdim.   Ədalətli seçkidə ilk dəfə iştirakım yaddaşımda uzun illər yaşayacaqdır”.
Digər məntəqələrdə də olduq. Bu məntəqələrdə də parlament seçkilərinin ədalətli, normal keçməsi üçün lazımi şərait yaradılmışdı. Bu məntəqələrdə də Azərbaycan Milli Məclisinə, Naxçıvan Muxtar Respublikası Ali Məclisinə seçkilərin demokratik, şəffaf, aydın keçdiyinin, qanun pozuntusuna yol verilmədiyinin şahidi olduq.
Seçkiləri izləyən bir neçə beynəlxalq müşahidəçi ilə də görüşdük. Onlar da olduqları məntəqələrdə heç bir qanun pozuntusuna rast gəlmədiklərini, Muxtar Respublika sakinlərinin fəallıq nümayiş etdirdiklərini dedilər. Bildirdilər ki, müşahidəçilərə hər cür şərait yaradılıb. İnsanlar səhər tezdən kütləvi halda məntəqələrə gəlirlər. Seçicilər, seçki prosesi, həm də namizədlər haqqında daha çox məlumatlandırılıb. Bunu səsvermənin gedişində müşahidə etdik. Səsvermə çox sakit şəkildə keçir. Muxtar Respublikada seçki mühitinin şəfafflığı üçün siyasi iradə və qətiyyət göstərilib.
ümumiyyətlə, Muxtar Respublika sakinləri onlar üçün yaradılan şəraitdən istifadə edərək   üzərlərinə düşən vəzifəni layiqincə yerinə yetirdilər.
Sara ƏZİMOVA

Paylaş:

Baxılıb: 1239 dəfə