Svetlana Orlova: Azərbaycanda seçki prosesinin səviyyəsi çox yüksəlib

Bakı:

30 °C

51 %

5 m/s

Əlaqə

AZ RU EN

Ana səhifə / Siyasət / Svetlana Orlova: Azərbaycanda seçki prosesinin səviyyəsi çox yüksəlib

Svetlana Orlova: Azərbaycanda seçki prosesinin səviyyəsi çox yüksəlib

08.11.2010 [09:44]

Azərbaycanda seçki prosesinin səviyyəsi çox yüksəlib. Dünən keçirilən parlament seçkiləri bunu bir daha sübut edib. Bu fikri dünən mətbuat konfransında jurnalistlərə Rusiya Federasiyası Federal Məclisi Federasiya Şurası sədrinin müavini, MDB Parlamentlərarası Assambleyanın müşahidəçilər qrupunun əlaqələndiricisi Svetlana Orlova bildirib. O, deyib ki, seçkilər çox yüksək səviyyədə və açıq keçib: “Məntəqələrin texniki təminatı və orada çalışan insanların işini xüsusi vurğulamaq istərdim. ötən il keçirilmiş referendumla müqayisədə Azərbaycanda seçki prosesinin səviyyəsi daha da yüksəlib”.
Məlumat verilib ki, 30 nəfərdən ibarət müşahidə missiyası artıq Bakı və regionlarda 50-dək seçki məntəqəsində olub. Günün sonunadək müşahidə aparılan məntəqələrin sayı 100-ə çatmalıdır.
S.Orlova AŞPA-nın Azərbaycanda keçirilən parlament seçkilərinin müşahidə olunması üzrə Xüsusi Komitəsinin Seçkiqabağı Missiyasının rəhbəri Pol Vil ilə görüşdüyünü də söyləyib. Tərəflər seçkilərin monitorinqi mexanizmi sahəsində təcrübə mübadiləsi aparmağı qərara alıblar. MDB müşahidəçiləri bütün müşahidəçilər üçün seçki prosesinin monitorinqinin vahid prinsiplərinin hazırlanması haqqında məsələ qaldıracaqlar. “Biz, həmçinin hesab edirik ki, barmaqların nişanlanması prosedurunu da ləğv etmək lazımdır”.
Azərbaycanda artıq bir neçə seçki prosesini müşahidə etdiyini söyləyən S.Orlova əvvəlki illərlə müqayisədə həm texniki, həm də maarifləndirmə baxımından əsaslı irəliləyişin olduğunu vurğulayıb. “Müşahidə apardığımız seçki dairələrinin hər birində seçki prosesini izləyənlər arasında bütün partiyaların təmsilçiləri var idi”.
S.Orlova builki seçkilərdə qadınların fəal iştirakını, müşahidəçilər arasında qadınların çoxluğunu yüksək qiymətləndirib. “Hesab edirəm ki, bu məqam çox vacibdir. Məntəqələrdə xüsusilə gənclər və qadınların fəallığını müşahidə etdik. Bu, çox müsbət amildir. Azərbaycanda qadınların fəallığını mən ikinci dəfədir ki, müşahidə edirəm. ötənilki referendumda və indi keçirilən parlament seçkilərində qadınlar çox fəaldırlar. Bundan əlavə “exit-poll”arda da gənclərin çox olması bizi sevindirir”.
S.Orlova ümumiyyətlə bu seçkilərin əvvəlkilərdən daha yüksək səviyyədə keçirilməsinə xüsusi toxunub. Bu, Azərbaycanda demokratik prinsiplərin bərqərar olmasının çox yaxşı nümunəsidir.
Bildirib ki, bəzən Avropa ölkələrindən olan müşahidəçilər MDB ölkələrinə qarşı qərəzli mövqe tuturlar. Lakin, bu gün Azərbaycandakı seçkiləri mindən artıq müşahidəçinin izləməsi, seçkilərin şəffaf keçirilməsi və həddindən çox gəncin iştirakı müsbət haldır.
S.Orlova Azərbaycandakı seçkilərə çox böyük həssaslıqla yanaşdıqlarını söyləyərək, seçkilərin yüksək səviyyədə keçirilməsində maraqlı olduqlarını diqqətə çatdırıb.
MDB Parlamentlərarası Assambleyası Şurasının baş katibi Mixail Krotov seçkilərin sakit və demokratik şəraitdə keçdiyini vurğulayıb. “Bu gün seçkilərin qiymətləndirilməsi məsələsinə ədalətli mövqedən yanaşsaq görərik ki, MDB ölkələri, o cümlədən, Azərbaycan demokratik seçkilərin keçirilməsi ilə bağlı bütün tələblərə cavab verir. Hər halda Qazaxıstan, Ukrayna, Qırğızıstan və Tacikistandan olan müşahidəçilərimizin heç biri mənfi hallara rast gəlməyiblər”.

Paylaş:

Baxılıb: 1214 dəfə