İsa Qəmbər və Əli Kərimlinin ətrafı...

Bakı:

21 °C

49 %

5 m/s

Əlaqə

AZ RU EN

Ana səhifə / Siyasət / İsa Qəmbər və Əli Kərimlinin ətrafı...

İsa Qəmbər və Əli Kərimlinin ətrafı...

22.10.2010 [11:47]

Və ya Azər Əhmədovlardan, Ruslan Bəşirlilərdən, Qabil Məmmədrzayevlərdən, Aqil Xəlillərdən ibarət olan komanda Əli Kərimliyə və müttəfiqi İsa Qəmbərə hansı dividenti gətirib?
Heç kəsə sirr deyil ki, Azərbaycanın bir sıra müxalifət partiyaları xalqımızın maraqlarını qorumaq, seçicilərin etimadını qazanmaqdansa, bəzi maraqlı Qərb dairələrinin çirkin, ölkəmizin mənafeyinə zidd olan oyunlarında yer almağı daha üstün tuturlar. Bu partiyalar öz “mübarizəsini” yalnız qara piar, kampaniyalarının əsasında qurur. Hər addımda pafosun arxasında gizlənməyə çalışan, seçki dövründə “yerlə-göyü birləşdirəcəyini” vəd edib, yalan rəqəmlər səsləndirməklə divident qazanmağa çalışan belələri bəzən çəkinmədən xalqın adından danışır, özünü şişirtməyə çalışır. Təəssüf etmək gərəkir ki, belələri siyasi mübarizə anlayışını yalnız qeyri-sivil metodların arasında axtarır, əksər hallarda ölkənin qanunlarını pozmağı siyasi mubarizə ilə sinonimləşdirir. Hətta bir çox məqamlarda öz keçmişini, indisini, atdığı addımları, etdiyi səhvləri unudan, ölkənin, millətin düşmənləri ilə isti münasibətlər quraraq “dostluq sazişləri” belə bağlayanlar ölkənin inkişafının təminatı olan, demokratik cəmiyyətin qurulması uğrunda illərdir planlı iş aparan, hüquqi dövlət quruculuğu sahəsində əsaslı islahatlar həyata keçirən Azərbaycan hakimiyyətinə qara yaxmaqdan əl çəkmirlər.
Davam edən seçki prosesində müxalifətin bir sıra üzvlərinin haqsız ittihamlarının, yalan bəyanatlarının az şahidi olmamışıq. öz təbliğatını gördüyü və ya görəcəyi işlərlə deyil, hakimiyyətin üstünə böhtan atmaq “planı” üzərində quran isa qəmbərlər və ətrafı bir anlıq geriyə çevrilib öz ətraflarına diqqət salsalar, nəyin şahidi olacaqlarını yaxşı bilərlər. Amma onlar geriyə çevrilməkdən qorxurlar. çünki geridə 1992-93-cü illərdə xalqa etdikləri zülm, yaratdıqları vətəndaş müharibəsi, xalqın əmlakını talan etmə faktları və digər günahları onların gözünə görünə bilər...
Bəli, öz ətraflarındakı çirkinlikləri görə bilməyənlər ölkədə görülən işlərin üstündən qara xətt çəkməyə çalışırlar. Əlbəttə ki, bunu bacara bilməyən müxalifət rəhbərləri düşünmürlər ki, onların ətraflarının etdikləri istər partiyalarının, istər liderlərinin, istərsə də özlərinin üstlərindən artıq yekə bir qara xətt çəkib. Bu ölkəyə əxlaq dərsi keçməyə çalışan, siyasi əxlaqdan dəm vuran Əli Kərimlinin mətbu “ruporu” Azər Əhmədovun sosial şəbəkələrdə yayımlanan videokadrlarını görəsən, düşərgə təmsilçiləri necə qarşılayırlar? Adi insani əxlaqın pozulduğu yerdə hansı siyasi əxlaqa iddia edirlər? Hələ üç il öncə Q.Zahidin “3 palma” sərgüzəştlərini “qurama” adlandıran, Xocalı faciəsini bu cür “dərdlə” qeyd edən A.Əhmədov indi niyə çıxıb açıqlama verib bunu montaj adlandırmır? Budurmu, İsa Qəmbərin və özünə birləşdirməyə çalışdığı Əli Kərimlinin ətrafı?
Və ya elə A.Əhmədovu “3 palma” restoranında tək qoymağa ürək etməyən baş redaktor Qənimət Zahid yaddan çıxarıbmı o əhvalatı? Xocalı soyqırımını “özünəməxsus” şəkildə qeyd edən baş redaktor ətrafına çevrildiyi liderinə hansı “dividenti” bəxş etdiyi yəqin ki, bir tək özlərinə bəllidir...
Təbii ki, bu arada Ruslan Bəşirlini də unutmaq olmaz. Nə etsin, bu gün ermənilərlə dostluq sazişi bağlayan müttəfiqi İsa Qəmbərin atdığı addımı R.Bəşirli bir az başqa formada ortaya qoymuşdu. Düşmənlərlə iyrənc danışıq aparan, düşmən pulu ilə həyat qurmağa çalışan R.Bəşirlinin erməni casusları ilə “konyak içib konfet yeməsindən” yəqin ki, liderinin də xəbəri var. Pul bölüşdürməsindən də xəbərsiz olmazdı güman ki... çünki sonradan qəzetlərə müsahibə verən Mirzə Sakit və digərləri istər AXCP-yə, istərsə də “Azadlıq” qəzetinə gələn pulların qəpiyinə qədər Ə.Kərimli tərəfindən mənimsənildiyini deyirdilər...
O ki qaldı, Ə.Kərimlinin bu gün dəmir barmaqlıqlar arasında oğurluqda günahlandırılan müşavirinə... Bəli, AXCP sədrinin müşaviri oğurluqda günahlandırılır. Başqasının malına göz dikən, qanunu pozan və ən əsası cinayət törədən Qabil Məmmədrzayev kimin ətrafıdır? Ə.Kərimlinin və müttəfiqi İsa Qəmbərin ətrafı deyilmi? Q.Məmmədrzayevin oğurladığı pulların Sakit Allahverdiyevin “Azadlıq” qəzetinə hədiyyə etdiyi pulların aqibətini yaşamadığı kimə bəllidir?
Bəli, sizin ətrafınız öz seçdiyinə, yəni, sizlərə layiqdir. Bu misalları çoxaltmaq da olar. Dəvəquşunun misalındakı kimi elə bilməsinlər ki, heç kim onların etdiklərini görmür... Mübarizə məsələsinə gəldikdə isə onlar, ilk növbədə öz əxlaqlarını əsir götürmüş qara ləkələrlə mübarizə aparsalar yaxşıdır...
Pərviz SADAYOÄžLU

Paylaş:

Baxılıb: 1017 dəfə