Cinayət yolu ilə əldə olunmuş 210 min dollar pulun AXCP-yə aidiyyəti varmı?

Bakı:

24 °C

64 %

12 m/s

Əlaqə

AZ RU EN

Ana səhifə / Siyasət / Cinayət yolu ilə əldə olunmuş 210 min dollar pulun AXCP-yə aidiyyəti varmı?

Cinayət yolu ilə əldə olunmuş 210 min dollar pulun AXCP-yə aidiyyəti varmı?

01.09.2010 [09:57]

Əli Kərimlinin müşavirinin də aralarında olduğu cinayətkar dəstənin məhkəməsi üzrə növbəti iclas keçirilib
Ağır Cinayətlərə Dair İşlər üzrə Məhkəmədə hakim Tamella Nəsrullayevanın sədrliyi ilə Mehralıyev Racu Şükrəli oğlu, Qurbanov Hüseyn Afət oğlu, Mirzəliyev Elnur Aydın oğlu, Ağayev Mirzə Rza oğlu və Məmmədrzayev Qabil Həsən oğlunun işi üzrə növbəti məhkəmə iclası keçirilib. Lakin təqsirləndirilən şəxslərin vəkilləri prosesdə iştirak etmədiyi üçün hakim T.Nəsrullayeva prosesin sentyabrın 8-dək təxirə salındığını bildirib. Növbəti iclas zamanı zərərçəkmiş şəxslə yanaşı, şahidlərin də dindirilməsi gözlənilir.
Qeyd edək ki, bu cinayət işi 23 noyabr 2009-cu il tarixdə Məmmədova Ruqiyyə İsgəndər qızının yaşadığı Bakı şəhəri, Cavadxan küçəsi, ev 36-da yerləşən 52 saylı mənzilindən quldurluq yolu ilə özgənin əmlakını külli miqdarda ələ keçirilməsi faktına görə Azərbaycan Respublikası CM-nin 181.3.2-ci maddəsi ilə başlanılıb. Aparılmış ibtidai istintaq zamanı quldurluq cinayətinin Mehralıyev Racu Şükrəli oğlu, Qurbanov Hüseyn Afət oğlu, Mirzəliyev Elnur Aydın oğlu, Ağayev Mirzə Rza oğlu və Məmmədrzayev Qabil Həsən oğlu tərəfindən törədilməsi sübuta yetirilib. Onlar bu cinayət yolu ilə 210 000 ABŞ dollarından artıq pulu mənimsəyiblər.
Yeri gəlmişkən, onu qeyd edək ki, təqsirləndirilən şəxslərdən biri Qabil Məmmədrzayev həbs olunana qədər AXCP sədri Əli Kərimlinin müşaviri işləyib. Elə bu səbəbdəndir ki, bəzi müxalifət dairələri xüsusən, adıçəkilən şəxsin təmsil olunduğu partiya funksionerləri bu məhkəmə prosesini xüsusi olaraq diqqətdə saxlayır. Hətta bir sıra hallarda məhkəmənin gedişinə kölgə düşürməyə yönəlmiş cəhdlərin, bəyanat və fikirlərin də şahidi oluruq. Amma onların olaylara necə yanaşmasından asılı olmayaraq, əminik ki, sonda ədalət öz yerini tapacaq və bu cinayət faktı ilə bağlı ən doğru qərar qəbul olunacaq. Təbii ki, bu sırf hüquqi bir prosesdir və qanunun tələbləri prosesdə tam yerinə yetiriləcək, həmçinin hadisənin detalları, cinayət yolu ilə əldə olunmuş pulların hara xərclənməsi kimi suallar öz cavabını tapacaq.
Amma bu hadisənin başqa təfərrüatları və ortaya çıxardığı detallar da var ki, onların üzərində dayanmağa ehtiyac var. Belə ki, artıq qeyd olunduğu kimi, bu gün quldurluq etdiyi üçün hakim qarşısında dayanan Q.Məmmədrzayev uzun illər ölkəmizin siyasi arenasında mövcud olan bir partiyanın sədrinin müşaviri işləyib. Bu da partiyanın icra strukturunda heç də kiçik bir vəzifə sayılmamalıdır. Əksinə, rəhbərliyə daxil olan, partiyanın idarəçiliyində təmsil olunan bir şəxsin belə əməllərə imza atması həm də AXCP-nin tərcümeyi-halına bir ləkə kimi daxil olub. Bu fakt, həmçinin, partiyaların maliyyələşməsi məsələsində şəffaflığın təmin olunması zərurətini yenidən gündəmə gətirir. çünki beynəlxalq təcrübədən də artıq bildiyimiz kimi, bəzi partiyaların maliyyələşməsində çirkli pulların və cinayət yolu ilə əldə olunmuş gəlirlərin rolu olur. Hətta nəzarətsizlik halında, bu maliyyə vəsaitləri dövlətin daxilində sabitliyi pozmağa yönəlmiş cəhdlərin də müşahidə olunmasına şərait yaradır. Doğrudur, ölkəmizdə mövcud olan effektiv idarəçilik sistemi, demokratik şərait, qanunların işləməsi və dövlət-vətəndaş münasibətlərin yüksək səviyyədə qurulması Azərbaycanı bu tip mənfi ssenarilərdən sığortalayır. Amma istənilən halda siyasi təşkilatların, xüsusən, keçmişdə dövlətçiliyimizə qarşı müxtəlif təxribatlara imza atmış siyasi qüvvələrin maliyyələşməsində şəffaflığın təmin olunması mühüm bir şərtdir.
Bu hadisənin başqa bir dərs çıxarılmalı tərəfi də var ki, onun da üzərində durulması vacibdir. Sirr deyil ki, bu gün AXCP hakimiyyətə iddialı olan, özünü Azərbaycan iqtidarına opponent hesab edən siyasi təşkilatdır. Belə olduğu halda, adı bu cür cinayət hadisələrində hallanan bir partiyanın hansı haqla hakimiyyətə iddialı olması, dövləti idarə etmək niyyətini ortaya qoyması təbii ki, böyük bir sual doğurur. Bu gün öz yanında çalışanların hərəkətlərinə nəzarət edə bilməyən bir şəxsin Azərbaycan dövlətini idarə etməyə, ölkəmizdə yüksək postları tutub hansısa sahəyə rəhbərlik etməyə nə haqqı, nə də potensialı çatır. Bunu biz 18 il öncə Azərbaycanda hakimiyyət başında olan siyasi qüvvələrin törətdikləri cinayətlərə, dövlətimizi yaşatdıqları məşəqqətli günlərə şahidlik edərkən gördük. Və yəqin ki, xalqımız bir daha o ağır tarixi dövrü yenidən yaşamaq istəmir. Ona görə də, Əli Kərimlilərə, onunla eyni əqidəyə, eyni missiyaya qulluq edənlərə birdəfəlik “yox!” deyib və onları Azərbaycan siyasi səhnəsindən silərək tarixin bir kənarına atıb.
Aqşin ŞAHİNOÄžLU

Paylaş:

Baxılıb: 1159 dəfə