Azərbaycan milli mətbuatının 135 illik yubileyi ilə bağlı Şəkidə tədbir keçirilib

Bakı:

27 °C

61 %

8 m/s

Əlaqə

AZ RU EN

Ana səhifə / Siyasət / Azərbaycan milli mətbuatının 135 illik yubileyi ilə bağlı Şəkidə tədbir keçirilib

Azərbaycan milli mətbuatının 135 illik yubileyi ilə bağlı Şəkidə tədbir keçirilib

10.07.2010 [08:10]

Azərbaycan milli mətbuatının 135 illik yubileyi ilə bağlı cümə günü sayca dördüncü tədbir keçirilib.
Şəkidə “Azərbaycan milli mətbuatı 135: tarixi nailiyyətlər və perspektivlər” mövzusunda baş tutan konfrasda Prezident Administrasiyasının rəsmiləri, KİVDF-nin və Azərbaycan Mətbuat Şurası İdarə Heyətinin üzvləri, ölkənin aparıcı kütləvi informasiya vasitələrinin rəhbərləri, Şəki və ətraf bölgələrdə fəaliyyət göstərən mətbu nəşrlərin redaktorları, ictimaiyyət nümayəndələri və yerli hakimiyyət orqanlarının təmsilçiləri iştirak ediblər.
Prezident Administrasiyasının ictimai-siyasi məsələlər şöbəsinin müdir müavini Ərəstun Mehdiyev çıxışında dövlət başçısının Azərbaycan milli mətbuatının 135 illik yubileyinin keçirilməsi barədə 10 iyun 2010-cu il tarixli Sərəncamından irəli gələn məsələlər barədə məlumat verib. O, yubiley konfranslarının iyulun 22-dək keçiriləcəyini, daha bir neçə bölgəni əhatə edəcəyini bildirərək tədbirlərdəki ictimai aktivlik dərəcəsini medianın cəmiyyətdəki yeri və roluna bəslənilən əhəmiyyətli münasibətin nümunəsi kimi dəyərləndirib.
Ə.Mehdiyev ölkədə jurnalist ictimaiyyətinin dəyər verdiyi hadisə və proseslərə hər zaman həssas yanaşıldığını vurğulayaraq bunun dövlətin siyasi xəttindən irəli gəldiyini bildirib. “ümumbəşəri dəyərlərin üstünlüyünü, demokratik, hüquqi və dünyəvi dövlət quruculuğunu özünün inkişaf modeli kimi qəbul edən Azərbaycan Respublikası insan hüquqları, söz və mətbuat azadlığının təmin edilməsi ilə bağlı mövcud olan əksər beynəlxalq konvensiya və sazişlərə qoşulub. Həyata keçirilən məqsədyönlü tədbirlər kütləvi informasiya vasitələrinin demokratiya və aşkarlığın mühüm amilinə çevrilməsinə münbit zəmin yaradıb”, - deyə o, əlavə edib.
“Azərbaycan milli mətbuatı 135: tarixi nailiyyətlər və perspektivlər” mövzusunda məruzə edən Azərbaycan Mətbuat Şurasının sədri Əflatun Amasov ölkə mediasının inkişaf xüsusiyyətlərindən söhbət açıb. “Həsən bəy Zərdabinin yaratdığı mətbu ənənə əslində sonrakı dövr jurnalistikamız üçün bir növ cığır yaratmış oldu. “Əkinçi” məktəbinin müdavimləri XX əsrin əvvəllərində “Şərqi-Rus”, “Həyat”, “Kaspi”, “Molla Nəsrəddin”, “Zənbur” kimi indinin özündə də heyrət doğuran qəzet və jurnalları ərsəyə gətirdilər. Bu nəşrlərin rəhbərləri bir qayda olaraq uğurlarının “Əkinçi” ənənələrindən qaynaqlandığını vurğulayırdılar. Bu mənada mətbuatımızın şah əsəri sayılan “Molla Nəsrəddin” jurnalı xüsusi qeyd edilməlidir. çar Rusiyasının süqutuna doğru mətbuat istiqlal ideyalarının carçısına çevrilmişdi. Cəmi 43 il ərzində belə bir missiyanın daşıyıcısı olmaq böyük uğur idi və mətbuatımız bunu bacarmışdı”, - deyə Amaşov bildirib.
Məruzə ətrafında çıxış edən Azərbaycan Prezidenti yanında Kütləvi İnformasiya Vasitələrinin İnkişafına Dövlət Dəstəyi Fondunun icraçı direktoru Vuqar Səfərli rəhbəri olduğu qurumun fəaliyyət istiqamətlərindən danışıb. O, Fondun milli mətbuatın 135 illik yubileyi münasibətilə jurnalistlər arasında yazı müsabiqəsi təşkil etdiyini və nəticələrinin tezliklə açıqlanacağını vurğulayıb. “Bütün bunlar jurnalist əməyinin stimullaşdırılmasına, kütləvi informasiya vasitələri nümayəndələrinin peşəkarlıq səviyyələrinin artırılmasına böyük dəstəkdir. Hesab edirəm ki, Fondun mövcud istiqamətdəki fəaliyyəti bundan sonra daha da intensiv səciyyə daşıyacaq”, - o deyib.
MŞ İdarə Heyətinin üzvü, “İki sahil” qəzetinin baş redaktoru Vüqar Rəhimzadə bildirib ki, ölkə Prezidentinin Azərbaycan milli mətbuatının 135 illik yubileyinin keçirilməsi barədə Sərəncamı dövlətin media sahəsində məqsədyönlü və ardıcıl siyasi xəttinə dair növbəti bariz nümunədir. “ötən illərlə müqayisə bu xəttin daha da genişlənməkdə olduğunu göstərməkdədir. Düşünürəm ki, media ictimaiyyətimiz bundan nəticə çıxarmalı, öz fəaliyyətini gücləndirərək adekvat münasibətini ortaya qoymalıdır. Bu işdə hər bir həqiqi jurnalistin üzərinə məsuliyyət düşür”, - deyən Rəhimzadə diqqəti Mətbuat Şurasının ölkədə media sahəsindəki tənzimləməni nəzərdə tutan fəalyyəti ilə bağlı konkret faktlara çəkib.

Paylaş:

Baxılıb: 1187 dəfə