Novruz Məmmədov: Ermənistanın indiki rəhbərləri özlərinin separatizm ideyalarının girovuna çevriliblər

Bakı:

28 °C

56 %

6 m/s

AZ RU EN

Ana səhifə / Siyasət / Novruz Məmmədov: Ermənistanın indiki rəhbərləri özlərinin separatizm ideyalarının girovuna çevriliblər

Novruz Məmmədov: Ermənistanın indiki rəhbərləri özlərinin separatizm ideyalarının girovuna çevriliblər

08.07.2010 [16:22]

Prezident Administrasiyası Beynəlxalq əlaqələr şöbəsinin müdiri Novruz Məmmədovun SİA-ya müsahibəsi:
- Novruz müəllim, rəsmi Bakı yenilənmiş Madrid prinsiplərini bəzi istisnalarla qəbul edib. Ermənistan isə bu sənədin qəbulu üçün iki həftə vaxt istəsə də, artıq aylar keçib və rəsmi İrəvan bu təkliflərə münasibət bildirmir. Ermənistanın bu susqunluğunun arxasında nə gizlənir?
- Ermənistan tərəfinin münasibət bildirməməyinin çox səbəbləri var. Onların hər biri haqqında danışmaq olar. Amma məsələ burasındadır ki, ilk növbədə Ermənistanın indiki rəhbərləri separatçı qüvvələrdir. Yəni, onlar separatizm müstəvisində hakimiyyətə gəliblər və bundan sonra da həmin müstəvidə öz hakimiyyətlərini saxlamaq istəyirlər. Onlar özlərinin separatizm ideyalarının qurbanına və girovuna çevriliblər. Bunula da öz xalqlarına və ölkələrinə çox ağır, deyərdim ki, sağalmayacaq bir yara vurublar. Bunu hələ gələcək göstərəcək. Digər tərəfdən qeyd etmək istəyirəm ki, həmsədr dövlətlərin rəhbərləri, beynəlxalq təşkilatlar, eyni zamanda ABŞ, Avropa İttifaqı daha qətiyyətli mövqe göstərərək Ermənistana təzyiq etməlidirlər. Ermənistan Azərbaycanın 20 faiz ərazisini işğal edib və hazırda da həmin əraziləri işğal altında saxlayır. Düşünürəm ki, məsələnin uzanmasının əsas səbələrindən biri odur ki, dünyanın nüfuzlu dövlətləri, ABŞ, Avropa İttifaqı və ümumiyyətlə, beynəlxalq təşkilatlar işğalçı Ermənistana güclü təzyiq göstərmirlər. Onlar ədalətin bərpa olunması üçün rəsmi İrəvandan konkret mövqe tələb etməlidirlər. Ermənistan ordusu Azərbaycanın 20 faiz torpaqlarını işğal edib, Dağlıq Qarabağı 20 ildir talan edir. Amma bununla bağlı işğalçı dövlətə heç kim heç nə demir. Bu düzgün deyil. ümumiyyətlə, dünya birliyindən, Avropadan ədalət naminə, beynəlxalq hüquq naminə ədalətli mövqe gözləyirik. Biz ABŞ-dan, Rusiya Federasiyasından, Fransadan, beynəlxalq təşkilatlardan yalnız bunu istəyirik. Bizim başqa heç bir tələbimiz, iddiamız yoxdur. Ədalətli mövqe nümayiş etdirilsin. Bütün dünya Azərbaycanın ərazi bütövlüyünü dəstəkləyir və tanıyır. Amma bu hələlik azdır və işğalçı Ermənistana təzyiq göstərmək lazımdır. Bu təzyiq olmadığı üçün Ermənistan özünü arxayın hesab edir və danışıqlar prossesini məqsədli şəkildə uzadır.
- ABŞ Ermənistana 44 milyon dollar həcmində maliyyə yardımı göstərmək barədə qərar qəbul edib. Vaşinqton, həmçinin, Azərbaycanın işğal olunmuş Dağlıq Qarabağ bölgəsində fəaliyyət göstərən separatçı rejimə də maliyyə yardımını ötən illə müqayisədə 2 milyon dollar artıraraq 10 milyona çatdırıb. Separatçı quruma maliyyə vəsaiti ayırmaq sizcə, nə dərəcədə düzgündür?
- Biz bununla bağlı mövqeyimizi daim bildirmişik. ABŞ-la Azərbaycan arasında çox gözəl, uğurlu əməkdaşlıq olsa da, münasibətlər bərabərhüquqlu tərəfdaşlıq səviyyəsinə yüksəlsə də, çox təəssüf ki, bu ölkə Ermənistanı dəstəkləməkdə davam edir. Əlbəttə, biz bundan narazıyıq. Ədalətli mövqe deyəndə biz məhz belə məsələləri nəzərdə tuturuq. Mən düşünürəm ki, ABŞ dövlət katibinin Azərbaycana səfərindən sonra bu sahədə bəlkə də müəyyən dəyişiklik olacaq. Belə ki, Hillari Klinton Azərbaycana gəldi, Azərbaycanın indki durumunun və inkişafının şahidi oldu. Düşünürəm ki, aparılan danışıqlar gələcək münasibətlərimizdə stimul rolunu oynayacaq və yəqin ki, xoşagəlməz məqamların aradan qaldırılmasına kömək edəcək.

Paylaş:

Baxılıb: 1168 dəfə