Türk dünyasının həkimləri və alimləri Naxçıvanda bir araya gəliblər

Bakı:

25 °C

54 %

2 m/s

Əlaqə

AZ RU EN

Ana səhifə / Siyasət / Türk dünyasının həkimləri və alimləri Naxçıvanda bir araya gəliblər

Türk dünyasının həkimləri və alimləri Naxçıvanda bir araya gəliblər

02.07.2010 [10:51]

Azərbaycan Prezidenti İlham Əliyevin təşəbbüsü ilə 2-3 oktyabr 2009-cu ildə Naxçıvan MR-də keçirilən Türkdilli Dövlətlərin başçılarının zirvə toplantısında qəbul edilmiş tarixi qərarların həyata keçirilməsi istiqamətində Azərbaycanlıların və digər Türkdilli Xalqların Əməkdaşlıq Mərkəzi (ATXƏM) bir sıra tədbirlər planlaşdırıb. Bu tədbirlərdən biri də 26-30 iyun 2010-cu il tarixində Naxçıvanda Türk dünyası həkimlərinin və ziyalıların iştirakı ilə gerçəkləşib.
İyunun 28-də Azərbaycanlıların və digər Türkdilli Xalqların Əməkdaşlıq Mərkəzi (ATXƏM) və Türk Gastroenteroloji Vakfının təşkilatçılığı ilə Naxçıvan Muxtar Respublikasındakı “Duzdağ” otelində Türkiyə və Azərbaycan həkimlərinin iştirakı ilə Gastroenteroloji ve Hepatoloji Konfrans keçirilib.
Naxçıvan Muxtar Respublikasının rəhbərliyi tərəfindən dəstəklənən bu konfransa Türkiyədən 50-yə yaxın elm adamı, alimlər və həkimlər qatılıblar. Konfransda Naxçıvan həkimləriylə yanaşı, Bakıdan 20-ə yaxın elm adamı, gastroentoloqlar və həkimlər iştirak ediblər.
Konfransda çıxış edən ATXƏM-in sədri İlham İsmayılov konfrans iştirakçılarını salamlayaraq bildirib ki, Türk Dövlətləri həkimləri üçün Gastroenteroloji ve Hepatoloji Konfransın Naxçıvan Muxtar Respublikasında keçirilməsi həkimlərin beynəlxalq təcrübə mübadiləsi aparması ilə yanaşı, Azərbaycanın maraqlarını müdafiə edən diaspor təşkilatlarının əlaqələrinin genişlənməsi baxımından da əhəmiyyətlidir.
Türk Gastroenteroloji Vakfının başkanı prof.dr. Ali özden də söyləyib ki, iki il öncə analoji Beynəlxalq Gastroenteroloji Konfrans Türk Gastroenteroloji Vakfı və ATXƏM-in birgə təşkilatçılığı ilə Gəncə və Bakı şəhərlərində keçirilib. Konfransın nəticəsi olaraq Azərbaycan və Türk həkimləri arasında zəngin təcrübə mübadiləsi gerçəkləşib, tibb sahəsində qarşılıqlı əməkdaşlıq üçün gözəl imkanlar yaranıb: “Biz bu gün həmin əməkdaşlığı daha da genişləndirmək və həkimlərimizin öz təcrübələrini bölüşmələri üçün Türk dünyası üçün çox önəmli bir bölgə olan Naxçıvandayıq”.
Konfransda iştirak edən Prezident Administrasiyası ictimai-siyasi məsələlər şöbənin sektor müdiri Qafar Əliyev qeyd edib ki, Türkiyə Qastreonteroloji Vakfı ilə ATXƏM Bakı və Gəncədən sonra yenidən təşəbbüs göstərərək, 26-30 iyun 2010-cu il tarixində növbəti Beynəlxalq Qastreonteroloji konfrans keçirməyi qərara alıb. Həmin təşəbbüs Naxçıvan Ali Məclisinin rəhbərliyi tərəfindən bəyənilib və bu istiqamətdə ciddi hazırlıq işləri görülüb: “Bu toplantıda əsas məqsəd Türk dünyasını qovuşduran və Şərqin qapısı hesab olunan qədim Naxçıvan torpağının sosial-iqtisadi həyatında elm, təhsil, mədəniyyət, tibb və digər sahələrdə əldə etdiyi nailiyyətlərlə tanış olmaq və həmçinin, Naxçıvan MR-də qastreonteroloji sahədə çalışan həkimlərə faydalı məsləhətlər vermək, onlarla fikir mübadiləsi aparmaqdır. Əgər hər bir digər sahələr üzrə çalışan mütəxəssislərimiz də oxşar vətənpərvərlik coşqusu ilə hərəkətə keçib, təşəbbüslər göstərsələr yaxın zamanlarda - XXI əsrin ilk onilliyində Türk dünyası birliyi yolunda əsil möcüzələr baş verəcək”.
Sonra konfrans həkimlərin məruzələri ilə davam etdirilib.
Konfransda məruzə ilə dr.Ahmet Aydın, dr.Selçuk Dişibeyaz, dr.Fulya Demirçeken, dr. Zeygam Süleyman, dr. Altay çelebi, dr.Abdullah Sonsuz, dr. Galip Ersöz, Dr. Dilek Oğuz, dr.Nuru Bayramov, dr. Burhan Şahin, dr. Cihan Yurdaydın, dr. Yusuf Bayraktar, dr. Yılmaz çakaloğlu, Dr. Ahmet Tezel,Dr. Erkan Parlak, dr. Mircelal Kazimi, dr. Eldar Əhmədov çıxış edərək qastreonterologiya sahəsindəki yeniliklərlə bağlı məlumat verib, bu sahədə öz bilik və bacarıqlarını paylaşıblar.
İyunun 29-da isə Naxçıvan Dövlət Universitetində Türk dünyasının bir parçası olan Naxçıvanın tarixinə və bu günkü vəziyyətinə həsr olunmuş Tarix Konfransı keçirilib.
Konfransda çıxış edən Naxçıvan Dövlət Universitetinin prorektoru Hüseyn Rəcəbli qonaqlara Universitetlə bağlı məlumat verib.
Akademik Vəli Əliyev isə konfransda Naxçıvanın tarixi ilə bağlı məruzə edib. Sonra qonaqlar Naxçıvanın tarixi abidələri, o cümlədən Möminə Xatun türbəsi, Nuh peyğəmbərin türbəsi və açıq səma altındakı Tarix muzeyi ilə tanış olublar.
RAMİL

Paylaş:

Baxılıb: 1070 dəfə