Xalqımız öz ordusu ilə qürur duyur

Bakı:

23 °C

73 %

8 m/s

Əlaqə

AZ RU EN

Ana səhifə / Siyasət / Xalqımız öz ordusu ilə qürur duyur

Xalqımız öz ordusu ilə qürur duyur

22.06.2010 [08:56]

YAP Nizami rayon təşkilatının fəalları cəbhə xəttində Vətənin keşiyində duran zabit və əsgərlərlə görüşüblər
İyun ayının 19-da Yeni Azərbaycan Partiyası (YAP) Nizami rayon təşkilatının fəalları 26 İyun - Silahlı Qüvvələr Günü münasibətilə cəbhə xəttində olublar. Vətənin keşiyində duran zabit və əsgərlərlə keçirilən görüşdə çıxış edən Yeni Azərbaycan Partiyası (YAP) Nizami rayon təşkilatının sədri Sədaqət Vəliyeva xalqımızın ümummilli lideri Heydər Əliyevin müstəqil respublikamızda Milli Ordu quruculuğunda misilsiz xidmətlərindən geniş söhbət açıb: “ümummilli lider Heydər Əliyevin xalqın təkidli tələbi ilə yenidən hakimiyyətə qayıdışından sonra Azərbaycanda bütün sahələrdə quruculuq prosesinə start verildi. Eyni zamanda, məhz Ulu öndərin rəhbərliyi altında həyata keçirilən islahatlar nəticəsində qısa müddətdə vahid komandanlığa tabe olan nizami ordu formalaşdı. 1993-cü il noyabrın 1-də Müdafiə Şurası yaradıldı, noyabrın 2-də isə Ulu öndər Heydər Əliyev Ermənistan silahlı qüvvələrinin Azərbaycan Respublikasının ərazisinə yeni hücumları və təcavüzü ilə bağlı televiziya və radio ilə xalqa müraciət etdi. Bu müraciət Azərbaycan Silahlı Qüvvələri quruculuğunda yeni mərhələnin - Heydər Əliyev mərhələsinin başlanğıcı oldu. ümummilli lider Heydər Əliyev 1998-ci il mayın 22-də imzaladığı Fərmanla Milli Ordu quruculuğunda varislik ənənələrinin bərpası ilə bağlı çox böyük əhəmiyyətə malik tarixi bir addım atıb. Bu gün isə Ulu öndərimizin siyasi kursunu uğurla davam etdirən Prezident İlham Əliyevin rəhbərliyilə ordumuz hər an torpaqlarımızı işğaldan azad etməyə hazırdır”.
çıxışının sonunda əsgər və zabitləri 26 İyun - Silahlı Qüvvələr Günü münasibətilə təbrik edən Sədaqət Vəliyeva onlara uğurlar arzulayıb.
çıxış edən Nizami rayonu İcra Hakimiyyətinin başçısının müavini Gülnaz İsrafilova Milli Ordumuzun yaranmasının növbəti ildönümü münasibətilə görüşdə iştirak edən zabit və əsgərləri təbrik edib, onlara müstəqil dövlətimizin hərbi qüdrətinin, ordumuzun döyüş qabiliyyətinin yüksəldilməsində uğurlar və tezliklə torpaqlarımızın işğaldan azad olunmasını arzulayıb.
Daha sonra görüşdə çıxış edən YAP Nizami rayon təşkilatının Qadınlar Şurasının sədri Sevda Abdullayeva, partiya fəalı Mübariz Həsənov, rayon təşkilatının BNEZ ilk partiya təşkilatının sədri Samir Əhmədov ordumuzun düşmən həmləsinə hər an layiqincə cavab verməyə hazır olduğunu bildiriblər. Onlar ordu ilə xalqın möhtəşəm birliyini qeyd edərək əsgərlərimizə Vətən qarşısında müqəddəs borclarını layiqincə yerinə yetirmələrini arzulayıblar.
çıxış edən hərbçi Azər Əhmədov isə deyib ki, partiya fəallarının cəbhə xəttində əsgər və zabitlərlə görüşə gəlməsi onu göstərir ki, xalqımız öz ordusu ilə qürur duyur.
Sonra əsgərlərə hədiyyələr verilib.
Konsert proqramı ilə başa çatan görüş hərbi hissənin zabit və əsgərlərində xoş əhval-ruhiyyə yaradaraq, onların böyük sevincinə səbəb olub.
Ramil VƏLİBƏYOV

Paylaş:

Baxılıb: 1283 dəfə